Yililu 10
10
Konelisu hakutambika Petulu
1MuKesareya mwadiŋi iyala wumu, ijina dindi Konelisu, mukulumpi wamashidika atenaŋawu nawu aItaliya;
2muntu wukweti kalemesha kakulemesha Nzambi, wakamaŋa Nzambi hamu nawakwetala dindi ejima, wenkelaŋa antu yamukunkulu yayivulu, walombelelaŋa kudi Nzambi hefuku hefuku.
3Hakumona muchimwenu chalumbuluka, kaŋelu kaNzambi hakwinza kudi yena hampinji kwiji yamuchitanu nachiwana yefuku (15:00 hrs), hakumwila nindi, Eyi Konelisu.
4Niyena chanamushinshikiyi kaŋelu swi-i, hakutiya woma nindi, Chumanyi Mwanta? Yena hakumwila nindi, Kulombela kweyi kwakuvulu niyamukunkulu yeyi yinashiki kudi Nzambi, #Mas 20:3; Mat 26:13; Fwi 4:18; Heb 6:10anakwanuki nachu.
5Dichi dinu, temeshaku amayala kuYopa, akaleti Shimona atumbiluwu ijina dikwawu daPetulu;
6washakama kwamuntu wumu ijina dindi Shimona, mukwakuloomba yitembi, wukweti itala dindi kwakwihi nakaluŋalwiji.
7Chanayiyi kaŋelu wadiŋi nakuhosha nindi, Konelisu hakutambika aŋamba jindi ayedi, niishidika wumu wukweti kalemesha kakulemesha Nzambi, wowu akwakumwimena hefuku hefuku.
8Hakuyihitila mwejima mwanamulejuwu kudi kaŋelu, hakuyitemesha kuYopa.
Chimwenu chaPetulu
9Chikunachi, achidi kuya munjila yawu, hiyakuya nakuswila kwakwihi namukalowu, Petulu hakukanduka hewulu detala alombeli, kwiji neyi hampinji yamuchitanu nayimu (12:00 hrs).
10Hakutachika kutiya nzala, hakukeŋa kudya. Hachidi kuloŋeshawu kudya, Petulu hakukeŋa kuya mutulu, hakumona chimwenu.
11Wamweni iwulu hiyakudijikula, nichuma kwiji chidi neyi ihina deneni, hichikuzelumuka, hiyakuchizelumwina kumawombu achu awana, chishika niheseki.
12Mwenomu mudi anyama anyichidi yejima, niyuma yazalalaŋa hamaseki, nituda twahaluzwizu.
13Kudi yena hikukwinza izu dakwila nawu, Eyi Petulu, nyamukaku, wujahi, wudyi.
14Ilaŋa Petulu nindi, Anha-a, Mwanta! Kanda dehi nidyi chuma chatama hela #Kuhit 14:3-20chamajiluku.
15Izu hidikwinza kudi yena ipampa damuchiyedi nawu, Chuma chanatookeshiyi Nzambi, bayi wuchitena neyi #v28; Mat 15:11; Mak 7:19; Rom 14:14; 1 Tim 4:4-5chatamaku.
16Chenichi achilili kasatu; chumochu achitambula nikwiwulu hohenohu.
17Hachidiŋiyi Petulu kujinoka nankashi, nindi chimwenu ichi chinamoni chinayi mudihi? kukasumuka owu amayala atemesheluwu kudi Konelisu, anehuli dehi kwitala daShimona, anemani dehi kuchisu chachipaŋu.
18Hiyakutambika nakwihula nawu, Shimona atumbiluwu ijina dikwawu daPetulu, washakama kunu?
19Hachidiŋiyi Petulu kutoŋojoka nsaŋu yachimwenu ochu, #8:29Spiritu hakumwila nindi, Tala, amayala asatu anakukeŋi.
20Dichi nyamukaku wusuluki, wuyi nawu chakadi ntadi; yami inayitemeshi.
21Petulu hakusulukila kudi owu amayala nindi, Yami muntu mudi nakukeŋa; munenjilidi?
22Nawu, Mukulumpi wamashidika Konelisu, muntu waloŋa wakamaŋa Nzambi, amuhamekaŋa kudi munza wejima wawaYudeya, anamuleji kudi kaŋelu wajila nawu akakutambiki wuyi kwitala dindi, kulonda atiyi mazu kudeyi.
23Petulu hakuyitambika mwitala hakuyileja kwakukama. Chikunachi hakunyamuka hakuya nawu, nianakwindi amakwawu akuYopa hiyakumutwalaku.
Petulu mwitala daKonelisu
24Chikunachi ifuku dikwawu hiyakwiŋila muKesareya, kuwana Konelisu wudi nakuyichiŋilila, wapompesha dehi antaŋa jindi niamabwambu jindi adikundayi nawu.
25Chaneŋiliyi Petulu, Konelisu hakumubulakana, hakudinata kunyendu yindi nakudifukula kudi yena.
26Ilaŋa Petulu hakumuhindwisha nindi, Imanaku; ninami nawa #14:15; Chim 19:10; 22:8-9nimuntu kwami.
27Iku wudi nakuhosha nindi hakwiŋila, hakuwana antu amavulu anapompi dehi.
28Hakuyila nindi, Enu aweni muneluki kaYudeya kushakama namuntu wakumunza wacheŋi hela kwinza kwakwihi nindi, chinjila. Hela chochu, Nzambi #15:8-9nanleji nindi, kutena muntu neyi watama hela wamajilu, chinjila.
29Dichi chimwantambika, hinukwinza chakadi ntadi. Dichi nehuli nami mwantambikiladi?
30Kuchinka Konelisu nindi, Munahiti mafuku awana nakushika hampinji yinu, nadiŋi nakulombela mwitala dami hampinji yamuchitanu nachiwana (15:00 hrs); kukasumuka iyala nemani kunidi, navwali mahina atoŋeka chejeji.
31Nindi, Eyi Konelisu, kulombela kweyi anakutiyi, niyamukunkulu yeyi anayanuki kudi Nzambi.
32Dichi dinu, temeshaku antu kuYopa wakatambiki Shimona atumbiluwu ijina dikwawu daPetulu, akenzi kudeyi; yena wekala kwaShimona mukwakuloomba yitembi kuchikumu chakaluŋalwiji.
33Dichi hinukukutemeshela antu hohenohu. Chinawahi mwani chiwunenzi. Dichi dinu, yetu awa tudi kunu kumesu aNzambi wejima wetu, kulonda tutiyi yejima yanakulejuwu kudi Mwanta.
34Petulu hakuhosha nindi, Mwalala, namoni komana Nzambi #Kuhit 10:17; Rom 2:11; Efw 6:9; Kol 3:25haakamaŋa antu kumesuku;
35hakwila munyunza yejima, muntu wamwakamaŋa yena, welaŋa mwaloŋa, amutiyaŋa kuwaha kudi Nzambi.
36Enu aweni mweluka izu datemesheliyi Nzambi kudi aIsarela, nakushimuna nsaŋu yayiwahi #Luk 1:79; Rom 5:1; Efw 2:17yakuwunda mudi Yesu Kristu. Yena diyi #2:36; Rom 10:12; Mat 28:18Mwanta wawantu ejima.
37Nsaŋu iyi enu aweni mwayiluka, yatiyakeni mwahita Yudeya mwejima; yatachikilili kuŊaliliya hakumishiluwu chijimikilu chashimwiniyi Yowanu.
38Mwatiya dehi nsaŋu yakutena Yesu wakuNazareta, #4:26chamuwayishiluwu kudi Nzambi naSpiritu Wajila naŋovu; yena wahitaŋenaŋa #Mat 4:23nakwila yayiwahi, nakukolesha antu ejima akabishilaŋawu kudi diyabolu, muloŋa Nzambi wadiŋi nayena.
39Yetu ayinsahu twamweni namesu mwejima mweliliyi mwituŋa dawaYudeya nimuYerusalema; yena nawa amujahili, nakumukudika #5:30hamutondu.
40Yena amusaŋwili kudi Nzambi mudi afu ifuku damuchisatu;
41hakumumwekesha hatooka, bayi kudi antu ejimaku, ilaŋa kudetu ayinsahu #Yow 14:19, 22akutondaŋahu dehi kudi Nzambi, yetu twelili #Luk 24:43nikudya nikunwa nindi heliliyi nasaŋuki dehi mudi afu.
42Yena #1:2hakutuleja nindi tushimwini antu, tushimuni wunsahu wakutena netu yenowu diyi anafuukuluwu kudi Nzambi kwikala #17:31; Yow 5:22-23; 2 Tim 4:1mukwakusompesha niamomi niafu.
43Amushimunaŋa wunsahu kudi atuprofwetu ejima, nawu mwijina dindi antu ejima ákumukuhwelela akamona #2:38; 4:12; Luk 24:47kuyanakena nshidi.
44Iku Petulu wuchidi kuhosha mazu awa, Spiritu Wajila #8:15-16; 11:15hakuholokela hadi antu ejima adiŋi nakutiya.
45Niakwakwalama enjili naPetulu adiŋi akuhwelela, chanachimonuwu, hiyakuhayama wejima wawu nawu, Komana hadi aJentili nihena nawa anechiluhu chamukunkulu chaSpiritu Wajila.
46Muloŋa atiyili hiyakuhosha #2:4madimi acheŋi nakumutohesha Nzambi.
47Petulu hakwila nindi, Muntwinyi natweshi kulekesha menji, abuli kuyijimika awa anatambuli Spiritu Wajila mwomutwatambwili ninetu?
48Hakuyila nindi ayijimiki #2:38; 8:16; 19:5mwijina daYesu Kristu. Hiyakumulembelela nawu ashakamuku mafuku amakwawu.
Currently Selected:
Yililu 10: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
