Yowanu 14
14
Yesu diyi njila yakuya kudi Tata
1Bayi mwakama munyichima yenuku. Mwamukuhwelelaŋa Nzambi, nkuhwelelenu ninami nawa.
2Mwitala daTata yami mwakushakama mwekala mwamuvulu; neyi himwadiŋi chochochuku nadi kuyileja. Nukuya nakuyiloŋeshela mwakushakama.
3Chineli nami nukuya nakuyiloŋeshela mwakushakama, Ami aweni nakenza cheŋi nakuyitambula; kulonda kunakekalami, diku mwakekala ninenu nawa.
4Kunukuyami, njila mwayiluka dehi.
5Tomasi hakumwila nindi, Mwanta, hitweluka kuwukuyaku; indi njila tukuyiluka ŋahi?
6Yesu hakumwila nindi, Ami yami #10:9; Heb 10:20njila, #1 Yow 5:20niwalala, #1:4; 11:25niwumi. Kwosi muntu niwumu wukwinza kudi Tata chiŋa hadami.
7Neyi mwaŋilukili, mutenowu mwadi kwiluka niTata yami nawa; kufumisha kulelu munamwiluki, munamumoni dehi.
8Fwilipu hakumwila nindi, Mwanta, tuleji Tata; dimu tunakeŋi hohu.
9Yesu hakumwila nindi, Eyi Fwilipu, #1:14múnashakami nenu mwejimimu, wubuli kuŋiluka? Muntu #12:45nanmonami namoni Tata. Wunelilidi neyi, Tuleji Tata?
10Chinekalami mudi Tata, niTata mudami, eyi kukuhwelelamu nehi? Awa mazu nayilejaŋa, himazu akumuchima wamami awenuku, Tata washakama mudami diyi wudi nakukalakala nyidimu yindi.
11Nkuhwelelenu nenu nekala mudi Tata, niTata wekala mudami; hela neyi omu nehi, nkuhwelelenu kwakunyidimu yayeni.
12Chalala chalala, nukuyileja nami, muntu wukunkuhwelela, nyidimu yinukukoŋa niyena wakayikoŋa; wakakoŋa niyakubadika iyi, nanichi chinukuya kudi Tata.
13Chonsu #15:7, 16; Mat 7:7; Yak 1:5chimukulomba mwijina dami nukuchila, kulonda Tata amulemesheli mudi Mwana.
14Neyi mukulomba chuma mwijina dami nukuchila.
Yesu hakuyikana Spiritu Wajila
15Neyi mwankeŋa, mukuhembaŋa #1 Yow 5:3; 2 Yow v6munayilejaŋa.
16Ami nakamulomba Tata, wakayinka #v26; 15:26; 16:7Nkwashi mukwawu akekali nanenu nyaka yejima.
17Yowu #15:26; 16:13; 1 Yow 5:7Spiritu wawalala, abulaŋa kutwesha kutambulawu kudi antu ampata yamunu mwishina; muloŋa abulaŋa kumumona, hela kumwiluka hiyamwilukaku; ilaŋa enu mwamwiluka muloŋa washakama nanenu, wakekala mudenu.
18Hinakayishiya neyi anshonaku; nakenza kudenu.
19Kunashali kampinji kantesha hohu, antu ampata yamunu mwishina hiyakanmona nawa cheŋuku; ilaŋa enu mwakanmona; chinahandaŋami, dichi chimwakahandaŋa ninenu.
20Ifuku odu mwakeluka nenu ami nekala mudi Tata yami, ninenu mwekala mudami, ninami mudenu.
21Muntu wukweti mazu inayilejaŋa nakuyihemba, diyi #v15, 23; 15:10wankeŋa; ninowu wankeŋa akumukeŋa kudi Tata yami, ninami nukumukeŋa, nukudimwekeshaŋa kudi yena.
22Yuda wacheŋi, hiIsakarotuku, hakumwihula nindi, Eyi Mwanta, ichi chiwukudimwekesha kudetu, wubuli kudimwekesha kudi antu ampata yamunu mwishina, chikufuma hanka?
23Yesu hakumwakula nindi, Muntu wankeŋa wukuhemba mazu ami; Tata yami wukumukeŋa, ninetu tukwinza kudi yena #Efw 3:17; Chim 21:3tukushakama nindi.
24Muntu wabula kunkeŋa hahembaŋa mazu amuku; nimazu awa imukutiya hiyamuku, aTata wantemesheli.
25Nasambilaŋahu dehi kuyileja mazu awa hohanu hinichidi kushakama nanenu.
26Ilaŋa #v16; 16:13Nkwashi, diyi Spiritu Wajila, akatemeshawu kudi Tata mwijina dami, diyi wakayitaŋisha yuma yejima, wakayanukisha yinayileji yejima.
27 #
16:33; 20:19; Fwi 4:7; Kol 3:15 Kuwunda nayishiyili; kuwunda kunawundaŋami nayinki. Hinayinki neyi chenkaŋawu antu ampata yamunu mwishinaku. Bayi mwakama munyichima yenuku, bayi mutiya hela womaku.
28Munatiyi chinayili nami nukuya kwacheŋi, nakenza kudenu. Neyi mwankeŋa, mutenowu munazaŋalali nanichi chinukuya kudi Tata, muloŋa Tata wambadikami.
29Nayilejaŋahu dehi hohanu hichichidi kanda chinzi, kulonda chichakenza mwakakuhweleli.
30Hinukuhosha cheŋi nanenu mazu amavuluku; muloŋa mwanta wayuulaŋa mpata yamunu mwishina hakwinza; niyena hakweti chuma mudamuku.
31Ami nelaŋa mwanlejeliyi Tata, kulonda antu ampata yamunu mwishina akeluki nawu nakeŋa Tata. Nyamukenu tuyenu.
Currently Selected:
Yowanu 14: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.