Yowanu 16
16
1 #
15:11
Chinayileji yumiyi nalondi akabuli kuyidimbwisha.
2Akayihaŋa mumashikola; eŋa, mpinji yakenza yakela muntu wákayijaha, wakatoŋojoka nindi wudi nakukalakela Nzambi mudimu.
3Akela yumiyi nanochu #15:21chabula kwilukawu Tata hela ami.
4Nayileji yumiyi kulonda neyi mpinji yawu yinenzi mwakaanukaŋa nenu nayilejelumu dehi. Hatachi hinayilejelaŋa yumiyuku, muloŋa nadiŋi nenu.
Mudimu waSpiritu Wajila
5Katataka hinukuya kudi yena wantemesheli. Kwosi mwinenu wumu wukuŋihula nindi, Wukuya kudihuku?
6Chinayileji mazu awa, munyichima yenu mudi kwakuneŋa hohu.
7Hela chochu, nukuyileja mwalala nami, chinukufumahu chikuyiwahilenu; neyi nukubula kufumahu, #14:16Nkwashi hakwinza kudenuku; ilaŋa neyi nukuya, nakamutemesha enzi kudenu.
8Niyena chakenzayi, wakakonkolola antu ampata yamunu mwishina nansaŋu yanshidi, nansaŋu yakuloŋa, ninansaŋu yakusompesha.
9Wakayikonkolola hansaŋu yanshidi nanichi chabulaŋawu kunkuhwelela;
10hansaŋu #1 Pet 3:18yakuloŋa nanichi chinukuya kudi Tata, himwakanmona cheŋuku;
11hansaŋu #12:31yakusompesha nanichi chaneliyi mwanta wampata yamunu mwishina anamusompeshi dehi.
12Nichidi nayuma yayivulu yakuyileja, ilaŋa katataka himukuyitweshaku.
13Ilaŋa chakenzayi #14:26Spiritu wawalala, wakayilombola muwalala wejima. Hakahoshaŋa yakumuchima windi yomwenuku, wakahoshaŋa mwatiyaŋayi mwejima, wakashimunaŋahu dehi yuma yakenza.
14Yena wakanlemeshami, wakatambula yuma yamami, wakayishimwinamu enu.
15Yuma yaTata yejima yamami; dichi chineli nami wakatambula yuma yamami, wakayishimwinamu enu.
16Mukuhita kampinji kanti himukunmonaku; mwakahita kampinji kakwawu kanti mwakanmona chalumbuluka.
Atumbanji akazaŋalala
17Dichi atumbanji twindi amu hiyakudihula nawu, Chanatulejiyi nindi, Mukuhita kampinji kanti himukunmonaku, mwakahita kampinji kakwawu kanti mwakanmona chalumbuluka; cheŋi nindi, Muloŋa nukuya kudi Tata; chaya mudihi?
18Dichi hiyakudihula nawu, Chanatulejiyi nindi, Mukuhita kampinji kanti; chaya mudihi? Etu hituneluki mwanatulejiyuku.
19Yesu neluki dehi chakukeŋa kumwihulawu; hakuyila nindi, Mudi nakudihujola nsaŋu yamazu inahoshi nami mukuhita kampinji kanti himukunmonaku, mwakahita kampinji kakwawu kanti mwakanmona chalumbuluka; tahindi?
20Chalala chalala, nukuyileja nami, mukudila, mukululuta, hakwila antu ampata yamunu mwishina akuzaŋalala. Enu mukuneŋa, ilaŋa kuneŋa kwenu kwakabalumuka #20:20muzaŋalu.
21Mumbanda waneŋaŋa hafunyishaŋayi, muloŋa mpinji yindi yinamuwani dehi; hakwila neyi navwali dehi mwanindi, hakwanuka nawa cheŋi ihuŋuku, namuzaŋalu wamuntu navwaliki mumpata yamunu mwishina.
22Dichi enu mudi nakuneŋa katataka, ilaŋa nakayimona cheŋi, mwakazaŋalala munyichima yenu, nimuzaŋalu wenu kwosi wakayitambulawuku.
23Dena ifuku odu himwakaŋihula cheŋi chumaku. Chalala chalala, nukuyileja nami, neyi hadi chuma chimwakamulomba Tata, wakayinkachu mwijina dami.
24Kanda mulombaŋahu dehi chuma mwijina damuku. #14:14; 15:11Lombenu mutambuli, kulonda muzaŋalu wenu wuwanini.
25Nahoshi nenu mwenimu nayishimu, ilaŋa mpinji yakenza hinakahosha nenu nayishimuku, nakayileja jaTata chalumbuluka.
26Dena ifuku odu mwakalomba mwijina dami; hinukuyila nami yami nakayilombela kudi Tataku,
27muloŋa yomweni Tata wayikeŋa nanichi chimunankeŋami, nanichi chimunakuhweleli nenu ami nafumini kudi Tata.
28Nafumini kudi Tata, nenzi mumpata yamunu mwishina; cheŋi nawa nukufuma mumpata yamunu mwishina, nukuya kudi Tata.
29Atumbanji twindi hiyakwila nawu, Ichi dinu hiwukuhosha chalumbuluka, hiwudi nakuhosha nayishimuku.
30Ichi dinu tuneluki dehi netu eyi weluka yuma yejima, hichikweti kukwihula chuma kudi muntuku. Dichi tunakuhweleli netu wafumini kudi Nzambi.
31Yesu hakuyakula nindi, Ichi dinu munakuhweleli, tahindi?
32Talenu, mpinji yikwinza, eŋa yinenzi dehi, #Mak 14:27yakuyipalaŋeshawu wejima wenu, muntu nakwindi, muntu nakwindi, mukunshiya kankawami; ilaŋa hinidi kankawamuku, nidi naTata.
33Chinahoshi nenu mwenimu, nalondi nami mumoni #14:27kuwunda mudami. Mukumona lukadi mumpata yamunu mwishina, ilaŋa tiyenu kuwaha, ami nemiki mpata yamunu mwishina #2 Kor 2:14; Chim 3:21mushindu.
Currently Selected:
Yowanu 16: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.