Yowanu 15
15
Muvinyu ninyitayi
1Ami yami #Isa 5:1-7muvinyu walala, Tata yami diyi ndimi.
2Nyitayi yejima yamudami yabulaŋa kusoŋa nyikabu, wayikunkulaŋaku; niyejima yasoŋaŋa nyikabu wayitookeshaŋa, kulonda yisoŋi nyikabu yayivulu.
3Enu munatooki dehi #Efw 5:26namazu inahoshi nanenu.
4 #
6:56; 1 Yow 2:6 Shakamenu mudami, ninami nishakami mudenu. Chakaŋanyaŋa mutayi kusoŋa nyikabu inkawawu chiŋa wushakama mumuvinyu, chochimu ninenu nawa mukukaŋanya chiŋa mushakama mudami.
5Ami yami muvinyu, enu munyitayi; muntu washakamaŋa mudami ninami mudi yena, diyi wasoŋaŋa nyikabu yasweja kuvula; muloŋa chakadi ami himukutwesha kwila hela chuma nichimuku.
6Neyi muntu nabuli kushakama mudami, akumunata neyi mutayi, wukuuma; akuyikuŋula nakuyinatila mukesi, yikusukuma.
7Neyi mukushakama mudami, nimazu ami ashakama mudenu, #14:13; Mat 7:7mukulomba chonsu chimukukeŋa, akuyililachu.
8Chuma #Mat 5:16chakumulemesha nachu Tata yami, chochakusoŋa nyikabu yayivulu; himukwikala atumbanji twami.
9Mwanankeŋuwu kudi Tata, dimu nawa munayikeŋenu; shakamenu mukukeŋa kwami.
10Neyi mukuhembaŋa munayilejaŋa mukushakama mukukeŋa kwami; neyi chinahembaŋami mwanlejaŋawu kudi Tata yami, nashakamaŋa mukukeŋa kwindi.
11Chinayileji yumiyi nalondi #17:13muzaŋalu wami wikali mudenu, nimuzaŋalu wenu wuwanini.
12Nayileji nami #13:34mukeŋaŋani, neyi chinayikeŋi dehi ami.
13Hikudi kukeŋa kwabadika kwenikuku, #10:11; Rom 5:7kwakutulayi muntu wumi windi hanyijimba yawamabwambu jindi.
14Neyi mukwila munukuyileja mukwikala #Mat 12:50; Luk 12:4amabwambu jami.
15Hinukuyitena nawa cheŋi nami muyanduŋuku; muloŋa nduŋu helukaŋa mwelaŋayi nkaka yinduku. Ilaŋa nayiteni dehi nami mudi amabwambu, muloŋa nayileji dehi yuma yejima yinatiyili kudi Tata yami.
16Hiyenu mwantondeli amuku, ami yami nayitondelenu, nayikunjiki kumudimu wakuya nakusoŋa nyikabu, ninyikabu yenu yakashakami yayiwenyi, kulonda ayinki chonsu chimukulomba Tata mwijina dami.
17Nukuyileja mwenimu kulonda mukeŋaŋani.
Akwampata yamunu mwishina ahelaŋa akwaYesu
18Neyi #Mat 10:22; 24:9; 1 Yow 3:13akuyihela kudi antu ampata yamunu mwishina, ilukenu nenu asambila dehi kunhelami, enu achidi kanda ayiheli.
19Neyi enu mwadiŋi ampata yamunu mwishina, akwampata yamunu mwishina adi kukeŋa antu awu. Enu himudi ampata yamunu mwishinaku, ilaŋa ami nayitondeli mukachi kawantu ampata yamunu mwishina; dihu hanafumi kuyihela kudi antu ampata yamunu mwishina.
20Anukenu mazu inayileja nami, Nduŋu habadikaŋa nkaka yinduku. Chanankabishuwu ami, ninenu nawa #2 Tim 3:12akayikabisha. Neyi ahembeli mazu ami, akahemba mazu enu nawa.
21Ilaŋa yuma yejimiyi akayilila hansaŋu #v18; Mak 13:13; Yil 5:41yejina dami, muloŋa anabuli #17:25; 1 Yow 3:1kwiluka yena wantemesheli.
22Neyi nabulili kwinza nakuhosha nawu, hiyadi kwikala nanshiduku. Hakwilichi hiyakweti mwakuleyela nanshidi yawuku.
23Muntu wukunhelami, naheli niTata yami nawa.
24Neyi nabulili kwila mukachi kawu nyidimu yabulili kukoŋahu dehi muntu wacheŋi, hiyadi kwikala nanshiduku. Hakwilichi anayimoni nikunhelami niTata yami nawa.
25Chumichi chinalondi kulumbulula mazu asonekeluwu munshimbi yawu eliluwu nawu, #Mas 35:19; 69:4Ananheli chakadi muloŋa.
26Ilaŋa chakenzayi #14:16Nkwashi nákayitemeshela wakudi Tata, yowu #1 Yow 5:6Spiritu wawalala, wakufuma kudi Tata, diyi wakela chinsahu chami.
27Ninenu nawa mwakela ayinsahu nanichi chimunekali nanami kufumisha kutachi.
Currently Selected:
Yowanu 15: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.