1 سَرَاكُنَ 5
5
شِرِ دُواْمِنْ أَ غِنَ غِدَنْ يَهْوٜىٰهْ
﴿2 تَارْ 2.1-18﴾
1حِرَمْ سَرْكِنْ تَيَ كُوَ يَعَيْكَ دَ وَكِلَيْ سُغَيْ دَ سُلَيْمَٰنُ سَعَدَّ حِرَمْ يَجِ ثٜىٰوَ أَنَّطَ سُلَيْمَٰنُ سَرْكِے أَمَڟَيِنْ بَابَنْسَ دَاوُدَ، غَمَا شِے دَ دَاوُدَ أَبُواْكَيْ نٜىٰ سُواْسَيْ دُكَنْ ݣُونَكِنْسَ؞ 2سُلَيْمَٰنُ يَعَيْكَ دَ سَڧُواْ ذُوَا وُرِنْ سَرْكِے حِرَمْ يَثٜىٰ،
3«كَا سَنْ ثٜىٰوَ دَاوُدَ بَابَنَ بَيْ غِنَا غِدَا دُواْمِنْ سُونَنْ يَهْوٜىٰهْ اللَّهْ نْسَ بَ، سَبُواْدَ يَوَنْ يَاڧٜىٰ يَاڧٜىٰ دَ أَبُواْكَنْ غَابَنْسَ دَسُكٜىٰ كٜىٰوَيٜىٰ دَشِ؞ يَجِرَا سَيْ دَ يَهْوٜىٰهْ يَبَا شِ نَصَرَا عَكَنْسُ، يَسَاسُ عَڧَرْڧَشِنْ ڧَڢَاڢُنْسَ؞ 4عَمَّا يَنْذُ يَهْوٜىٰهْ اللَّهْ نَا يَهُوتَشّٜىٰنِ عَكُواْوَنٜىٰ غٜىٰڢٜىٰ، كُمَ يَنْذُ بَانِ دَ أَبُواْكِنْ غَابَا كُواْ مَسِيڢَ؞ 5دُواْمِنْ حَكَ إِنَ شِرِنْ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَا، كَمَرْ يَدَّ يَعُمَرْثِ بَابَنَ دَاوُدَ يَثٜىٰ، ‹طَنْكَ، وَنْدَ ذَنْبَاشِ كُجٜىٰرَرْ مُلْكِنْكَ أَمَڟَيِنْكَ، شِينٜىٰ ذَيْ غِنَا غِدَا دُواْمِنْ سُونَنَ؞›#2 سَمْ 7.12-13؛ 1 تَارْ 17.11-12 6دُواْمِنْ حَكَ، كَاعُمَرْتَ عَيَنْكُواْ مِنِ عِتَتُوَنْ سٜىٰدَ نَڧَسَرْ لٜىٰبَنُوانْ؞ مَعَيْكَتَنَ ذَاسُ حَطَ حَنُّ دَ مَعَيْكَتَنْكَ، نِے كُوَ ذَنْ بِيَاكَ أَلْبَشِنْ مَعَيْكَتَنْكَ كَمَرْ يَدَّ كَڢَطَا؞ غَمَا كَاسَنْ ثٜىٰوَ بَابُوَنِ عَثِكِنْمُ دَ يَ عِيَ يَنْكَ إِتَاثٜىٰنْ كَتَكُواْ كَمَرْ مُتَنٜىٰنْكَ نَ سِدُوانْ!»
7سَعَدَّ حِرَمْ يَكَرْٻِ سَڧُوانْ سُلَيْمَٰنُ يَيِ مُرْنَ سُواْسَيْ يَثٜىٰ «يَوْ، بَرِ أَلْبَرْكَ تَا تَبَّتَا غَ يَهْوٜىٰهْ! غَمَا يَبَا دَاوُدَ طَا مَيْ حِكِمَ دَ يَغَاجٜىٰشِ يَذَمَ سَرْكِنْ بَبَّرْ ڧَسَرْ نَنْ!»
8حِرَمْ كُوَ يَمَيْدَ أَمْسَ غَ سُلَيْمَٰنُ يَثٜىٰ،
«نَا كَرْٻِ سَڧُوانْدَ كَعَيْكَ مِنِ؞ إِنَ أَشِرْيٜىٰ إِنْيِ دُكَنْ أَبِنْدَ كَكٜىٰسُواْ غَمٜىٰدَ بَتُنْ كَتَكَنْ سٜىٰدَ دَ نَڢِرْ؞ 9مَعَيْكَتَنَ ذَاسُ غَنْغَرُواْ دَسُو ذُوَا بَاكِنْ تٜىٰكُ؞ ذَنْسَا أَطَطَّوْرٜىٰسُ سُبِے ضُوً تٜىٰكُ دَغَ لٜىٰبَنُوانْ ذُوَا بَاكِنْ تٜىٰكُنْ دَ ذَاكَ نُونَ مِنِ؞ أَوُرِنْ ذَنْ كُنْثٜىٰ مَكَسُ، سَعَنً كَݣُوشٜىٰ؞ كَيْ كُمَ ذَاكَ بِيَ بُڧَاتَتَ تَوُرِنْ تَنَدِنْ عَبِنْثِنْ غِدَانَ؞»
10تَهَكَ حِرَمْ يَبَا سُلَيْمَٰنُ دُكَنْ كَتَكَنْ سٜىٰدَ دَ نَڢِرْ دَيَكٜىٰ بُڧَاتَ؞ 11سَعَنً سُلَيْمَٰنُ يَبَا حِرَمْ أَلْكَمَ بُهُ دُبُو عَشِرِنْ دَ مَنْ ظَيْتُنْ دَ عَكَ تَاثٜىٰ لِتَ دُبُو طَرِے حُطُ كُواْوَثٜىٰ شٜىٰكَرَا دُواْمِنْ يَثِيَرْدَ غِدَنْسَ؞ 12يَهْوٜىٰهْ كُوَ يَبَا سُلَيْمَٰنُ حِكِمَ كَمَرْ يَدَّ يَيِ أَلْڧَوَرِ؞ عَكَيِ ذَمَنْ سَلَمَ ڟَكَانِنْ حِرَمْ دَ سُلَيْمَٰنُ، سُكَيِ يَرْجٜىٰجٜىٰنِيَ ڟَكَانِنْسُ؞
13سَرْكِے سُلَيْمَٰنُ يَتِلَسْتَ مُتَنٜىٰ دُبُو تَلَاتِنْ دَغَ دُكَنْ إِسْرَٰٓءِيلَ سُيِ عَيْكِنْ دُواْلٜىٰ، 14سَيْ يَسَا أَدُواْنِرَمْ يَذَمَ مَيْ لُورَ دَسُو؞ سُلَيْمَٰنُ يَرَبَسُ كَشِ عُكُ، كُواْوَنٜىٰ كَشِ دَ مُتَنٜىٰ دُبُو غُواْمَ؞ كُواْوَنٜىٰ كَشِ يَكَنْيِ وَتَا طَيَ عَثَنْ لٜىٰبَنُوانْ، سَعَنً سُدَاوُاْ غِدَا سُيِ وَتَا بِيُ؞#1 سَرْ 12.18
15سُلَيْمَٰنُ يَنَدَ مُتَنٜىٰ دُبُو تَمَٰنِنْ مَاسُ سَسَّڧَ دُوَڟُو دَغَ تُدَّيْ، تَرٜىٰ كُمَ دَ مُتَنٜىٰ دُبُو سَبَعِنْ مَاسُ ݣُوشٜىٰوَا؞ 16يَسَا شُوغَبَنِّ دُبُو عُكُ دَ طَرِے عُكُ سُلُورَ دَ مَعَيْكَتَنْ؞ 17دَ عُمَرْنِنْ سَرْكِے سُكَ حَڧَ ݣَوَوَنْ مَنْيَنْ دُوَڟُو دَغَ تُدَّيْ، أَنْكُمَ سَسَّڧَسُ دُواْمِنْ كَڢَ تُوشٜىٰنْ غِنِنْ غِدَنْ دَ دُوَڟُو مَاسُ ݣَنْ غَنِ؞ 18تَهَكَ مَاسُ غِنِ نَ سُلَيْمَٰنُ دَ نَ حِرَمْ دَ مُتَنٜىٰنْ غٜىٰبَلْ سُكَ سَسَّڧَ دُوَڟُو، سُكَ شِرْيَ كَتَكَيْ دَ دُوَڟُو دُواْمِنْ غِنِنْ غِدَنْ؞
Currently Selected:
1 سَرَاكُنَ 5: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
