1 سَرَاكُنَ 6
6
سُلَيْمَٰنُ يَغِنَ غِدَنْ يَهْوٜىٰهْ
1عَثِكِنْ شٜىٰكَرَا تَطَرِے حُطُ دَ تَمَٰنِنْ بَايَنْ ڢِتُواْوَرْ جَمَعَرْ إِسْرَٰٓءِيلَ دَغَ ڧَسَرْ مَصَرْ، أَ شٜىٰكَرَا تَهُطُ تَمُلْكٍ سُلَيْمَٰنُ عَ إِسْرَٰٓءِيلَ، أَوَتَنْ ظِڢْ وَنْدَ شِينٜىٰ وَتَنْ بِيُ، سُلَيْمَٰنُ يَڢَارَ غِنِنْ غِدَنْ يَهْوٜىٰهْ؞
2ڟَوُانْ غِدَنْ دَ سَرْكِے سُلَيْمَٰنُ يَغِنَ دُواْمِنْ يَهْوٜىٰهْ ڧَڢَا ثَسَعِنْ نٜىٰ، ڢَاطِنْسَ كُمَ ڧَڢَا تَلَاتِنْ نٜىٰ، سَعَنً ڟَيِنْسَ ڧَڢَا أَرْبَعِنْ دَ بِيَرْ نٜىٰ؞ 3ذَوْرٜىٰ نَغَبَنْ بَبَّنْ طَاكِنْ غِدَنْ ظُرْڢِنْسَ ڧَڢَا غُواْمَشَا بِيَرْ نٜىٰ، ڢَاطِنْسَ كُمَ ڧَڢَا تَلَاتِنْ نٜىٰ؞ ڢَاطِنْ وَنَّنْ ذَوْرٜىٰنْ يَكَيْ دَيْدَيْ دَ نَغِدَنْ؞ 4يَيِ وَغِدَنْ تَغُواْغِ، ڢَاطِنْسُ نَثِكِ يَڢِ نَوَجٜىٰ؞ 5تَوَجٜىٰنْ بَنْغُوانْدَ يَكٜىٰوَيٜىٰ غِدَنْ، يَغِنَ طَكُنَ هَوَ عُكُ مَنّٜىٰ دَ بَنْغُوانْ؞ طَكُنَنْ كُوَ سُنْ كٜىٰوَيٜىٰ غٜىٰڢٜىٰ عُكُ نَبَنْغُوانْ غِدَنْ؞ 6غِنِنْ يَنَدَ هَوَ عُكُ؞ ڢَاطِنْ طَكُنَنْ ڧَسَا ڧَڢَا بَݣَويْ دَ رَبِے نٜىٰ، ڢَاطِنْ طَكُنَنْ هَوَ نَبِيُ ڧَڢَا تَرَ نٜىٰ، سَعَنً ڢَاطِنْ طَكُنَنْ هَوَ نَعُكُ ڧَڢَا غُواْمَ دَ رَبِے نٜىٰ؞ بَنْغُوانْ دَسُكٜىٰ أَ سَمَ بَسُ كَيْ نَڧَسَرْ كَوْرِ بَ دُواْمِنْ طَكُنَنْ سُذَوْنَ دَݣَوْ، بَاتَرٜىٰدَ أَنْكَڢَ كَتَكَيْ أَجِكِنْ بَنْغُوانْ غِدَنْ بَ؞
7أَغِنِنْ غِدَنْ أَنْيِ أَمْڢَانِ دَ دُووَڟُنْ دَ عَكَ رِغَا عَكَ ڠَرَ تُنْدَغَ عِنْدَ عَكَ سَسَّڧُواْسُ؞ سُنْيِ حَكَ دُواْمِنْ كَدَ أَجِ ڧَارَرْ غُدُمَ، كُواْ غَاتَرِ، كُواْ وَنِ كَايَنْ عَيْكِ نَبَڧِنْ ڧَرْڢٜىٰ أَوُرِنْ غِنِنْ غِدَنْ؞
8وُرِنْ شِغَ نَطَكُنَنْ ڧَسَا يَنَ تَغٜىٰڢٜىٰنْ كُدُ نَغِدَنْ نٜىٰ؞ أَݣَويْ مَتَاكَلُنْ دَ سُكَ حَطَ طَكُنَنْ ڧَسَا دَ طَكُنَنْ هَوَ نَبِيُ، أَݣَويْ كُمَ وَطَنْسُ مَتَاكَلُنْ دَ سُكَ حَطَ طَكُنَنْ هَوَ نَبِيُ دَ نَعُكُنْ؞ 9سُلَيْمَٰنُ كُوَ يَغَمَ غِنِنْ غِدَنْ؞ سَيْ يَيِ سِلِنْ نَبِمْ دَكَتَكَنْ سٜىٰدَ؞ 10يَغِنَ طَكُنَنْ سَمَنَّنْ كٜىٰوَيٜىٰ دَ غٜىٰڢٜىٰ عُكُ نَبَنْغُوانْ غِدَنْ، كُواْوَنٜىٰ هَوَ ڧَڢَا بَݣَويْ دَ رَبِے نٜىٰ؞ كَتَكَنْ بِمْ نَسٜىٰدَ نٜىٰ سُكَ حَطَ طَكُنَنْ دَ بَنْغُوانْ غِدَنْ؞
11سَيْ يَهْوٜىٰهْ يَيِ مَغَنَ دَ سُلَيْمَٰنُ ثٜىٰوَ 12«غَمٜىٰ دَ غِدَنْ دَ كَكٜىٰ غِنَا مِنِ، عِدَنْ كَبِے ڧَٰعِدُواْدِنَ، كَيِ بِيَيَّ دَ دُواْكُواْكِنَ، كَكُمَ كِيَايٜىٰ عُمَرْنَيْنَ، تُواْ، ذَنْ ثِكَ دُكَنْ أَلْڧَوَرِنْدَ نَيِ وَبَابَنْكَ دَاوُدَ؞ 13ذَنْ كَسَنْثٜىٰ عَثِكِنْ مُتَنٜىٰنَ إِسْرَٰٓءِيلَ أَوَنَّنْ غِدَنْ دَ كَكٜىٰ غِنَاوَا، كُمَ بَذَنْ تَٻَ بَرِنْسُبَ؞»
14سَيْ سُلَيْمَٰنُ يَغَمَ غِنِنْ غِدَنْ؞
كَايَنْ أَدُواْ نَثِكِنْ غِدَنْ يَهْوٜىٰهْ
﴿2 تَارْ 3.8-14﴾
15سَيْ يَرُڢٜىٰ بَنْغُوانْ دَ كَتَكَنْ سٜىٰدَ تُنْدَغَ ڧَسَا حَرْ ذُوَا سِلِنْ؞ دَٻٜىٰنْ غِدَنْ كُمَ أَنْيِشِ دَ كَتَكَنْ ڢِرْ؞ 16تَثَنْ ڧَرْشٜىٰنْ ثِكِنْ غِدَنْ يَيِ وَنِ طَاكِنْ دَ عَكَثٜىٰ دَشِ وُرِے مَڢِے ڟَرْكِے؞ ڟَوُانْ طَاكِنْ ڧَڢَا تَلَاتِنْ نٜىٰ؞ أَنْيِ بَنْغُوانْ طَاكِنْ دَ كَتَكَنْ سٜىٰدَ دَغَ ڧَسَا حَرْ ذُوَا سِلِنْ؞#ڢِتْ 26.33-34 17بَبَّنْ طَاكِنْ دَيَكٜىٰ غَبَنْ وُرِے مَڢِے ڟَرْكِے ڟَوُانْسَ ڧَڢَا سِتِّنْ نٜىٰ؞ 18دُكَنْ بَنْغُوانْ ثِكِنْ غِدَنْ أَنْرُڢٜىٰسُ دَ كَتَكَنْ إِتَاثٜىٰنْ سٜىٰدَ حَرْ بَعَ عِيَ غَنِنْ دُووَڟُنْ بَنْغُوانْ؞ كَتَكَنْ كُوَ سُنَدَ أَدُواْ نَظَانٜىٰ ذَانِنْ ڢُلَوَ دَ نَغُواْرَ أَجِكِنْسُ؞
19يَشِرْيَ وُرِے مَڢِے ڟَرْكِے نَثَنْ ثِكِنْ غِدَنْ دُواْمِنْ عَ أَجِيٜىٰ عَݣُوتِنْ يَرْجٜىٰجٜىٰنِيَ نَ يَهْوٜىٰهْ عَثِكِ؞ 20وَنَّنْ وُرِے مَڢِے ڟَرْكِے ڟَوُانْسَ ڧَڢَا تَلَاتِنْ نٜىٰ، ڢَاطِنْسَ كُمَ ڧَڢَا تَلَاتِنْ نٜىٰ، ڟَيِنْسَ شِے مَا ڧَڢَا تَلَاتِنْ نٜىٰ؞ أَنْ شَاڢٜىٰ ثِكِنْ دُكَ دَ ظِينَارِيَ ظَلَّ؞ عَكَ كُمَ رُڢٜىٰ بَغَدٜىٰنْ دَ كَتَكَنْ سٜىٰدَ؞ 21سُلَيْمَٰنُ يَشَاڢٜىٰ ثِكِنْ غِدَنْ دُكَ دَ ظِينَارِيَ ظَلَّ، يَكُمَ رَاتَيَ سَرْڧَرْ ظِينَارِيَ عَبَاكِنْ طَاكِ نَثِكِ؞ 22وَتُواْ، سُلَيْمَٰنُ يَشَاڢٜىٰ ثِكِنْ غِدَنْ دُكَ دَ ظِينَارِيَ، يَكُمَ شَاڢٜىٰ بَغَدٜىٰ نَوُرِ مَڢِے ڟَرْكِے دُكَ دَ ظِينَارِيَ؞#ڢِتْ 30.1-3
23سُلَيْمَٰنُ يَيِ صِڢُّواْڢِنْ حَلِتُّو مَاسُ رَيْ غُدَا بِيُ دَ كَتَكُوانْ إِتَاثٜىٰنْ ظَيْتُنْ، كُواْوَنّٜىٰنْسُ ڟَيِنْسَ ڧَڢَا غُواْمَشَا بِيَرْ نٜىٰ؞#ڢِتْ 25.18-20 يَأَجِيٜىٰسُ عَثِكِنْ وُرِے مَڢِے ڟَرْكِے؞ 24ڟَوُانْ كُواْوَنٜىٰ ڢِڢِّكٜىٰ نَحَلِتَّ طَيَ ڧَڢَا بَݣَويْ دَ رَبِنٜىٰ؞ ڟَوُانْ دَغَ ڧَرْشٜىٰنْ وَنَّنْ ڢِڢِّكٜىٰ ذُوَا ڧَرْشٜىٰنْ وَنْثَنْ ڢِڢِّكٜىٰ نَحَلِتَّ طَيَ ڧَڢَا غُواْمَشَا بِيَرْ نٜىٰ؞ 25حَلِتُّو مَاسُ ڢِكَڢِكَيْ سُنْيِ كَمَ دَ جُونَ وَجٜىٰنْ ڟَيِ دَ صِڢَّ، 26كُواْوَنّٜىٰنْسُ ڟَيِنْسَ ڧَڢَا غُواْمَشَا بِيَرْ نٜىٰ؞ 27سُلَيْمَٰنُ يَ أَجِيٜىٰ حَلِتُّو مَاسُ ڢِكَڢِكَيْ ثِكِنْ وُرِے مَڢِے ڟَرْكِے؞ ڢِكَڢِكَنْسُ كُوَ عَبُوطٜىٰ سُكٜىٰ؞ طَيَنْ ڢِڢِّكٜىٰ نَحَلِتَّ غُدَا يَتَٻَ طَيَنْ بَنْغُوانْ، سَيْ ڢِڢِّكٜىٰ نَطَيَنْ حَلِتَّ ثَنْ يَتَٻَ وَنْثَنْ بَنْغُوانْ، سَيْ سَوْرَنْ ڢِكَڢِكَنْ حَلِتُّنْ سُكَ تَٻَ جُونَ أَڟَكِيَ؞ 28أَنْ كُوَ شَاڢٜىٰ حَلِتُّنَّنْ بِيُ دَ ظِينَارِيَ؞
29دُكَنْ بَنْغُوانْ طَاكِنْ ثِكِ دَ كُمَ نَبَبَّنْ طَاكِنْ غِدَنْ، أَنْيِ مُسُ أَدُواْ نَظَانٜىٰ ذَانِنْ صِڢُّواْڢِنْ حَلِتُّو مَاسُ ڢِكَڢِكَيْ دَ نَ إِتَاثٜىٰنْ دَبِينُواْ دَ نَڢُلَوَ؞ 30دَٻٜىٰنْ دُكَنْ طَكُنَ بِيُ أَنْشَاڢٜىٰسُ دَ ظِينَارِيَ؞
31عَبَاكِنْ شِغَ ثِكِنْ وُرِے مَڢِے ڟَرْكِے أَنْسَا ڧُواْڢُواْڢِ بِيُنْ دَ عَكٜىٰ بُوطٜىٰوَ غَبَاطَيَ؞ أَنْيِ ڧُواْڢَرْ دَ كَتَكُوانْ إِتَاثٜىٰنْ ظَيْتُنْ؞ كَتَكُوانْ ڢِرَمْ نَڧُواْڢَرْ يَنَدَ ݣُونَ بِيَرْ تَسَمَنْسَ؞ 32أَنْيِ وَڧُواْڢُواْڢِنْ أَدُواْ نَظَانٜىٰ ذَانِنْ حَلِتُّو مَاسُ ڢِكَڢِكَيْ دَ نَ إِتَاثٜىٰنْ دَبِينُواْ دَ نَڢُلَوَ؞ عَكَ كُمَ شَاڢٜىٰ ذَانِ ذَانِنْ ڧُواْڢُواْڢِنْ دَ ظِينَارِيَ؞
33عَبَاكِنْ شِغَ بَبَّنْ طَاكِنْ يَنَدَ كَتَكُوانْ ڢِرَمْ نَڧُواْڢَ مَيْ ݣُونَ حُطُ نَكَتَكُوانْ إِتَاثٜىٰنْ ظَيْتُنْ؞ 34أَنْ كُمَيِ ڧُواْڢُواْڢِ بِيُ دَ كَتَكُوانْ إِتَاثٜىٰنْ ڢِرْ، وَطَنْدَ عَكٜىٰ بُوطٜىٰوَ، طَيَنْ عَكَنْ نَطٜىٰ تَهَنُّنْ هَغُ، طَيَنْ كُمَ تَهَنُّنْ دَامَ؞ 35سُو مَا أَنْيِ مُسُ أَدُواْ نَظَانٜىٰ ذَانِنْ صِڢُّواْڢِنْ حَلِتُّو مَاسُ ڢِكَڢِكَيْ دَ نَ إِتَاثٜىٰنْ دَبِينُواْ دَ نَڢُلَوَ؞ عَكَ كُمَ شَاڢٜىٰسُ دَيْدَيْ دُكَ دَ ظِينَارِيَ؞
36أَنْ غِنَا بَنْغُوانْ ڢِيلِ نَثِكِ يَدَّ أَݣَويْ جٜىٰرِنْ بِمْ نَكَتَكَنْ إِتَاثٜىٰنْ سٜىٰدَ بَايَنْ كُواْوَنٜىٰ جٜىٰرِ عُكُ نَدُووَڟُنْ دَ عَكَ سَسَّڧَ؞ 37أَنْ كَڢَ تُوشٜىٰنْ غِدَنْ يَهْوٜىٰهْ أَوَتَنْ ظِڢْ، وَتُواْ وَتَ نَبِيُ، أَ شٜىٰكَرَا تَهُطُ تَمُلْكٍ سُلَيْمَٰنُ؞ 38سُلَيْمَٰنُ يَطَوْكِ شٜىٰكَرُ بَݣَويْ يَنَ غِنَا غِدَنْ؞ أَوَتَنْ بُلْ، وَتُواْ وَتَ نَتَݣُوسْ، أَ شٜىٰكَرَا غُواْمَشَا طَيَ تَمُلْكٍ سُلَيْمَٰنُ، عَكَ غَمَ غِنَا غِدَنْ دَ كُمَ كُواْمٜىٰ نَثِكِنْسَ دَلَّ دَلَّ دَيْدَيْ كُوَ بِسَغَ شِرِ؞
Currently Selected:
1 سَرَاكُنَ 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
