Matewu 27
27
Yudasi hakudikudika
(Mak 15:1; Luk 23:1-2; Yow 18:28-32)
1Dichi chikuneli budidi, akulumpi jawatupristu ejima, niakulumpi jawantu hiyakumushakamina Yesu hampúŋa, kulonda amujahi;
2hiyakumukasa, hiyakumutwala nakumushikija kudi nyuuli Pilatu.
3Henohu owu #26:15; Yil 1:16-20Yudasi wamufukejeli, chamweniyi anamuhishi dehi, hakubalumuka mumuchima windi, hakufuntisha cheŋi owu mali asiliva makumi asatu (30) kudi akulumpi jawatupristu nikudi akulumpi,
4nindi, Chinafukeji mashi akadi muloŋa naputoli. Wena hiyakumwila nawu, Hinsaŋu yetuku; oji jeyi.
5Hakunatila owu mali asiliva muTembeli, hakufumaku, hakuya nakudikudika.
6Akulumpi jawatupristu hiyakunona owu mali asiliva, hiyakwila nawu, kuyisha mwaswekelaŋawu #Kuhit 23:18mali ajila chinjila, muloŋa hiwuseya wamashi.
7Hiyakutiyaŋana, hiyakulanda nachu kampata kakaŋemi, kulonda ajiikaŋamu enyi.
8Dichi kampatoku hiyakukatumba ijina nawu, Kampata kamashi; nikwifuku dalelu.
9Henohu mwahosheliyi kaprofwetu Yeremiya mwalumbulukili, mweliliyi nindi,
#
Yer 32:6-9; Zek 11:12-13 Anoneni mali asiliva makumi asatu (30),
Diwu wuseya wayena esekeleluwu,
Wuseya wafuukwiluwu kudi aIsarela;
10alandili nachu kampata kakaŋemi, mwomwanlejeliyi MWANTA.
Yesu kumesu aPilatu
(Mak 15:2-15; Luk 23:3-5, 13-25; Yow 18:33—19:16)
11Yesu hakwimana kumesu anyuuli; nyuuli hakumwihula nindi, Eyi yeyi Mwanta wawaYudeya, tahindi? Yesu hakumwila nindi, #26:25Mwomwenomu muwunahoshi.
12Chamwinkeluwu muloŋa kudi akulumpi jawatupristu nikudi akulumpi, haakwili izuku.
13Pilatu hakumwila henohu nindi, Iyi yuma yayivulu yidi nakukushimunawu hiwunayitiyuku?
14 #
Isa 53:7; Mat 26:62; Mak 14:61; Luk 23:9; 1 Pet 2:23 Hamwakwili hela izu nidimuku; nyuuli hakuhayama nankashi.
15Dichi hachawijochu nyuuli wombililaŋa antu muntu wamukaleya wumu akutondawu.
16Henohu adiŋi namuntu wamukaleya wumu watiyakana, ijina dindi Baraba.
17Dichi chanapompuwu, Pilatu hakuyila nindi, Munakeŋi niyumbilinyi? Baraba, tahindi #1:16Yesu atenaŋawu nawu Kristu?
18Muloŋa welukili nindi anamulubwili hansaŋu yechima danatiyuwu.
19Chanashakamiyi hetanda dakusompela, iŋodindi hakumutemeshela muntu nindi, Bayi wukwata hansaŋu janowu muntu #Luk 23:4waloŋaku, muloŋa nsaŋu yindi lelu nayimweni yuma yakala yayivulu mukulota.
20Akulumpi jawatupristu niakulumpi hiyakukanjikija mazaza alombi Baraba, Yesu amujahi.
21Nyuuli hakuyakula nindi, Awa ayedi munakeŋi #Yil 3:13-14niyumbiluhu wumwodihi? Nawu, Baraba.
22Pilatu hakuyila nindi, Indi Yesu atenaŋawu nawu Kristu nukumwila ŋahi? Wejima wawu nawu, Amupopeli hakulusu.
23Yena nindi, Muloŋanyi? Chuma chatama chanakoŋiyi chumanyi? Wena asweja nikubideka nawu, Amupopeli hakulusu.
24Pilatu chanamoniyi nayikaŋanyi dehi, hihakusweja niipumba, hakutambula menji, #Kuhit 21:6-9; Mas 26:6hakwisuka kumakasindi, iku izaza didi nakumutala, nindi, Ami hinidi namuloŋa wamashi aniwu muntu waloŋaku; hinsaŋu yenu.
25Antu ejima hiyakwakula nawu, #Yil 5:28Mashi indi #Yosh 2:19atukumini etu aweni nawanyanetu.
26Ayumbilaku niBaraba. Chanamuvupoliyi Yesu yikoti, hakuyinkayu nindi amupopeli hakulusu.
Mashidika hiyakumutaŋula Yesu
(Mak 15:16-20)
27Mashidika anyuuli hiyakumutwala Yesu mwibulu dawu, amupompeshela nichendu chejima.
28Amuvuula nimahinindi, hiyakumuvwika ihina dawusombu; (ihina davwelaŋawu anyanta)
29atuŋa nichibaaba chanyiŋa, hiyakuchisha kumutu windi; amusha niiteti muchikasa chindi chachidiilu, hiyakumufukamina, hiyakumuseha nawu, Kolenu, Mwanta wawaYudeya!
30 #
26:67
Hiyakumufwijila mazeŋi, hiyakumutambula cheŋi iteti odu, hiyakumweta nachu kumutu.
31Chanamanishuwu kumuseha, hiyakumuvuula odu ihina damuvwikiluwu, hiyakumuvwika cheŋi mahinindi, hiyakumutwala nakumupopela hakulusu.
Kumupopela Yesu haKulusu
(Mak 15:21-32; Luk 23:33-38; Yow 19:17-24)
32Hadiŋi nakwidikawu, hiyakuwana muntu wakuKireni, ijina dindi Shimona, hiyakumukwata nawu amusendeluku kulusu yindi.
33Chanashikuwu kwatenaŋawu nawu, Gologota; chaya mukwila nawu Kuchaŋu;
34hiyakumwinka vinyu yabatuka yakubombashana nandulu anwi; chanayitompiyi, kuyinwa kwonti kwindi.
35Chanamupopeluwu hakulusu, adanjaŋena #Mas 22:18nimahinindi.
36Hiyakushakama kwenoku nakumuhemba.
37Kwiwulu damutu windi ashiluku #Mak 15:26; Luk 23:38; Yow 19:19; Kol 2:14mukanda wamuloŋa wamwinkeluwu; awusonekeli nawu,
IWU DIYI YESU MWANTA WAWAYUDEYA
38Henohu apopeleli hamakulusu chimu nayena atupondu ayedi, wumu kuchikasa chindi chachidiilu, mukwawu kuchimunswa.
39Hiyakumutukola kudi antu ahitilaŋaku, #Mas 22:7-8; 109:25hiyakumulembola nanyitu yawu,
40nawu, Eyi #26:61; Yow 2:19wasandaŋa Tembeli, hiwukuyituŋa cheŋi mumafuku asatu, damwini; neyi #4:3wuMwana kaNzambi, sulukaku hakulusu.
41Niakulumpi jawatupristu amuseheli nawa mwomumu, niansoneki niakulumpi,
42elili nawu, Waamwinini akwawu, yomweni hanatweshi kudamwinaku. Yena hiMwanta wawaIsarela, asuluki hakulusu katataka, tumukuhweleli.
43Wakuhwelelaŋa Nzambi; neyi namukeŋi amupulwishi katataka; muloŋa yena welaŋa nindi niMwana kaNzambi.
44 #
Luk 23:39-43
Niatupondu, ápopeleluwu hamakulusu chimu nindi, amuhosholeli nawa mwomumu.
Kufwa kwaYesu
(Mak 15:33-41; Luk 23:44-54; Yow 19:28-30)
45Dichi kufuma hampinji yamuchitanu nayimu (12:00 hrs), mwituŋa dejima mushishita nimwidima, kushika nikumpinji yamuchitanu nachiwana (15:00 hrs).
46Chelili neyi hikwakwihi nampinji yamuchitanu nachiwana (15:00 hrs), Yesu hakubilela nezu daŋovu nindi,
#
Mas 22:1
Eli, Eli, lama sabakatani;
chaya mukwila nawu,
Nzambi yami, Nzambi yami, wunanshiyilidi kankawami?
47Amakwawu emenuku, chanachitiyuwu, hiyakwila nawu, Iwu iyala hakutambika Elija.
48Wumu hakunyakala kunona sponji, hakuyisha #Mas 69:21muvinyu yabatuka hakuyisha kwiteti, hakumwinka nindi anwi.
49Anashali nawu, Leka tutali neyi Elija wukwinza nakumwamwina.
50Yesu hakubilela cheŋi nezu daŋovu, yotula niwumi windi.
51 #
Kwi 26:31-35; Heb 9:8; 10:19-20 Ihina dadiŋi dakujika muTembeli mwajila ditabuka nihakachi, kufumisha kwiwulu ndo-o nikwishina; maseki hiyakukanka, nimalola hiyakubaloka;
52kumajamu hikukwenzuluka, akwakujila akamini dehi tulu amavulu hiyakusaŋuka nanyijimba yawu.
53Helili Yesu nasaŋuki dehi hiyakwiŋila muŋanda yajila, hiyakumwekana kudi antu amavulu.
54Mukulumpi wawaMashidika ninowu ahembelaŋayi nawu Yesu, chanamonuwu mutentanshi niyuma yahitiluku, hiyakutiya woma nankashi, nawu, Chalala iwu wadiŋi #3:17; 17:5Mwana kaNzambi!
55Kwadiŋi ambanda amavulu emeni kwakulehi nakumutala, wowu afumini naYesu kuŊaliliya, amukalakelelaŋa.
56Hadiŋi #Luk 24:10niMariya Mandaleni, niMariya mama yaYakoba naYosesi, nimama yawanyana kaZebedewu.
Kumujiika Mwanta Yesu
(Mak 15:42-47; Luk 23:50-56; Yow 19:38-42)
57Chikuneli melela hikukwinza muntu waheta, wafumini kuAramateya, ijina dindi Yosefu, niyena nawa wadiŋi kambanji kaYesu.
58Yena muntu iwu hakuya nakulomba mujimba waYesu kudi Pilatu; Pilatu hakuyila nindi mwinkenuwu.
59Yosefu hakutambula mujimba, hakuwuvuŋavuŋa mwihina ditooka dakadi majilu,
60hakuwukamika #Yil 13:29mwijamu dindi dadiha dapokweliyi yomweni mwilola; kuchisu chejamu hakukunkumwinaku ilola deneni, hakufumaku.
61NiMariya Mandaleni wadiŋi kwoku, niMariya mukwawu, ashakamini nakutala mesu kwijamu.
Akwakuhemba kwijamu
62Chashikili ifuku dalondelaŋa mwifuku dakuloŋesha kwaSabata, akulumpi jawatupristu niaFwarisewu hiyakupompa kudi Pilatu,
63nawu, Eyi Mwanta tunaanuki dehi netu iwu mukwakudimbana hadiŋiyi wamumi welilaŋa nindi, Neyi munahiti dehi mafuku asatu #16:21; 17:23; 20:19nakasaŋuka mudi afu.
64Dichi lejenu antu akakoleshi kwijamu kushika nikwifuku damuchisatu; mukunkulwayi atumbanji twindi akenza nakumwiyamu, akaleja antu nawu nasaŋuki mudi afu; kuluwaŋesha kwakukuminina kwakabadika kwakusambila.
65Pilatu hakuyila nindi, Mashidika akwakuhemba mudi nawu, yenu mwakakoleshuku mwonsu mumunatwesheli.
66Dichi wena hiyakuya, hiyakukolesha kwijamu: hiyakusha #Dan 6:17chilamiki #v60kwilola, enkaku #28:11-15nimashidika akuhemba ijamu.
Currently Selected:
Matewu 27: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.