1 سَمَٰعِيلَ 28
28
1أَنَانً عَݣُونَكِنْنَنْ ڢِلِسْتِيَاوَا سُكَ تَتَّارَ سُواْجُواْجِنْسُ دُواْمِنْ سُيِ يَاڧِ دَ إِسْرَٰٓءِيلَاوَا؞ سَيْ عَكِشْ يَثٜىٰ وَ دَاوُدَ «كَسَنِ ڢَا، كَيْ دَ مُتَنٜىٰنْكَ ذَاكُ حَطَكَيْ تَرٜىٰدَنِ دَ سُواْجُواْجِنَ ثِكِنْ يَاڧِنْ؞»
2دَاوُدَ يَأَمْسَ وَ عَكِشْ يَثٜىٰ «بَاشَكَّ، كَيْ مَا ذَاكَ سَنْ عَيْكِنْ دَ ذَنْعِيَيِ؞»
عَكِشْ يَأَمْسَ يَثٜىٰ «دَ ݣَوْ، ذَنْ مَيْدَكَيْ مَيْغَادِنَ حَرْ إِيَاكَرْ رَنْكَ؞»
طَالُوتَ يَا ظِيَرْثِ مَثٜىٰ مَيْ دُوبَ
3سَمَٰعِيلَ كُوَ يَا رِغَا يَا مُتُ، دُكَنْ إِسْرَٰٓءِيلَ سُكَيِ كُوكَنْسَ؞ سُكَ كُمَ بِنّٜىٰشِ أَغَرِنْسَ رَمَ؞ طَالُوتَ كُوَ يَا رِغَا يَا كَوَرْدَ مَاسُ بُواْكَنْثِ دَ مَاسُ حَطَكَيْ دَ رُوحُواْحِنْ مَتَتُّو دَغَ ڧَسَرْ؞#لِـ ڢِرْ 20.27؛ مَيْ شَـ 18.10-11؛ 1 سَمْ 25.1
4ڢِلِسْتِيَاوَا سُكَ تَارَ كَنْسُ سُكَذُواْ سُكَ كَڢَ سَنْسَنِنْ يَاڧِ أَغَرِنْ شُنٜىٰمْ؞ طَالُوتَ كُوَ يَتَتَّارَ سُواْجُواْجِنْ إِسْرَٰٓءِيلَ دُكَ يَكَڢَ سَنْسَنِنْ يَاڧِنْسَ عَبَبَّنْ تُدُنْ غِلْبُواْوَ؞ 5دَ طَالُوتَ يَغَ سُواْجُواْجِنْ ڢِلِسْتِيَاوَا سَيْ يَجِڟُواْرُواْ يَڢِرْغِتَ أَ ذُوثِيَارْسَ سُواْسَيْ؞ 6يَنٜىٰمِ نُڢِنْ يَهْوٜىٰهْ؞ عَمَّا يَهْوٜىٰهْ بَيْ أَمْسَبَ، كُواْ تَوُرِنْ مَڢَرْكَيْ، كُواْ تَوُرِنْ أَبُبُوَنْ نٜىٰمَنْ سَنِنْ نُڢِنْ يَهْوٜىٰهْ أَ حَنُّنْ ڢِرِسْتِ، كُواْ تَوُرِنْ وَنِ أَنَّبِے؞#لِـ ڧِدْ 27.21 7سَيْ طَالُوتَ يَثٜىٰ وَمَاسُ يِمَسَ حِدِمَ «كُڢِتَ كُنٜىٰمَ مِنِ وَتَ مَيْ حَطَكَيْ دَ رُوحُواْحِنْ مَتَتُّو دُواْمِنْ إِنْ تَڢِے إِنْ تَمْبَيٜىٰتَ أَبِنْدَ ذَيْ ڢَرُ؞»
سُكَ أَمْسَ مَسَ سُكَثٜىٰ «أَيْ، أَݣَويْ وَتَ بُواْكَ أَغَرِنْ عٜىٰنْدُوارْ؞»
8سَيْ طَالُوتَ يَسَا وَطَنْسُ رِيغُنَ دُواْمِنْ يَثَنْجَ كَمَنِّ؞ سَيْ يَتَڢِے تَرٜىٰدَ وَطَنْسُ مُتَنٜىٰنْسَ بِيُ سُنْ ذُواْ وُرِنْ مَاتَرْ دَ دَرٜىٰ؞ يَثٜىٰ مَتَ «كِكِرَوُاْ مِنِ رُوحٌ وَنِ وَنْدَ يَمُتُ؞ كِتَادَ مِنِ مُتُمِنْ دَ ذَنْ كِرَا سُونَنْسَ؞»
9مَاتَرْ تَأَمْسَ مَسَ تَثٜىٰ «حَڧِيڧَ كَسَنْ أَبِنْدَ سَرْكِے طَالُوتَ يَيِ، يَدَّ يَكَوَرْدَ مَاسُ حَطَكَيْ دَ رُوحُواْحِنْ مَتَتُّو دَ مَاسُ بُواْكَنْثِ دَغَ ڧَسَرْ؞ مٜىٰيَسَا كَكٜىٰ سَا مِنِ تَرْكُواْ، دُواْمِنْ كَسَا عَكَشٜىٰنِ؟»
10طَالُوتَ يَرَنْڟٜىٰ مَتَ دَ يَهْوٜىٰهْ يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ بَابُ حُكُنْثِنْ دَ ذَيْسَامٜىٰكِ غَمٜىٰدَ وَنَّنْ؞»
11سَيْ تَثٜىٰ «وَ ذَنْ كِرَا مَكَ؟»
يَأَمْسَ يَثٜىٰ «كِتَادَ مِنِ سَمَٰعِيلَ؞»
12دَمَاتَرْ تَغَ سَمَٰعِيلَ سَيْ تَيِ إِيهُ دَ ڧَرْڢِے، تَثٜىٰ وَ طَالُوتَ «أَشٜىٰ، كَيْنٜىٰ سَرْكِے طَالُوتَ! دُوانْمٜىٰ كَرُوطٜىٰنِ؟»
13سَرْكِے يَثٜىٰمَتَ «كَدَ كِجِڟُواْرُواْ؞ مٜىٰ كِكَ غَنِ؟»
تَا أَمْسَوَ طَالُوتَ تَثٜىٰ «نَغَ وَنِ رُوحُ يَنَ ڢِتُواْوَ دَغَ ڧَسَا؞»
14سَيْ يَتَمْبَيٜىٰتَ «يَيَ كَمَنِّنْسَ يَكٜىٰ؟»
تَا ثٜىٰ «وَنِ ڟُواْهُوانْ مُتُمْ نٜىٰ يَكٜىٰ هَوْرُواْوَ، يَنَ سَنْيٜىٰ دَ بَبَّرْ رِغَا؞»
سَيْ طَالُوتَ يَغَانٜىٰ سَمَٰعِيلَ نٜىٰ، سَيْ يَدُرْڧُسَ يَرُسُنَ دَ ڢُسْكَرْسَ حَرْ ڧَسَا؞
15سَمَٰعِيلَ يَتَمْبَيِ طَالُوتَ يَثٜىٰ «دُوانْمٜىٰ كَدَمٜىٰنِ تَوُرِنْ تَادَنِ حَكَ؟»
طَالُوتَ يَثٜىٰ «إِنَ ثِكٜىٰ دَ دَامُوَ ڨُورَيْ! ڢِلِسْتِيَاوَا سُنَ يَاڧِ دَنِے، كُمَ اللَّهْ يَرَبُ دَنِے؞ بَايَ أَمْسَ مِنِ كُواْمٜىٰ يَنْذُ، كُواْ تَوُرِنْ وَنِ أَنَّبِے، كُواْ تَوُرِنْ مَڢَرْكَيْ؞ دُواْمِنْ حَكَ نَكِرَاكَ كَڢَطَا مِنِ إِنْسَنْ أَبِنْدَ ذَنْيِ؞»
16سَمَٰعِيلَ يَثٜىٰ مَسَ «دُوانْمٜىٰ كَكٜىٰ تَمْبَيَاتَ، تُنْدَ يَهْوٜىٰهْ يَرَبُ دَكَيْ يَكُمَ ذَمَ أَبُواْكِنْ غَابَنْكَ؟ 17يَهْوٜىٰهْ يَايِ مَكَ دَيْدَيْ يَدَّ يَڢَطَا تَبَاكِنَ؞ يَهْوٜىٰهْ يَا يَاغٜىٰ مُلْكٍ دَغَ حَنُّنْكَ يَبَا مَڨُوبْثِنْكَ دَاوُدَ؞#1 سَمْ 15.28 18سَبُواْدَ بَكَيِ بِيَيَّ دَ مُرْيَرْ يَهْوٜىٰهْ بَ، بَكَ هَلَّكَرْ دَ مُتَنٜىٰنْ أَمَلٜىٰكْ سَبُواْدَ ڢُشِنْسَبَ، يَهْوٜىٰهْ يَنَيِ مَكَ وَنَّنْ عَيَوْ؞#1 سَمْ 15.3-9 19بَنْدَ حَكَمَا، يَهْوٜىٰهْ ذَيْبَادَ مُتَنٜىٰنْ إِسْرَٰٓءِيلَ تَرٜىٰدَكَيْ أَ حَنُّنْ ڢِلِسْتِيَاوَا؞ غُواْبٜىٰ كُمَ كَيْ دَ یَیَنْكَ مَظَا ذَاكُ كَسَنْثٜىٰ تَرٜىٰدَنِ أَنَنْ؞ يَهْوٜىٰهْ كُمَ ذَيْبَادَ سُواْجُواْجِنْ إِسْرَٰٓءِيلَ أَ حَنُّنْ ڢِلِسْتِيَاوَا؞»
20نَنْ دَ نَنْ سَيْ طَالُوتَ يَڢَاطِ عَڧَسَا غَبَاطَيَ سَبُواْدَ ڟَنَنِنْ ڢِرْغِتَ غَمٜىٰدَ مَغَنَرْ دَ سَمَٰعِيلَ يَيِ مَسَ؞ بَا شِ دَ ڧَرْڢِے، غَمَا بَيْثِكُواْمٜىٰبَ تُنْدَغَ عَبِنْثِنْ يَمَّ نَجِيَ حَرْ دَرٜىٰنَّنْ؞ 21سَيْ مَاتَرْ تَجٜىٰ كُسَدَشِ تَغَ أَڢِرْغِثٜىٰ يَكٜىٰ، سَيْ تَثٜىٰمَسَ «غَاشِ، نِے بَيْوَرْكَ نَسَدَوْكَرْ دَ رَيْنَ، نَيِ أَبِنْدَ كَڢَطَا مِنِ؞ 22يَنْذُ بَرِ كَجِ أَبِنْدَ نِے بَيْوَرْكَ ذَنْ ڢَطَا مَكَ؞ بَرِ إِنْبَاكَ غُرَاسَ كَطَنْ، كَثِ دُواْمِنْ كَسَامِ ڧَرْڢِنْ كُواْمَاوَا؞»
23سَيْ طَالُوتَ يَڧِ، يَثٜىٰ «بَذَنْثِ كُواْمٜىٰبَ؞» عَمَّا دَ مَاسُ يِمَسَ حِدِمَ سُكَ ڧَرْڢَڢَ شِ تَرٜىٰدَ مَاتَرْ، سَيْ يَجِ مَغَنَرْسُ؞ سَيْ يَتَاشِ دَغَ ڧَسَا يَذَوْنَ عَكَنْ غَدُواْ؞ 24مَاتَرْ كُوَ تَنَدَ وَنِ یَرْ سَانِيَ مَيْ ڧِبَ أَغِدَا؞ سَيْ تَيِ سَوْرِ تَطَوْكَ تَيَنْكَ؞ تَا كُمَ طَوْكِ غَارِ تَݣُوٻَ، تَيِ وَيْنَ مَرَرْ يِسْتِ؞ 25سَعَنً تَكَيْوَ طَالُوتَ دَ مُتَنٜىٰنْسَ، سُكَثِ؞ سَعَنً سُكَتَاشِ سُكَ تَڢِے دَ دَرٜىٰنَّنْ؞
Currently Selected:
1 سَمَٰعِيلَ 28: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
