Yowanu 13
13
Yesu hakuwelesha nyendu yawatumbanji
1Henohu chawija chaChipandakenu chichidi kanda chitachiki, Yesu welukili nindi mpinji yami yakufuma mumpata yamunu mwishina niyi kudi Tata yinashiki dehi. Chakeŋeliyi antu indi adiŋi mumpata yamunu mwishina, wayikeŋeli hachikupu ndo-o nikunsa.
2Hadiŋuwu nakudya, henohu diyabolu weŋija dehi mumuchima #6:71waYudasi Isakaroti, mwana kaShimona, jakumufukeja,
3Yesu chanelukiyi nindi Tata nashi yuma yejima mumakasindi, neluki nindi wafumini kudi Nzambi, hakufunta kudi Nzambi;
4hakunyamuka kukudya, hakutenteka mahinindi ahewulu kumbadi, hakunona ditwayi, hakudivwala.
5Hakuhuŋununa menji mumbashila, hakutachika #Luk 7:44; 22:27kuwelesha nyendu yawatumbanji, nakuyikombola naditwayi danavwaliyi.
6Chanashikiyi kudi Shimona Petulu, yena hakumwila nindi, Mwanta, keŋa wuweleshi nyendu yamami?
7Yesu hakumwakula nindi, Ichi chinukwilami katataka hiwunachilukuku, ilaŋa chamba kakulumbulukila kunyaka yakenza.
8Petulu hakumwila nindi, Hiwamba kawelesha nyendu yamuku. Yesu hakumwakula nindi, Neyi nukubula kukuwelesha, hiwukutwesha kutiyaŋana nanamuku.
9Shimona Petulu hakumwila nindi, Mwanta, bayi nyendu yami hohuku, ilaŋa nikumakasami nikumutu.
10Yesu hakumwila nindi, Muntu naweli dehi mujimba wejima hakukeŋa kuwela cheŋuku, chiŋa kunyendu hohu; natooki dehi mujimba wejima. Enu munatooki dehi, ilaŋa himunatooki wejima wenuku.
11Muloŋa welukili muntu wukukeŋa kumufukeja; dihu hafumini kwila nindi, Himunatooki wejima wenuku.
12Cheliliyi naweleshi dehi nyendu yawu, nanoni dehi yuma yindi yakuvwala, nashakami dehi cheŋi, hakuyila nindi, Ichi chinayili munachiluki, tahindi?
13Enu mwaŋilaŋa nenu, Eyi #20:16; Fwi 2:11Ntaŋishi; cheŋi nawa nenu, Eyi Mwanta. Mwelaŋa chachiwahi, muloŋa dichi chinidi.
14Ami niMwanta wenu niNtaŋishi nawa, naweleshi nyendu yenu, dichi ninenu nawa mwadi kuweleshaŋana nyendu yenu.
15Muloŋa ami nayileji chuma #1 Pet 2:21chakwimbujola, kulonda ninenu nawa mwilaŋa neyi munayilenu.
16Chalala chalala, nukuyileja nami, nduŋu #Mat 10:24; Luk 6:40habadikaŋa nkaka yinduku; hela muntu atemeshawu habadikaŋa wámutemesheluku.
17Neyi muneluki yumiyi himukuyila, #Luk 11:28; Yak 1:25munakooleki
Yesu hakushimunaŋahu dehi chakamufukejawu
(Mat 26:21-25; Mak 14:18-21; Luk 22:21-23)
18Hinayiteni wejima wenuku; awa #15:16, 19inatondi nayiluki; ilaŋa nalondi mukanda wajila wulumbuluki welawu nawu,
#
Mas 41:9
Muntu wadyaŋa yakudya yami nannyamwini dehi katutu kindi.
19Kufumisha hanu nukuyilejaŋa yuma yichidi kanda yimwekani, kulonda neyi yinamwekani dehi mwakatweshi kukuhwelela nenu, #8:24, 28Ami Yami.
20Chalala chalala, nukuyileja nami, yowu wukutambula muntu nukutemesha, nantambulami; muntu wukuntambulami, natambuli yena wantemesheli.
21Yesu chanahoshiyi ochu, hakukaba muspiritu yindi, hakushimuna nindi, Chalala chalala, nukuyileja nami, hadi mwinenu wumu wukumfukeja.
22Atumbanji hiyakuditala wumu namukwawu nawu, Nateninyi?
23Kwadiŋi kambanji kindi wumu #19:26; 20:2; 21:7, 20akeŋeluwu kudi Yesu, hakukundamena hebwambu daYesu.
24Dichi Shimona Petulu hakumukobola yena, hakumwila nindi, Tuleji muntu anateniyi.
25Iku saŋa akundamenayi hebwambu daYesu, hakushetumuka, hakumwihula nindi, Mwanta, hinyi?
26Yesu hakwakula nindi, Muntu nukutantila chibalu chadinkendi hinukumwinka, diyi. Chanatantiyi hakumwinka Yudasi mwana kaShimona Isakaroti.
27Chanatambuliyi chibalu ochu chadinkendi #Luk 22:3Satana hakumwiŋila. Dichi Yesu hakumwila nindi, Ilaku swayi muwunakeŋi kwila.
28Kumesa hikwadiŋi muntu welukili mwanatwaliyuku.
29Amakwawu atoŋojokeli nawu kwiji Yesu namwili Yudasi nindi, Yaku wulandi yuma yachidika chachawija; indi kwiji ayinki atuzweŋi yuma; muloŋa Yudasi diyi wasendelaŋa fuuba yamali.
30Dichi yena chanatambuliyi chibalu chadinkendi, edika nihanzi. Henohu kuneli dehi wufuku.
Yesu hakushimunaŋahu dehi kudikala kwaPetulu
31Chanedikiyi hanzi, Yesu hakuhosha nindi, Ichi dinu Mwana kaMuntu #17:4anamulemeshi dehi; niNzambi nawa anamulemeshi mudi yena.
32Chanamulemeshuwu Nzambi mudi yena, niNzambi keŋa alemeshi Mwana kaMuntu kachawichi.
33Enu anyana anyanya, nidi nenu kampinji kanti hohu. #7:33-34Mwakankeŋakeŋa; múnahosha nawaYudeya nami, Kunukuya himukutwesha kushika kwoku; dimu nukuhosha nawa nanenu.
34Tiyenu, nukuyileja #1 Yow 2:7-8nshimbi yayiha nami, Mukeŋaŋani. Chinayikeŋami, ninenu nawa #15:12, 17; Lev 19:18; 1 Pet 1:22; 2 Yow v5keŋaŋanenu.
35Neyi #1 Yow 4:7, 20mukukeŋaŋana, dihu hakayilukilawu antu ejima nawu mudi atumbanji twami.
36 #
Mat 26:33-35; Mak 14:29-31; Luk 22:33-34 Shimona Petulu hakumwihula nindi, Mwanta, wukuya kudihi? Yesu hakwakula nindi, Kunukuyami hiwukutwesha kunlondela katatakaku, ilaŋa wamba kanlondela.
37Petulu hakumwila nindi, Mwanta, nukukaŋenyadi kukulondela katataka? Hela kufwa hamujimba weyeyi nukufwa tuhu.
38Yesu hakwakula nindi, Wukufwila hamujimba wamami, tahindi? Chalala chalala, nukukuleja nami, henohu ikombu kanda etiyiluku, eyi wakadikala mapampa kasatu neyi, Hinamwiluka Yesuku.
Currently Selected:
Yowanu 13: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.