1 سَرَاكُنَ 4
4
دَتَّاوَنْ سُلَيْمَٰنُ
1سَرْكِے سُلَيْمَٰنُ كُوَ يَيِ مُلْكٍ دُكَنْ إِسْرَٰٓءِيلَ؞ 2غَا سُونَيٜىٰنْ دَتَّاوَنْسَ:
أَظَرِيَ طَنْ ظَدُواكْ نٜىٰ ڢِرِسْتِ؞
3عٜىٰلِهُواْرٜىٰڢْ دَ أَهِيَ، یَیَنْ شِشَ نٜىٰ سَكَتَارُواْرِ؞
يٜىٰهُواْشَڢَتْ طَنْ أَهِلُدْ شِينٜىٰ مَرُبُوثِنْ تَارِيحِ؞
4بٜىٰنَيَ طَنْ يٜىٰهُواْيِدَ شِينٜىٰ شُوغَبَنْ سُواْجُواْجِ؞
ظَدُواكْ دَ أَبِيَتَرْ سُونٜىٰ ڢِرِسْتُواْثِے؞
5أَظَرِيَ طَنْ نَتَنْ شِينٜىٰ مَيْ كُلَ دَ هَكِمَيْ؞
ظَبُدْ طَنْ نَتَنْ، شِ ڢِرِسْتِنٜىٰ كُمَ مَيْ بَا سَرْكِے شَوَرَا؞
6أَهِشَرْ شِينٜىٰ شُوغَبَنْ غِدَنْ سَرْكِے؞
أَدُواْنِرَمْ طَنْ أَبْدَ شِينٜىٰ مَيْ كُلَ دَ عَيْكِنْ دُواْلٜىٰ؞
7سُلَيْمَٰنُ يَنَدَ ڠُومْنُواْنِ غُواْمَشَا بِيُ عَكَنْ دُكَنْ إِسْرَٰٓءِيلَ؞ سُونٜىٰ دَ حَكِّنْ تَنَدَ وَ سَرْكِے دَ غِدَنْسَ عَبِنْثِ دَغَ مُتَنٜىٰ؞ كُواْوَنٜىٰ هَكِمِ يَكَنْ تَنَدَ وَ غِدَنْ سَرْكِے عَبِنْثِ نَڟَوُانْ وَتَا طَيَ أَ شٜىٰكَرَا؞ 8غَا سُونَيٜىٰنْ هَكِمَيْ غُواْمَشَا بِيُنْ:
بٜىٰنْهُرْ، مَيْ لُورَ دَ تُدَّنْ يَنْكِنْ إِڢْرَيِمْ؞
9بٜىٰنْدٜىٰكٜىٰرْ، مَيْ لُورَ دَ مَكَظْ دَ شَعَلْبِمْ دَ بٜىٰتْ شٜىٰمٜىٰشْ دَ كُمَ عٜىٰلُوانْ بٜىٰتْ هَنَنْ؞
10بٜىٰنْهٜىٰسٜىٰدْ، مَيْ لُورَ دَ أَرُبُّواتْ، سُواْكُواْ دَ دُكَنْ يَنْكِنْ هٜىٰڢٜىٰرْ؞
11بٜىٰنَبِنَدَبْ، وَنْدَ يَ عَوْرِ تَڢَتْ یَرْ سُلَيْمَٰنُ، مَيْ لُورَ دَ نَڢَتْ دُوارْ؞
12بَعَنَ طَنْ أَهِلُدْ، مَيْ لُورَ دَ تَعَنَكْ دَ مٜىٰغِدُّواْ دَ دُكَنْ بٜىٰتْ شَنْ كُسَدَ ظَرٜىٰتَنْ كُدُ دَ يٜىٰظِرٜىٰيٜىٰلْ، تُنْدَغَ بٜىٰتْ شَنْ ذُوَا أَبٜىٰلْ مٜىٰهُواْلَ حَرْ ڧٜىٰتَرٜىٰنْ يُواكْمٜىٰيَمْ؞
13بٜىٰنْغٜىٰبٜىٰرْ، مَيْ لُورَ دَ رَمُواتْ غِلٜىٰيَدْ دَ كُمَ غَرُضُوً يَايِرْ طَنْ مَنَسّٜىٰ أَ غِلٜىٰيَدْ دَ يَنْكِنْ أَرْغُوابْ عَبَشَنْ، وَتُواْ بِرَنٜىٰ سِتِّنْ مَاسُ كَتَنْغَ دَ ڧُواْڢُواْڢِنْ ڧَرْڢٜىٰنْ تَغُلَّ؞
14أَهِنَدَبْ طَنْ إِدُّواْ، مَيْ لُورَ دَ مَهَنَيِمْ؞
15أَهِمَعَظْ، وَنْدَ يَ عَوْرِ بَسٜىٰمَتْ یَرْ سُلَيْمَٰنُ، مَيْ لُورَ دَ نَڢْتَلِ؞
16بَعَنَ طَنْ هُشَيْ، مَيْ لُورَ دَ أَشٜىٰرْ دَ أَلُواتْ؞
17يٜىٰهُواْشَڢَتْ طَنْ ڢَرُوَ، مَيْ لُورَ دَ إِسَّكَرْ؞
18شِمٜىٰيِ طَنْ عٜىٰلَ، مَيْ لُورَ دَ بِلِيَامِنُ؞
19غٜىٰبٜىٰرْ طَنْ عُرِ، مَيْ لُورَ دَ غِلٜىٰيَدْ، عِنْدَ دَا سِهُوانْ سَرْكِنْ أَمُواْرِيَاوَا دَ عُواغْ سَرْكِنْ بَشَنْ سُكَيِ مُلْكِ؞
أَݣَويْ كُمَ مَيْ لُورَ دَ يَنْكِنْ يَهُودَ غُدَا طَيَ؞
غِرْمَنْ مُلْكٍ سَرْكِے سُلَيْمَٰنُ
20مُتَنٜىٰنْ يَهُودَ سُنَدَ يَوَ كَمَرْ يَشِنْ بَاكِنْ تٜىٰكُ؞ سُكَثِ سُكَشَا سُكَيِ مُرْنَ؞ 21سَرْكِے سُلَيْمَٰنُ يَيِ مُلْكِ عَبِسَ دُكَنْ مُلْكُواْكِنْ أَلْعُمَّيْ دَغَ كُواْغِنْ يُڢِرٜىٰتِسْ أَغَبَسْ ذُوَا ڧَسَرْ ڢِلِسْتِيَ عَيَمَّ حَرْ إِيَاكَرْ ڧَسَرْ مَصَرْ؞ سُكَيِ تَبِيَ مَسَ هَرَاجِنْسُ، سُكَ بَوْتَا مَسَ دُكَنْ ݣُونَكِنْ رَنْسَ؞#ڢَارْ 15.18؛ 2 تَارْ 9.26
22عَبِنْثِنْ غِدَنْ سَرْكِے سُلَيْمَٰنُ نَرَانَ طَيَ شِينٜىٰ بُهُ تَلَاتِنْ نَغَارِ مَيْ لَوْشِ دَ بُهُ سِتِّنْ نَغَارِنْ حَڟِ، 23دَ شَانُو غُواْمَ وَطَنْدَ عَكَيِ كِيوُانْسُ أَغِدَا دَ شَانُو عَشِرِنْ دَ عَكَيِ كِيوُانْسُ أَدَاجِ دَ تُمَكِ دَ أَوَكِ طَرِے، تَرٜىٰدَ بَرٜىٰوَ دَ غَدَ دَ نَامَنْ دَاجِ نَدَنْغِنْ بَرٜىٰوَ دَ ظَبُواْ مَاسُ ڧِبَ؞ 24غَمَا يَيِ مُلْكٍ دُكَنْ سَرَاكُنَ دَ ڧَسَاشٜىٰنْ دَسُكٜىٰ يَمَّ غَ كُواْغِنْ يُڢِرٜىٰتِسْ دَغَ تِڢْسَ حَرْ ذُوَا غَاظَ؞ يَذَوْنَ لَاڢِيَ دَ دُكَنْ ڧَسَاشٜىٰنْ دَسُكٜىٰ كٜىٰوَيٜىٰ دَشِ؞ 25أَ دُكَنْ رَايُوَرْ سُلَيْمَٰنُ، مُتَنٜىٰنْ يَهُودَ دَ إِسْرَٰٓءِيلَ دَغَ وَنَّنْ غٜىٰڢٜىٰنْ ڧَسَرْ ذُوَا وَنْثَنْ، وَتُواْ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ، سُنْ ذَوْنَ لَاڢِيَ، كُواْوَنّٜىٰنْسُ يَنَدَ غِدَنْسَ دَ إِتَاثٜىٰنْ إِنَبِنْسَ دَ إِتَاثٜىٰنْ ٻَوْرٜىٰنْسَ؞
26سُلَيْمَٰنُ يَنَدَ رُمْڢُنَ دُبُو أَرْبَعِنْ دُواْمِنْ دَوَكِنْسَ نَكٜىٰكُنَنْ دُواْكِنْ يَاڧِ دَ كُمَ مَاسُ هَوَنْ دَوَكِ دُبُو غُواْمَشَا بِيُ؞#1 سَرْ 10.26؛ 2 تَارْ 1.14؛ 9.25 27كُواْوَنٜىٰ ڠُومْنَ ثِكِنْ غُواْمَشَا بِيُنَّنْ يَنَدَ وَتَنْ دَيَكٜىٰ كَٰوُاْ وَ سَرْكِے سُلَيْمَٰنُ عَبِنْثِ دُواْمِنْ غِدَنْسَ دَ كُمَ وَطَنْدَ سُكٜىٰ ثِنْ عَبِنْثِ تَرٜىٰدَ سَرْكِے؞ سُكَنْ تَبَّتَرْ ثٜىٰوَ أَنْكَٰوُاْ دُكْ أَبِنْدَ عَكٜىٰ بُڧَاتَ؞ 28كُواْوَنّٜىٰ عَثِكِنْسُ، بِسَغَ لُواْكَثِنْ دَ عَكَ بَاشِ، يَكَنْ كَيْ حَڟِنْ بَلٜىٰ دَ ثِيَوَ دُواْمِنْ دَوَكِ مَاسُ جَٰوُاْ كٜىٰكُنَنْ يَاڧِ دَ سَوْرَنْ دَوَكِ أَ عِنْدَ عَكَ أَجِيٜىٰسُ؞
حِكِمَرْ سُلَيْمَٰنُ
29 اللَّهْ يَبَا سُلَيْمَٰنُ حِكِمَ دَ ڢَهِمْتَرْ دَسُكَڢِ غَبَنْ مِصَالِ دَ كُمَ ظُرْڢِنْ سَنِ كَمَرْ ظُرْڢِنْ تٜىٰكُ؞ 30حِكِمَرْ سُلَيْمَٰنُ تَڢِے حِكِمَ تَدُكَنْ مُتَنٜىٰنْ غَبَسْ دَ كُمَ دُكَنْ حِكِمَرْ ڧَسَرْ مَصَرْ؞ 31يَڢِ دُكَنْ سَوْرَنْ یَنْ أَدَمْ حِكِمَ؞ يَنَ دَ حِكِمَ ڢِيٜىٰدَ عٜىٰتَنْ مُتُمِنْ دَنْغِنْ عُزَيْرُ دَ هٜىٰمَنْ دَ كَلْكُوالْ دَ دَرْدَ، یَیَ مَظَا نَ مَهُوالْ؞ يَكُوَيِ سُونَ ثِكِنْ أَلْعُمَّنْ دَسُكٜىٰ كٜىٰوَيٜىٰ دَ ڧَسَرْسَ؞#زَبُو 89 كَنْ مَغَنَ 32سُلَيْمَٰنُ يَڧِرْڧِرُواْ كَرِنْ مَغَنَ دُبُو عُكُ دَ وَاڧُواْڧِ دُبُو طَيَ دَ بِيَرْ؞#كَـ مَغْـ 1.1؛ 10.1؛ 25.1؛ وْ وَاڧْ 1.1 33يَيِ مَغَنَ غَمٜىٰدَ عِتَتُوَ دَغَ إِتَاثٜىٰنْ سٜىٰدَ دَيَكٜىٰ أَ لٜىٰبَنُوانْ ذُوَا ڟِرٜىٰ ڟِرٜىٰنْ إِظُوابْ دَسُكٜىٰ غِرْمَ عَكَنْ بَنْغُواْ؞ يَيِ مَغَنَ غَمٜىٰدَ دَبُّواْبِے دَ ڟُنْڟَيٜىٰ دَ دَنْغِنْ مَثِيظَيْ دَ ڧَدَنْغَرُ دَ كِيڢَيٜىٰ؞ 34مُتَنٜىٰ سُكَيِ تَظُوَ دَغَ ڧَبِيلُ دَبَمْ دَبَمْ دُواْمِنْ سُجِ حِكِمَرْ سُلَيْمَٰنُ، حَرْ مَا دَ دُكَنْ سَرَاكُنَنْ دُونِيَا وَطَنْدَ سُكَجِ لَابَرِنْ حِكِمَرْسَ؞
Currently Selected:
1 سَرَاكُنَ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
