Yowanu 12
12
Kumuwayisha Yesu manji kuBetani
(Mat 26:6-13; Mak 14:3-9; Luk 7:37-39)
1Hasheli mafuku atanu nadimu naChipandakenu, Yesu hakwinza kuBetani kwadiŋiyi Lazaru asaŋwiliyi mudi afu.
2Hiyakumutelekela yakudya kwenoku. #Luk 10:38Mata hakuyikalakela, ilaŋa Lazaru hakushakama nawakwawu adiŋi nakudya naYesu.
3Dichi #11:2Mariya hakunona lita yanketenki yamanji evumba dadiwahi asweja kulema wuseya, hakuwayisha madatilu aYesu, hakukombola madatilu indi nansuki jindi; itala dejima diipuka niivumba danowu manji.
4Kambanji kindi wumu, Yudasi Isakaroti, wukukeŋa kumufukeja,
5hakwila nindi, Alekeladi kulandisha awa manji namali nkulakaji jisatu (300), ayinka #13:29atuzweŋi?
6Chahosheliyi ichi halondeli kwakama atuzweŋuku, wahosheli nanochu chadiŋiyi ikombi, wadiŋi wahemba fuuba, wanonenaŋamu mali ashilaŋawu mufuuba.
7Dichi Yesu hakwila nindi, Muleki kwindi, wakeŋa kunswekela ifuku dakanjiikawu.
8 #
Kuhit 15:11
Atuzweŋi mwekala nawu mafuku ejima, hakwila ami hinukwikala nenu mafuku ejimaku.
9AYudeya amavulu nankashi chanatiyuwu nawu wudi kwenoku, hiyakuyaku. Hiyalondeli kwaYesu hohuku, alondeli nawu amoni #11:43-44niLazaru asaŋwiliyi mudi afu.
10Ilaŋa akulumpi jawatupristu akwatili mpúŋa nawu amujahi niLazaru nawa.
11Muloŋa aYudeya amavulu ayili #7:31nakumukuhwelela Yesu hansaŋu yaLazaru.
Yesu hakwiŋila muYerusalema namushindu
(Mat 21:4-9; Mak 11:7-10; Luk 19:35-38)
12Chikunachi, izaza deneni dawantu áyili kuchawija, chanatiyuwu nawu Yesu wudi nakwinza kuYerusalema,
13hiyakunona nyitayi yanyikoma, hiyakuya nakumukinkilila. Hiyakubidika nawu,
#
Mas 118:25-26
Kisu kisu, wamwinu winzi!
Wakiswilewa iwu wukwinza mwijina daMWANTA,
Diyi Mwanta waIsarela!
14Yesu chanawaniyi mwana kachimbulu, hakukandamahu;
15neyi chanasonekuwu nawu,
#
Zek 9:9
Eyi mwana kaZiyona wamumbanda,
Bayi wutiya womaku;
Tala, Mwanta weyi hakwinza kudeyi
Nakwendela hamwana kachimbulu.
16Hakusambila atumbanji twindi hiyelukili yumiyuku, ilaŋa chanamulemeshuwu dehi Yesu, #2:20-22hiyakwanuka chamusonekeluwu, nichamwililuwu yumiyi.
17Dichi izaza dawantu adiŋiyi nawu hamutambikiliyi Lazaru afumi mwijamu hamusaŋwiliyi mudi afu, hiyakushimuna mwamwenuwu.
18Dihu hafumini kumukinkilila kudi izaza dawantu, muloŋa anatiyi dehi nawu nakoŋi dehi chinjikijilu ichi.
19Dichi aFwarisewu hiyakuhosha wumu namukwawu nawu, Talenu chimukumukaŋanya; ituŋa dejima hidikumulondela.
Yesu hakushimunaŋahu dehi kufwa kwindi
20Mukachi kanowu antu ayili nakudifukula kudi Nzambi kuchawija, mwadiŋi aGriki amu.
21Wena hiyakuya kudi #1:44Fwilipu wakuBeteseda wamuŊaliliya, hiyakumulomba nawu, Eyi mwanta, tunakeŋi tumumoni Yesu.
22Fwilipu hakuya nakuleja Anderi; Anderi nawa hakwinza naFwilipu, hiyakuleja Yesu.
23Yesu hakuyakula nindi, Mpinji yakulemeshawu Mwana kaMuntu yenza dehi.
24Chalala chalala, nukuyileja nami, #1 Kor 15:36-37mbutu yatidiku chiŋa yiholokela mumaseki yifwa, mukunkulwayi yikushakamaŋa inkawayu; ilaŋa neyi yikufwa yikusoŋa yayivulu.
25Muntu wukukeŋa wumi windi wakawujimbesha; muntu wukuhela wumi windi mumpata yamunu mwishina, #Mak 8:35; Luk 9:24wakawuhemba nikukuhanda kwahayanyaka.
26Muntu wukunkalakela, anlondeli; #17:24; Fwi 1:23; 1 Tes 4:17kunakekalami diku kwakekala niŋamba yami; muntu wukunkalakela, akamulemesha kudi Tata.
27Ichi dinu muchima wami #Mat 26:38; Mak 14:34hiwukukaba. Nukuhosha namidi? Nili nami, Eyi Tata, mpulwishi kumpinji iyi, tahindi? Dichi nenjilili, nalondeli mpinji yoyeniyi.
28Tata, lemeshaku ijina deyi. Hikukwinza #Mat 3:17; 17:5; Mak 1:11; 9:7; Luk 3:22; 9:35izu dakufuma mwiwulu nindi, Nadilemeshi dehi, nakadilemesha nawa cheŋi.
29Dichi izaza dawantu emenuku chanaditiyuwu, hiyakwila nawu kunadidimi. Amakwawu nawu, Kaŋelu nahoshi nayena.
30Yesu hakwakula nindi, Izu idi dinenzi hansaŋu yenu, bayi hansaŋu yamuku.
31Ichi dinu #16:11kusompesha mpata yamunu mwishina kunashiki dehi. Ichi dinu mwanta wayuulaŋa mpata yamunu mwishina hakwikala chimwaŋaji.
32Neyi akumfumisha heseki #3:14annyamuna kwiwulu, nakakokela antu ejima kudami aweni.
33Chahosheliyi mwenimu, washimwini kufwa kwakukeŋa kufwayi.
34Izaza dawantu hiyakumwakula nawu, Etu twatiyaŋa kunshimbi nawu, Kristu washakamaŋa #Mas 110:4; Ezek 37:25hayanyaka; indi eyi wukwila ŋahi neyi Mwana kaMuntu chiŋa akamunyamuna kwiwulu? Indi yeniwu Mwana kaMuntu hinyi?
35Dichi Yesu hakuyila nindi, Muchidi nachejeji mafuku antesha. #9:4; Efw 5:8Endenuŋa himuchidi nachejeji, mwidima keŋa wuyikulukili. Muntu wukwenda mumwidima hakwiluka kwakuyayuku.
36Himuchidi nachejeji kuhwelelenu chejeji, mwikali #8:12akwachejeji.
Yesu chanahoshiyi mazu awa hakufumaku, hakuya nakubatama.
37Hela amumweni nakukoŋa yinjikijilu yayivulu, alekeli kwawu kumukuhwelela;
38kulonda izu dakaprofwetu Isaya dakalumbuluki deliliyi nindi,
#
Isa 53:1; Rom 10:16 Eyi MWANTA, nákuhweleli mutunashimuni hinyi?
Chikasa chaMWANTA anachimwekeshi kudinyi?
39Dichi chakaŋenyuwu kukuhwelela; neyi cheliliyi cheŋi Isaya,
40nindi,
#
Isa 6:10
Yijimi mesu awu, yichinchikishi nyichima yawu,
Abuli kumona namesu awu, abuli kushinshika munyichima yawu,
Akabuli kubalumuka munyichima yawu nakenda kayuuka.
41Isaya wahosheli mazu awa nanochu chamweniyi #Isa 6:1-5lubanji lwakulema kwindi, hakumutena niyena.
42Hela chochu, anyuuli amavulu amukuhweleleli; ilaŋa abulili kumwiteja nawoma wawaFwarisewu, akenda kayihaŋa mushikola yawu.
43Akeŋeli #5:44kuyilemesha kudi antu; kuyilemesha kudi Nzambi hiyachikeŋeli chalalaku.
44Yesu hakubidika nindi, Muntu #Mat 10:40wankuhwelelaŋami, hankuhwelelaŋa ami hohuku, wakuhwelelaŋa ona wantemesheli.
45Muntu #14:9wanmonaŋami, wamonaŋa yena wantemesheli.
46Ami nenzi niikali #Yow 1:4chejeji champata yamunu mwishina, kulonda muntu wukunkuhwelela abuli kushakama mumwidima.
47Muntu wukutiya mazu nahoshaŋami, abula kuhembamu, ami hinakamusompeshaku; muloŋa hinenjili nakusompesha antu ampata yamunu mwishinaku, nalondeli kwamwina antu ampata yamunu mwishina.
48Muntu wukunleka, wukubula kwiteja munahoshaŋa, wukweti nsompeshi yindi; #5:45-47; Kuhit 18:18-19mazu inahoshi wowu amba kamusompesha hefuku dakukuminina.
49Muloŋa hinahoshi chakumuchima wamami awenuku; Tata wantemesheli diyi nanleji munukuleja antu, nimunukuhosha.
50Neluki chachiwahi nami, mwananlejiyi hiwumi wahayanyaka. Mwejima munahoshaŋa, nahoshaŋa mwakunleja kudi Tata.
Currently Selected:
Yowanu 12: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.