1 سَمَٰعِيلَ 30
30
أَمَلٜىٰكَاوَا سُنْ كَيْ وَ وُرِنْ ذَمَنْ دَاوُدَ هَرِ
1سَعَدَّ دَاوُدَ تَرٜىٰدَ مُتَنٜىٰنْسَ سُكَ إِسُواْ غِدَنْسُ أَ ظِكْلَكْ أَ رَانَ تَ عُكُ، سَيْ سُكَ سَامِ أَمَلٜىٰكَاوَا سُنْ كَيْ هَرِ عَكُدَنْثِنْ ڧَسَرْدَ كُمَ ظِكْلَكْ، حَرْ سُكَ ڧُواْنٜىٰ ظِكْلَكْ؞ 2سُكَ كَكَّامَ مَاتَادَ دُكَنْ مُتَنٜىٰنْ دَسُكٜىٰ أَوُرِنْ، مَنْيَ دَ ڧَنْڧَنَنَ، عَمَّا بَسُ كَشٜىٰسُبَ؞ سُكَ بِيدَسُو سُكَ تَڢِے دَسُو؞
3دَ دَاوُدَ تَرٜىٰدَ مُتَنٜىٰنْسَ سُكَ إِسُواْ ظِكْلَكْ، سَيْ سُكَ سَامِ أَنْڧُواْنٜىٰ غَرِنْ، أَنْكَكَّامَ مَاتَنْسُ دَ یَیَنْسُ مَظَا دَ مَاتَا عَيَاڧِ؞ 4سَيْ دَاوُدَ دَ مُتَنٜىٰنْسَ سُكَ ڢَشٜىٰ دَ كُوكَا، سُكَيِ تَكُوكَا حَرْ سَيْ دَ ڧَرْڢِنْسُ يَڧَارٜىٰ؞ 5أَنْ كَامَ مَتَنْ دَاوُدَ دُكَ بِيُ عَكَ تَڢِے دَسُو، وَتُواْ أَهِنُواْوَمْ دَغَ يٜىٰظِرٜىٰيٜىٰلْ دَ أَبِغِيٜىٰلْ وَدَّ دَا مَاتَرْ نَبَلْ ثٜىٰ مُتُمِنْ كَرْمٜىٰلْ؞#1 سَمْ 25.42-43 6دَاوُدَ يَنَ ثِكِنْ حَڟَرِ ڨُورَيْ دُواْمِنْ مُتَنٜىٰنْسَ سُنْ ݣُوشِ دُوَڟُو ذَاسُ جٜىٰجّٜىٰڢٜىٰشِ، غَمَا كُواْوَنّٜىٰنْسُ يَنَ ڢُشِے غَمٜىٰدَ یَیَنْسَ مَظَا دَ مَاتَا؞ عَمَّا دَاوُدَ يَڧَرْڢَڢَ كَنْسَ غَمَا يَا دُواْغَضَ غَ يَهْوٜىٰهْ اللَّهْ نْسَ؞ 7دَاوُدَ يَثٜىٰ وَ أَبِيَتَرْ ڢِرِسْتِ طَنْ أَهِمٜىٰلٜىٰكْ «كَكَٰوُاْ مِنِ عٜىٰڢُوادْ نَنٜىٰمَنْ نُڢِنْ يَهْوٜىٰهْ؞» أَبِيَتَرْ كُوَ يَكَٰوُاْ؞#1 سَمْ 22.20-23 8دَاوُدَ يَتَمْبَيِ يَهْوٜىٰهْ يَثٜىٰ «إِنْبِے وَطَنَّنْ دَ سُكَ كَٰوُاْ مَنَ هَرِ؟ ذَنْ سَامٜىٰسُ؟»
يَهْوٜىٰهْ يَثٜىٰ «عِ، كَبِيسُ، لَلَّيْ ذَاكَسَامٜىٰسُ، لَلَّيْ ذَاكَ كُٻُتَرْدَ عِيَلَنْكُ؞»
9دَاوُدَ دَ مُتَنٜىٰنْسَ طَرِے شِدَ سُكَ كَامَ حَنْيَ دَ سُكَ كَيْ رَاڢِنْ بٜىٰسُوارْ، وَطَنْسُنْسُ سُكَ ڟَيَ أَوُرِنْ؞ 10دَاوُدَ يَثِيغَبَدَ مُتَنٜىٰ طَرِے حُطُ، غَمَا مُتَنٜىٰ طَرِے بِيُ سُنْ غَجِ سُواْسَيْ حَرْ سُنْ كَاسَ ڧٜىٰتَرٜىٰ رَاڢِنْ؞ 11مُتَنٜىٰنْ دَاوُدَ سُكَ سَامِ وَنِ مُتُمِنْ ڧَسَرْ مَصَرْ أَدَاجِ، سُكَ كَٰوُاْ شِ وَجٜىٰنْ دَاوُدَ؞ سُكَ بَاشِ عَبِنْثِ يَثِ، سُكَ بَاشِ ضُوَ يَشَا؞ 12سُكَ بَاشِ دُنْڧُلٜىٰنْ بُوسَشّٜىٰنْ ٻَوْرٜىٰ دَ دُنْڧُلٜىٰنْ بُوسَشّٜىٰنْ إِنَبِے بِيُ؞ يَثِ، ڧَرْڢِنْسَ كُوَ يَدَاوُاْ، غَمَا يِنِ عُكُ دَ دَرٜىٰ عُكُ بَيْثِ عَبِنْثِ بَ بَيْشَا ضُوَبَ؞ 13دَاوُدَ يَتَمْبَيٜىٰشِ يَثٜىٰ «وَنٜىٰنٜىٰ شُوغَبَنْكَ، كُمَ كَيْ دَغَ إِنَا نٜىٰ؟»
سَيْ يَأَمْسَ يَثٜىٰ «نِے مُتُمِنْ ڧَسَرْ مَصَرْ نٜىٰ، بَاوَنْ وَنِ مُتُمِنْ أَمَلٜىٰكْ؞ ݣُونَكِے عُكُ دَ سُكَ وُثٜىٰ نٜىٰ شُوغَبَنَ يَڨَلٜىٰنِ أَنَنْ غَمَا إِنَ ثِيوُاْ؞ 14مُنْ كَيْ هَرِ عَكُدَنْثِنْ يَنْكِنْ كٜىٰرٜىٰتْ دَ كُدَنْثِنْ يَنْكِنْ يَهُودَ دَ كُمَ نَدَنْغِنْ كَلٜىٰبْ؞ مُكَ كُمَ ڧُواْنٜىٰ ظِكْلَكْ؞»
15دَاوُدَ يَثٜىٰ مَسَ «كُواْ ذَاكَ كَيْنِ وُرِنْ ڧُنْغِيَرْ مَاسُ هَرِنَّنْ؟»
يَأَمْسَ يَثٜىٰ «عِدَنْ ذَاكَ ضَنْڟٜىٰ مِنِ دَ أَلُّواْلِ ثٜىٰوَ بَذَاكَ كَشٜىٰنِبَ، كُواْ كُوَ بَذَاكَ بَادَنِ أَ حَنُّنْ شُوغَبَنَ بَ، ذَنْ كَيْكَ؞»
16يَكَيْشِ وُرِنْ؞ سَيْغَاسُ عَبَجٜىٰ كُواْعِنَ، سُنَثِ سُنَ شَا سُنَ ضَوَ سَبُواْدَ يَوَنْ أَبُبُوَنْ دَ سُكَ ڨُوثٜىٰ عَيَاڧِ دَغَ ڧَسَرْ ڢِلِسْتِيَ دَ ڧَسَرْ يَهُودَ؞ 17دَاوُدَ يَيِڢَطَ دَسُو دَغَ ڢَاطُوَرْ رَانَ حَرْ ذُوَا وَشٜىٰغَرِ دَ يَمَّ؞ بَابُوَنْدَ يَڟِيرَا، سَيْدَيْ وَطَنْسُ سَمَارِ طَرِے حُطُ وَطَنْدَ سُكَ هَوْ رَاڧُمَ سُكَ غُدُ؞ 18دَاوُدَ يَسَامِ مَاتَنْسَ بِيُ دَ دُكَنْ أَبُبُوَنْ دَ أَمَلٜىٰكَاوَنْ سُكَ ݣُوشٜىٰ؞ 19بَابُ أَبِنْدَ يَٻَثٜىٰ؞ دَاوُدَ يَدَاوُاْ دَ كُواْوَ، مَنْيَ دَ ڧَنْڧَنَنَ، یَنْ مَظَا دَ یَنْ مَاتَا دُكَ دَ دُكَنْ أَبُبُوَنْ دَ أَمَلٜىٰكَاوَا سُكَ ݣُوشٜىٰ عَيَاڧِ؞ 20دَاوُدَ يَݣُوشِ دُكَنْ غَرْكُنَنْ تُمَكِ دَ أَوَكِ دَ نَشَانُو نَ أَمَلٜىٰكَاوَا عَيَاڧِ؞ سَيْ مُتَنٜىٰنْسَ سُكَ كُواْرِ وَطَنَّنْ غَبَ دَ نَاسُ دَبُّواْبِے سُنَ ثٜىٰوَ «وَطَنَّنْ نَ دَاوُدَ نٜىٰ؞»
21سَيْ دَاوُدَ يَكُواْمَ وُرِنْ مُتَنٜىٰ طَرِے بِيُنْ دَ بَسُ عِيَ بِنْسَبَ سَبُواْدَ يَوَنْ غَاجِيَ؞ سُونٜىٰ عَكَ بَرْسُ أَ رَاڢِنْ بٜىٰسُوارْ؞ سُكَتَاشِ سُكَ تَرْيِ دَاوُدَ دَ مُتَنٜىٰنْسَ؞ سَعَدَّ دَاوُدَ يَكَيْ كُسَدَسُو، سَيْ يَغَيْشٜىٰسُ؞ 22عَمَّا وَطَنْسُ مَاسُ مُغُنْتَادَ وَطَنْسُ یَنْ إِسْكَ عَثِكِنْ وَطَنْدَ سُكَ تَڢِے دَ دَاوُدَ سُكَثٜىٰ «تُنْدَيَكٜىٰ بَسُ تَڢِے تَرٜىٰدَمُوبَ، بَذَاعَبَاسُ كُواْمٜىٰ ثِكِنْ أَبُبُوَنْ دَ مُكَ ݣُوشٜىٰ عَيَاڧِبَ؞ عَبَاسُ مَاتَنْسُ دَ یَیَنْسُ كَوَيْ وَطَنْدَ مُكَ كُٻُتَرْ دَسُو، سُتَڢِے؞»
23عَمَّا دَاوُدَ يَثٜىٰمُسُ «یَنْعُوَنَ، بَيْ كَمَاتَ كُيِ حَكَ دَ أَبُبُوَنْ دَ يَهْوٜىٰهْ يَبَامُبَ؞ يَكِيَايٜىٰمُ، يَكُمَ بَادَ ڧُنْغِيَرْ مَاسُ هَرِنَّنْ أَ حَنُّنْمُ؞ 24بَاوَنْدَ ذَيَّرْدَ دَ أَبِنْدَ كُكَ ڢَطَا! ذَاعَ رَبَ كُواْمٜىٰ دَيْدَيْ؞ دَ وَنْدَ يَذَوْنَ يَيِ غَادِنْ كَايَ دَ وَنْدَ يَتَڢِے وُرِنْ يَاڧِ، كُواْوَ ذَيْسَامِ رَبُوانْسَ دَيْدَيْ؞» 25دَاوُدَ يَكَڢَ وَنَّنْ يَذَمَ ڧَٰعِدَ دَ عُمَرْنِ، كُمَ أَنَ بِنْتَ عَ إِسْرَٰٓءِيلَ هَرْوَيَوْ؞
26دَ دَاوُدَ يَ إِسُواْ ظِكْلَكْ، سَيْ يَعَيْكَ وَ أَبُواْكَنْسَ وَتُواْ دَتَّاوَا دَغَ ذُرِيَرْ يَهُودَ، وَطَنْسُ أَبُبُوَنْدَ يَݣُوشٜىٰ عَيَاڧِ دَغَ حَنُّنْ مُتَنٜىٰنْ أَمَلٜىٰكْ، يَنَ ثٜىٰوَ «غَا ݣَوْتَرْكُ دَغَ أَبُبُوَنْ دَ مُكَ ڨُوثٜىٰ عَيَاڧِ دَغَ حَنُّنْ أَبُواْكَنْ غَابَنْ يَهْوٜىٰهْ؞» 27يَعَيْكَ ذُوَاغَ دَتَّاوَنْ غَرِنْ بٜىٰتٜىٰلْ دَ نَ رَمُواتْ نٜىٰغٜىٰبْ دَ نَ يَتِّرْ، 28دَ نَ أَرُواْوٜىٰرْ دَ نَ سِڢْمُواتْ دَ نَ عٜىٰشْتٜىٰمُواْوَ، 29دَ نَ رَكَلْ دَ غَرُضُوً مُتَنٜىٰنْ يٜىٰرَمٜىٰيٜىٰلْ دَ غَرُضُوً مُتَنٜىٰنْ كٜىٰنِيَاوَا، 30دَ نَ هُوارْمَ دَ نَ بُوارْ أَشَنْ دَ نَ أَتَكْ، 31دَ نَ هٜىٰبْرُوانْ دَ كُمَ مُتَنٜىٰنْ دُكَنْ وُرَارٜىٰنْ دَ دَاوُدَ تَرٜىٰدَ مُتَنٜىٰنْسَ سُكَيِ تَذَاغَاوَا؞
Currently Selected:
1 سَمَٰعِيلَ 30: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
