Yililu 9
9
Kubalumuka kwaSawulu
1Ilaŋa Sawulu hakwonashanina nikufunyina atumbanji twaMwanta jawubanji; hakuya kudi kapristu muneni,
2hakulomba nyikanda yakuya nachu kumashikola akuDamakasa, kulonda neyi wakawana #19:9, 23; 22:4; 24:14, 22; Yow 14:6akwaNjila amakwawu, hela amayala hela ambanda, akayileti kuYerusalema munyonji.
3Chadiŋi nakwendayi hakuya nakushika kuDamakasa, kukasumuka #1 Kor 15:8hikukumutoŋekela chejeji chakufuma mwiwulu kwi-ndo.
4Hakudimbuka heseki, hakutiya izu hidikumwila nindi, Eyi Sawulu, Sawulu, wankabishilaŋadi?
5Sawulu nindi, Yeyinyi Mwanta? Mwanta nindi, Yami Yesu wákabishaŋa.
6Nyamukaku, wiŋili muŋanda, akakuleji muwukwila.
7Amayala endeliyi nawu hiyakwimana, jinayikaŋi dehi jakuhosha, anatiyi kwezu hohu, kumona muntu nehi.
8Sawulu hakunyamuka hamaseki; nindi atoni, kumona chuma nehi. Hiyakumukwata kuchikasa, hiyakumutwala muDamakasa.
9Hakwikala mafuku asatu chakadi kumona; kudya hela kunwa nehi.
10MuDamakasa mwadiŋi kambanji wumu, ijina dindi Ananiya. Mwanta hakumwila muchimwenu nindi, Eyi Ananiya. Yena nindi, Yamonu Mwanta.
11Mwanta hakumwila nindi, Nyamukaku, wuyi kumukwakwa wukweti ijina daWoloka, mwihuli muntu mwitala daYuda, ijina dindi Sawulu wakuTarusa; muloŋa wudi nakulombela.
12Niyena namoni muchimwenu iyala, ijina dindi Ananiya, hakwiŋila mwadiyi yena, hakumunaŋika makasa kulonda amoni.
13Ilaŋa Ananiya hakwakula nindi, Eyi Mwanta, iwu iyala namutiyi kudi antu amavulu, mwanakoŋiyi #26:10; Rom 1:7; 1 Kor 1:2antu eyi ajila kuYerusalema chatama;
14nikunu yena wukweti wanta watambulayi kudi akulumpi jawatupristu, kulonda kukasa antu ejima atambikaŋa ijina deyi.
15Ilaŋa Mwanta hakumwila nindi, Yaŋa kweyi; yena hinsaba #13:2; Rom 1:1; Ŋal 1:15; Efw 3:7yinatondi ami aweni, kulonda atwali ijina dami kudi #Rom 11:13; Ŋal 2:7-8aJentili, nikudi anyanta ankanu, nikudi aIsarela.
16Muloŋa ami #20:23; 21:11; 1 Tes 3:3nukumuleja yuma yayivulu #2 Kor 6:4-5; 11:23-24yakakabayi, yakukoola ijina dami.
17Ananiya hakuya, hakwiŋila mwitalodu. Hakumunaŋika makasa nindi, Eyi manakwami Sawulu, Mwanta Yesu, wámwekana kudeyi munjila yiwenzaŋa, nantemeshi kulonda wumoni, #2:4winzali naSpiritu Wajila.
18Hohenohu kumesu indi kuholoka niyuma yidi neyi makàlu, amona nikumona. Hakunyamuka, hiyakumujimika.
19Hakutambula yakudya, akwata niŋovu. Hakushakama mafuku nawatumbanji adiŋi kuDamakasa.
20Hohenohu hakutiyakesha nsaŋu yaYesu mumashikola, nindi hiMwana kaNzambi.
21Ejima amutiyili hiyakuhayama nawu, Hidiyi wakabishilaŋa antu muYerusalema atambikaŋa ijiniduku? Nsaŋu yanenjiliyi kunu yoyu yakuyitwala munyonji kudi akulumpi jawatupristu.
22Ilaŋa Sawulu hakusweja ŋovu, hakuyibayisha aYudeya ashakamini kuDamakasa, nakulumbulula chakashinshi nindi chalala iwu Yesu diyi Kristu.
23 #
Ŋal 1:17-18
Chimunahiti dehi mafuku amavulu, aYudeya hiyakumushakamina hampúŋa yakumujaha.
24Mpúŋoyu hiyakuyiluka kudi Sawulu. Hiyakuhemba kuyisu yamukala nimwaana niwufuku kulonda amujahi.
25Ilaŋa atumbanji hiyakumutwala nawufuku, hiyakumuhanwisha mwipwata damumpwembu nakumuzelumuna muchimpaya.
26Chanashikiyi kuYerusalema hakweseka kudibomba nawatumbanji. Wejima wawu hiyakumutiya woma, hiyakutadika nawu hikambanjuku.
27Ilaŋa #4:36Baranaba hakumutambula, hakumutwala kudi apostolu, hakuyileja chanamumoniyi Mwanta munjila, nichanahoshiyi Mwanta nayena, nichanashimuniyi ijina daYesu kuDamakasa chakadi woma.
28Hakwikala nawu kuYerusalema; hakukimbukaŋa nawu, hakwiŋilaŋa nakwidikaŋa hamu nawu.
29Hakushimuna ijina daMwanta chakadi woma; hakuhosha nakutadika nawaYudeya ahoshaŋa Griki, ilaŋa wena hiyakukeŋa mwakumujahila.
30Chanachilukuwu anakwindi hiyakumukunkumwisha kuKesareya, hiyakumutemesha kuTarusa.
31Mwahita Yudeya mwejima nimuŊaliliya nimuSamariya, chipompelu hichikumona kuwunda, hichikudituŋa, hichikwenda nawoma waMwanta, nimukuyikundeja kwaSpiritu Wajila, hichikutoha.
Eneya niDokasi
32Chadiŋi nakukimbukayi Petulu kwejima, hakushika nikudi akwakujila ashakama kuLida.
33Kwenoku hakumona muntu wumu, ijina dindi Eneya, wakama dehi hakadidi kindi nyaka yitanu nayisatu; muloŋa wadiŋi wakata kalepa.
34Petulu hakumwila nindi, Eyi Eneya, Yesu Kristu hakukukolesha; hindukaku, alaku kadidi keyi. Ahinduka nihohenohu.
35Ejima ashakama kuLida nimuSharoni hiyakumumona, hiyakubalumukila kudi Mwanta.
36Woho, kuYopa kwadiŋi kambanji wumu, ijina dindi Tabita, muGriki diyi Dokasi; yenowu mumbanda waswejeli nyidimu yayiwahi, niyuma yaluwi yeliliyi.
37Hamafuku owu hakukata hakufwa. Chanamuweleshuwu, hiyakumukamika mwitala dahewulu.
38KuLida kwadiŋi kwakwihi naYopa; dichi atumbanji, chanatiyuwu nawu Petulu wudi kuLida, hiyakutemeshaku amayala ayedi nakumulembelela nawu, Bayi wulaba kwinzaku.
39Petulu hakunyamuka hakuya nawu. Chanashikiyi, hiyakumutwala mwitalodu dahewulu. Ambanda #6:1amfwila ejima hiyakwimana kwakwihi nayena nakudila, nakumulejaleja yikowelu niyuma yakuvwala yachiminiyi Dokasi hachidiŋiyi nawu.
40Petulu #Mat 9:25hakuyiidishamu wejima wawu, hakufukama nakulombela. Hakubalumuka nakutala kudi mufu nindi, Eyi Tabita, hindukaku. Atona nikutona. Chanamoniyi Petulu, Tabita hakuhinduka nakushakama.
41Petulu hakumukwata kuchikasa chindi, hakumuhindwisha. Hakutambika akwakujila nawambanda amfwila, hakuyinkayi wamumi.
42Hichikutiyakana muYopa mwejima; amavulu hiyakumukuhwelela Mwanta.
43Petulu hakushakama muYopa mafuku amavulu kwamuntu ijina dindi Shimona, mukwakuloomba yitembi.
Currently Selected:
Yililu 9: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
