Matewu 26
26
Kumushakamina Yesu hampúŋa
(Mak 14:1-2; Luk 22:1-2; Yow 11:45-53)
1Chelili Yesu #7:28nakumishi dehi mazu ejimawa, hakuyila atumbanji twindi nindi,
2Muneluki chimukuhita mafuku ayedi hiChipandakenu, Mwana kaMuntu akamulubula nakumupopela hakulusu.
3Henohu akulumpi jawatupristu niakulumpi jawantu anapompi dehi kuchipaŋu chakapristu muneni, ijina dindi Kayafwasi.
4Hiyakumushakamina Yesu #12:14hampúŋa, kulonda amukwati mwakudimbana, amujahi.
5Hiyakwila nawu, Bayi mumafuku achawijaku, antu akenza kaleta ipumba.
Kumuwayisha Yesu manji kuBetani
(Mak 14:3-9; Luk 7:37-39; Yow 12:1-8)
6Chadiŋiyi Yesu muBetani, mwitala damukwambumba Shimona,
7kudi yena hikukwinza mumbanda, namanji evumba dadiwahi abadika kulema wuseya muchipunda chelola dalubanji; hakuyihuŋunwina kumutu windi, iku nashakami nakudya.
8Ilaŋa atumbanji chanachimonuwu hiyakutiya kutama nankashi nawu, Nayikisaŋenidi chenichi?
9Manjawa, neyi ayilandisha, adi kufwika wuseya weneni, ayinki atuzweŋi.
10Yesu chanachilukiyi hakuyila nindi, Mukumukabishiladi mumbanda? Nankoŋeli mudimu wawuwahi.
11Muloŋa #Kuhit 15:11atuzweŋi mwekala nawu mafuku ejima, ilaŋa ami hinidi nenu mafuku ejimaku.
12Muloŋa ichi chanahuŋunwiniyi manjawa hamujimba wami, nalondi kunloŋeshela #Yow 19:40kunjiika.
13Nukuyileja chalala nami, mumatuŋa ejima amba kashimunawu iyi nsaŋu yayiwahi, amba katena nawa ninichi chuma chaneliyi mumbandiwu, kulonda kumwanakana nachu.
Yudasi hakumufukeja Yesu
(Mak 14:10-11; Luk 22:3-6)
14Henohu wumu wahekumi nayedi (12), ijina dindi Yudasi Isakaroti, hakuya kudi akulumpi jawatupristu,
15nindi, Mukwiteja kunyinkadi kulonda nakayinkiyi? Wena hiyakumwesekela #Kwi 21:32; Zek 11:12makumi asatu (30) amali asiliva.
16Kufuma henohu hakukeŋa hatela kumulubwila.
Chawija chaMwanta
(Mak 14:12-25; Luk 22:7-23; Yow 13:21-30; 1 Kor 11:23-26)
17Dichi hefuku damuchimu #Kwi 12:18-20damankendi akadi iluŋi, atumbanji hiyakwinza kudi Yesu nawu, Wunakeŋi kudiila Chipandakenu kudihi, kulonda tuloŋeshi?
18Yena hakuyila nindi, Yenu muŋanda, mukuwana muntu wumu, mumwili nenu, Nkuluŋaŋa nindi, #26:45; Yow 7:6; 12:23; 13:1; 17:1Mpinji yami yinashiki dehi kwakwihi; nakeŋi kwinza kwitala deyi nidiiluku Chipandakenu hamu nawatumbanji twami.
19Atumbanji hiyakwila mwayilejeliyi Yesu, #Kuhit 16:5-8hiyakuloŋesha Chipandakenu.
20Dichi chikuneli melela hakushakama nakudya hamu nawatumbanji ikumi nayedi (12).
21Hadiŋi nakudyawu hakwila nindi, Nukuyileja chalala nami hadi mwinenu wumu wukumfukeja.
22Wena hiyakusweja kuneŋa nankashi, hiyakutachika kumwila wejima wawu nawu, Mwanta, yami tahindi?
23Yena hakwakula nindi, Muntu wudi #Mas 41:9nakutanta nanami mucheŋa, diyi wukumfukeja.
24Mwana kaMuntu hakuya #Luk 24:25; Yil 17:2-3; 1 Kor 15:3mwomwamusonekeleluwu, ilaŋa Oyu #18:7yihuŋu yakamonayi owu muntu wukufukeja Mwana kaMuntu! Owu muntu neyi havwalikiluku, mutenowu chawahili.
25Yudasi, wamufukejeli hakwakula nindi, Rabi, yami tahindi? Yena hakumwila nindi, #v64; 27:11; Luk 22:70; 23:3Mwomu muwunahoshi.
26Hadiŋi nakudyawu, Yesu hakunona #1 Kor 10:16; 11:23-26dinkendi, #14:19; 15:36; Luk 24:30hakudikiswila nkisu, hakudihumuna, hakuyinka atumbanji nindi, Tambulenu mudyi, weniwu diwu mujimba wami.
27Hakunona lupasa, hakusakilila, hakuyinka nindi, Nwenumu wejima wenu;
28muloŋa diwu mashi ami #Kwi 24:6-8; Heb 9:20achitiyaŋenu, akupwekela #20:28antu amavulu kulonda #Mak 1:4kuyanakena nachu nyiloŋa.
29Nukuyileja nami, kufuma hanu hinukunwa cheŋi yanyikabu yamuvinyuku, kuyinwa chiŋa ifuku dinakanwa nenu yayiha muwanta waTata yami.
30Chanembuwu kamina, hiyakwidika, #Yow 14:31; 18:1hiyakuya kumpidi yaOliveta.
Yesu hakushimunaŋahu dehi kudikala kwaPetulu
(Mak 14:26-31; Luk 22:31-34; Yow 13:36-38)
31Henohu Yesu hakuyileja atumbanji twindi nindi, Wufuku iwu wejima wenu mukudimboka hansaŋu yami; muloŋa anasoneki nawu,
#
Zek 13:7; Yow 16:32 Nakatapa kabiŋa,
Nyikoku yeyinda akayipalaŋesha ndu-ndu.
32Chinakela nasaŋuki dehi mudi afu, #28:7, 10, 16; Mak 16:7nakayaŋahu dehi kuŊaliliya.
33Petulu hakumwakula nindi, Neyi antu ejima akudimboka hansaŋu yeyeyi, ami kwami hinamba kadimbukaku.
34Yesu hakumwila nindi, Nukukuleja chalala nami wufuku iwu, hakela ikombu kanda eteli, eyi wakadikala kasatu neyi hinamwiluka Yesuku.
35Petulu hakumwila nindi, Hela kufwa naneyi, ami hinakadikaleyuku. Niatumbanji ejima ahosheli mwomumu nawa.
Ŋesemani
(Mak 14:32-42; Luk 22:39-46)
36Henohu Yesu hakuya chimu nawu kwatenaŋawu nawu Ŋesemani; hakuyila atumbanji twindi nindi, Shalenu kunu, ami niyi nakulombela kuna.
37Hakuya #17:1; Mak 5:37naPetulu nianyana kaZebedewu ayedi, hakutachika kuneŋa kwakutiya nikumuchima bwi-i.
38Henohu hakuyila nindi, #Yow 12:27; Heb 5:7-8Muchima wami wunaneŋi chakubadika, neyi keŋa nifwi; shalenu kunu, mutoneni hamu nanami.
39Hakuswila kumbidi chanti, hakudinata chamesu heseki, hakulombela nindi, Eyi Tata yami, neyi chinatwesheki itejaku #20:22; Yow 18:11lupasa lunu lumfumi; hela chochu, bayi chinakeŋamuku, chiŋa chiwunakeŋeyi.
40Hakwinza kudi atumbanji kuyiwana adi mutulu; hakumwila Petulu nindi, Aka! kutwesha kutonena hamu nanami hela mpinji yimu nehi?
41 #
Mak 13:33; Efw 6:18 Tonenu mulombeli, kulonda mubuli kwiŋila #6:13; Luk 11:4mukutesha; spiritu chalala yinakeŋi, ilaŋa mujimba wunazeyi.
42Hakufumaku cheŋi kamuchiyedi, hakulombela nindi, Eyi Tata yami, neyi lupasilu kutwesha kumfuma nehi, chiŋa nilwinwa hohu, kumina dakwila #Yow 4:34; 5:30; 6:38muwunakeŋi.
43Hakwinza cheŋi, kuyiwana saŋa akaminawu tulu, muloŋa mesu awu alemeni natulu.
44Hakuyishiya cheŋi, hakufumaku, hakulombela kamuchisatu, hakuhosha cheŋi mazu wowamu.
45Hakwinza kudi atumbanji twindi, hakuyila nindi, Kamenu tulu twenu munooki; talenu, #v18; Yow 12:27; 13:1; 17:1mpinji yami yinashiki dehi kwakwihi, Mwana kaMuntu hiyakumulubula kumakasa awakwanshidi.
46Nyamokenu tuyenu; talenu, wúkumfukeja hadi kwakwihi.
Yesu hiyakumukwata
(Mak 14:43-50; Luk 22:47-53; Yow 18:2-11)
47Iku wuchidi kuhosha, kukasumuka Yudasi wahekumi nayedi (12) nenzi dehi, nezaza dawantu dadeni, anasendi nimpoku jakabali ninyitondu, anafumi kudi akulumpi jawatupristu nikudi akulumpi jawantu.
48Yena wamufukejeli wayileja dehi chinjikijilu nindi, Yowu nakapwepujola, diyi mwakakwata.
49Hohenohu hakwinza kudi Yesu, hakumwila nindi, Kolenu Rabi. Hakumupwepujola.
50Yesu hakumwila nindi, #20:13; 22:12Eyi mukwetu, ilaku chiwunenjili. Dichi enza nikwinza, amukwata nikumukwata, hiyakumutwala.
51Kutala mwinawu wumu wadiŋi naYesu, hakwolola chikasa chindi, hakuhola mpoku yindi yakabali, hakutapa nduŋu yakapristu muneni, kutapa kwakumuketula itu dindi.
52Yesu hakumwila henohu nindi, Somekaku cheŋi mpoku yeyi yakabali muchindalu chayu; muloŋa antu ejima #Kutach 9:6; Chim 13:10akukwata kumpoku yakabali akafwa kumpoku yakabali.
53Eyi wunatoŋojoki neyi ami nikaŋanyi kumulembelela Tata yami, antemesheli katatakichi aŋelu akubadika nyikanka ikumi nayiyedi (12)?
54Indi #v24nyikanda yajila yelawu nawu dichi chakelawu, yakalumbulukila hadihi?
55Yena mpinji oyu Yesu hakuyila mazaza awantu nindi, Munenzi nakunkwata nampoku jakabali ninyitondu! Ami niikombi? Nashakamini #Mak 12:35; Luk 19:47; 20:1; 21:37; Yow 7:14, 28; 8:2, 20; 18:20muTembeli hefuku hefuku nakutaŋisha antu, enu kunkwata nehi.
56Ilaŋa yuma yejimiyi yinalondi nyikanda yawatuprofwetu yajila yakalumbuluki. Hohenohu atumbanji ejima amushiya nikumushiya, atemoka nikutemoka.
Yesu kuchota chakapristu muneni
(Mak 14:53-65; Yow 18:12-14, 19-24)
57Awa akwatili Yesu amutweli #Luk 22:54kwitala dakapristu muneni Kayafwasi, kwadipompela dehi ansoneki nawakulumpi.
58Ilaŋa #Yow 18:15Petulu wamulondeleli munyima kwakulehi, lwe-e nikuchipaŋu chakapristu muneni, hakushakama nawamashidika, kulonda atali muchakakumina.
59Dichi akulumpi jawatupristu, niakwachota ejima, hiyakukeŋakeŋa nsaŋu yakumutwambila Yesu, kulonda amujahi nachu;
60hiyayimwenuku, hela kwenjili ayinsahu akutwamba amavulu. Nkumininaku hikukwinza ayedi,
61elili nawu, Iwu iyala welaŋa nindi, Ami nukutwesha #27:40; Mak 15:29; Yow 2:19kusanda Tembeli yaNzambi, hinukuyituŋa cheŋi mumafuku asatu.
62Kapristu muneni hakwimana, hakumwila nindi, Eyi niizu diwukwakula nehi? Iyi yuma yidi nakukushimunawu hiyumanyi?
63Yesu saŋa #27:12, 14; Yow 19:9amwenenayi nzo-o. Kapristu muneni hakumwila nindi, #Lev 5:1Nakusanyikishi #Mat 16:16Nzambi wamumi, tuleji neyi yeyi Kristu, Mwana kaNzambi.
64Yesu hakumwila nindi, #v25; 27:11Mwomwenomu muwunahoshi; nukuyileja nami, mwamba kamona Mwana kaMuntu nashakami #Mas 110:1; Mat 28:18; Mak 16:19kuchikasa chachidiilu chaŋovu, #Dan 7:13; Chim 1:7hakwinza hamavu amwiwulu.
65Kapristu muneni #Kuch 14:6; Yil 14:14hakutabola mahinindi nindi, Nahoshi mazu akutuka Nzambi, tukukeŋeladi nawa ayinsahu amakwawu? Enu aweni munatiyi chanatukaniyi.
66Munatoŋojoki ŋahi? Wena hiyakwakula nawu, Nateli #Lev 24:16; Yow 19:7kufwa.
67Hohenohu #16:21; 27:30hiyakumufwijila mazeŋi kumesu indi, #5:39hiyakumweta jinkonyi, amakwawu hiyakumweta makaha,
68nawu, Eyi Kristu, tuprofweteli, nakweti hinyi?
Petulu hakudikala
(Mak 14:66-72; Luk 22:55-62; Yow 18:15-18, 25-27)
69Henohu Petulu nashakami muchipaŋu hanzi; kudi yena hikukwinza chaŋadima wumu, hakumwila nindi, Eyi nawa wadiŋi naniwu kaŊaliliya Yesu.
70Yena hakudikala kumesu awu wejima wawu nindi, Ichi chiwunahoshi ami kwami kuchiluka nehi.
71Chanedikiyi mwikeki, mukwawu nawa hakumumona, hakuyila owu adiŋuku nindi, Iwu muntu niyena wadiŋi nakaNazareta Yesu.
72Hakudikala cheŋi nikusanyika chikupu nindi, Yeniwu muntu ami kwami hinamwilukaku.
73Chihanahiti kampinji kantesha antu emenuku hiyakwinza, hiyakumwila Petulu nawu, Chalala yeyi mwinawu; muloŋa idimi deyi dinakushimuni.
74Hohenohu atachika nikudishiŋola nikusanyika chikupu nindi, Yeniwu muntu ami kwami hinamwilukaku. Hohenohu ikombu etiyila nikwitiyila.
75Petulu hakwanuka izu damwililiyi Yesu nindi, #v34Eyi wakadikala kasatu hakela ikombu kanda etiyili. Hakwidika nakudila nankashi.
Currently Selected:
Matewu 26: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.