Matewu 25
25
Chishimu chawajiki ikumi
1Henohu wanta wamwiwulu akawufwikija neyi ikumi dawambanda ajiki asendeli manoŋu awu, hiyakuya nakukinkilila nsumbuli.
2Atanu adiŋi #7:24-27abula maana, atanu adiŋi namaana.
3Ábula maana asendeli manoŋu akadi manji.
4Hakwila ádiŋi namaana asendeli manoŋu awu nimanji muyipunda yawu.
5Chalabiliyi kalemba, hiyakunoŋoka wejima wawu, #1 Tes 5:6akama nitulu.
6Mukachi kawufuku hiyakutiya ipumba nawu, Tiyenu, kalemba owu! Idikenu muyi nakumukinkilila!
7Owu ajiki ejima ahindoka nihohenohu, awahisha nimanoŋu awu.
8Abula maana hiyakuyila akweti maana nawu, Twinkenuhu manji, muloŋa manoŋu etu hiyakuya nakujima.
9Akweti maana hiyakwakula nawu, Hadaha hitukuwaninaku; yenu mwakadilandili enu aweni kudi alandishaŋa.
10Hayilaŋawu nakulanda, #Luk 12:35-38; Chim 19:9kalemba enza nikwinza; ádiŋi nakumutalila eŋila nimumawija, enzela nichenzelu.
11Nkumininaku owu ajiki amakwawu hiyakwinza, hiyakwila nawu, #7:21-23; Luk 13:25Mwanta, Mwanta, twenzulwiluku.
12Yena hakuyakula nindi, Nukuyileja chalala nami hinayilukaku.
13Dichi dinu #24:42; Mak 13:35; Luk 12:40tonenu, muloŋa himuneluki hela ifuku hela mpinji yakenzayi Mwana kaMuntuku.
Chishimu chamali
14Muloŋa chidi neyi muntu wukukeŋa kuya #21:33; Luk 19:12-27kwituŋa dacheŋi, hakutambika aŋamba jindi, hakuyishiila yuma yindi.
15Wumu #Rom 12:6; 1 Kor 12:8; Efw 4:11hakumwinka mali atanu, mukwawu ayedi, mukwawu dimu, mwomwesekela ŋovu jawu; hakuya nimunjila yindi.
16Hohenohu owu watambwili mali atanu hakunyamuka, hakuya nakuyilandujola, hakuwaninahu amakwawu atanu.
17Chochimu nawa niwátambwili ayedi, waheteleluhu nawa amakwawu ayedi.
18Ilaŋa owu watambwili dimu hakuya nakupunda heseki, hakuswekahu mali ankaka yindi.
19Chihanalehi nankashi, mwanta wanowu aŋamba hakwinza, #18:23hakuchinda mali awu.
20Owu watambwili mali atanu hakwinza, hakumuletela amakwawu atanu, nindi, Eyi mwanta, wanyinkeli mali atanu, tala, naheteluhu amakwawu atanu.
21Mwanta windi hakumwila nindi, Chachiwahi, wuŋamba wamuwahi #v23; 24:45, 47; Luk 16:10; 2 Kor 5:10washinshika; wunashinshiki nayuma yantesha, nukukwinka wanta wayuma yayivulu; iŋila mumuzaŋalu wankaka yeyi.
22Wátambwili mali ayedi hakwinza nawa, nindi, Eyi mwanta, wanyinkeli mali ayedi; tala, naheteluhu mali amakwawu ayedi.
23Mwanta windi hakumwila nindi, Chachiwahi, wuŋamba wamuwahi washinshika; wunashinshiki nayuma yantesha, nukukwinka wanta wayuma yayivulu; iŋila mumuzaŋalu wamwanta weyi.
24Wátambwili idali dimu hakwinza nawa, nindi, Eyi mwanta, nakwilukili nami wumuntu wakala, wamunaŋa kuwabulili kukuwa, wakuŋulaŋa kuwabulili kumwaŋila.
25Dichi natiyili woma, hinukuya nakuvumbika idali deyi heseki, tala, yuma yeyi iyi.
26Mwanta windi hakumwakula nindi, Eyi ŋamba watama wakatala, welukili neyi namunaŋa kunabulili kukuwa, nakuŋulaŋa kunabulili kumwaŋila;
27walekelelidi kusha mali ami mubanki, kulonda ichi chinenzi nitambuli yami niyakunshilahu?
28Dichi mutambulenu idali dadiŋiyi nadu, mwinki wúkweti mali ikumi.
29Muloŋa #13:12wúkweti akamwinka, wakaheta yayivulu; hakwila wábula akamutambula ninaka kadiyi naku.
30Iwu ŋamba wamukunkulwayi muumbilenu kumwidima wahanzi; kwakekala kudila #8:12nakudisumona kumaji.
Anyikoku nawampembi
31Ilaŋa chakenzayi #16:27-28; 19:28; 26:64Mwana kaMuntu mulubanji lwakulema kwindi, hamu nawaŋelu jindi ejima, wakashakama hetanda dawanta dalubanji lwakulema kwindi.
32Akapompesha nyunza yejima #Rom 14:12; Chim 20:11kumesu indi; wakaambola munza namunza, neyi chaambulaŋayi kabiŋa anyikoku nawampembi.
33Anyikoku wakayisha kuchikasa chindi #1 Anya 2:19; Mas 45:9chachidiilu, ampembi kuchimunswa.
34Henohu Mwanta wakayila ákuchikasa chindi chachidiilu nindi, Inzenu enu anakoolekeshuwu kudi Tata yami, #5:3, 5; Luk 12:32; Yil 20:32swanenu wanta wenu wayiloŋesheleluwu kufumisha haaliluwu #Luk 11:50; Yow 17:24; Efw 1:4; Heb 4:3; 9:26; 1 Pet 1:20; Chim 13:8; 17:8chikuku champata yamunu mwishina.
35Muloŋa hinatiyili #Isa 58:7; Ezek 18:7, 16; Yak 2:15-16nzala, enu mwanyinkeli yakudya; hinatiyili mpwila, enu mwanyinkeli yakunwa; hinadiŋi #Yoba 31:32; Heb 13:2mwenyi, enu mwantambwili;
36 #
Yak 1:27; 2 Tim 1:16-17 hinadiŋi nawuvu, enu mwanvwikili; hinakatili, enu mwenjili nakuntala; hinadiŋi mukaleya enu mwenjili kudami.
37Henohu aloŋa akamwakula nawu, Mwanta, ifukwinyi twakumweni nanzala, etu tukudiishi? hela nampwila, etu tukunwishi?
38Ifukwinyi twakumweni nawenyi, etu tukutambuli? hela nawuvu, etu tukuvwiki?
39Ifukwinyi twakumweni nakukata hela mukaleya, etu twinzi kudeyi?
40Mwanta wakayakula nindi, Nukuyileja chalala nami, #10:42; Mak 9:41; Heb 6:10chimwakalakeleli manakwami wumu, chalala yowu wadiŋi wakehelamu, mwakalakelelami.
41Henohu wakayila akuchikasa chachimunswa nindi, #7:23Mfumenu enu mwashiŋewa, yenu #Mak 9:48; Luk 16:24; Yuda 7; Chim 20:10mukesi kahayanyaka kaloŋesheleluwu diyabolu nawaŋelu jindi.
42Muloŋa hinatiyili nzala, enu kunyinka yakudya nehi; hinatiyili mpwila, enu kunyinka yakunwa nehi;
43hinadiŋi mwenyi, enu kuntambula nehi; hinadiŋi nawuvu, enu kunvwika nehi; hinakatili, nihinadiŋi mukaleya, enu kwinza nakuntala nehi.
44Henohu niwena nawa akaakula nawu, Mwanta, ifukwinyi twakumweni nanzala, hela nampwila, hela nawenyi, hela nawuvu, hela nakukata, hela mukaleya, etu tubuli kukukalakela?
45Henohu hakuyakula nindi, Nukuyileja chalala nami, chimwabulili kukalakela wumu wahadi awa akehelamu, mwabulili kunkalakelami.
46Wenawa akaya kwawu mukubabesha kwahayanyaka; aloŋa akaya #Dan 12:2; Mat 19:29; Yow 3:15-16, 36; 5:29; 17:2-3; Yil 24:15; Rom 2:7; Ŋal 6:8; 1 Yow 1:2; 5:11, 13, 20muwumi wahayanyaka.
Currently Selected:
Matewu 25: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.