Yililu 8
8
Kukabisha nikupalaŋesha Chipompelu
1Dena ifuku odu #11:19ikabisha dakukabisha chipompelu chadiŋi muYerusalema divulumuka nikuvulumuka. Hiyakupalaŋena wejima wawu mwahita matuŋa aYudeya naSamariya, kwasheli wowu apostolu hohu.
2Stefwanu hiyakumujiika kudi amayala akweti kalemesha kakulemesha Nzambi, hiyakumudila makumbu aweni.
3Ilaŋa #26:10-11Sawulu hakukisaŋana chipompelu; hakwiŋila mumatala ejima nakukokakoka niamayala niambanda, hakuyisha mukaleya.
Fwilipu muSamariya
4Dichi wena apalaŋeni hiyakukimbuka nakushimuna izu daNzambi.
5Fwilipu hakukunkumukila kuŋanda yaSamariya, hakuyishimwina nsaŋu yaKristu.
6Mazaza awantu chanatiyuwu mwahosheliyi Fwilipu, nikumona yinjikijilu yeliliyi, hiyakumutiyilila namuchima wawu wumu hohu.
7Muloŋa aspiritu azonda, hiyakufuma mudi antu amavulu nakukaloka naŋovu. Antu amavulu adiŋi namusoŋu wakalepa, niadiŋi nakubalakata, hiyakukola.
8Muŋandoyu mwadiŋi muzaŋalu wasweja.
9Ilaŋa muŋandoyu mwadiŋi iyala wumu, ijina dindi Shimona, yenowu wahoŋelaŋa nakuhayamisha akwaSamariya, nakudisama nindi nalema.
10Antu ejima, kufumisha kudi akadi kulema kushika nikudi alema, hiyakumusha kumuchima nawu, Yeniwu diyi ŋovu oyu yaNzambi yatenaŋawu nawu Muneni.
11Amushili kumuchima, muloŋa wayihayamishilaŋa naŋombu yindi mafuku amavulu.
12Ilaŋa chanakuhweleluwu mwashimwiniyi Fwilipu nsaŋu yayiwahi yakutena wanta waNzambi niijina daYesu Kristu, hiyakuyijimika, niamayala niambanda.
13Shimona yomweni niyena nawa hakukuhwelela; chanamujimikuwu hakwenda hamu naFwilipu. Chanamoniyi yinjikijilu ninyidimu yaŋovu yakoŋeliyi, hakuhayama.
14Nochu dinu apostolu adiŋi kuYerusalema, chanatiyuwu nawu aSamariya anatambuli izu daNzambi, hiyakutemeshaku aPetulu naYowanu.
15Wena chanashikuwu, hiyakuyilombelela kulonda atambuli Spiritu Wajila.
16Muloŋa henohu Spiritu wuchidi kanda aholokeli hela hadi muntu niwumu wakwenokuku, anakumini dakuyijimika mwijina daMwanta Yesu hohu.
17Hiyakuyinaŋika makasa, atambula niSpiritu Wajila.
18Shimona, chanamoniyi Spiritu Wajila ayinkaŋayu hakunaŋika makasa awapostolu, hakwila nindi ayinki mali;
19nindi, Nyinkenu ninami wanta iwu, kulonda yowu nakanaŋika makasami akatambuli Spiritu Wajila.
20Ilaŋa Petulu hakumwila nindi, Mali eyi akisikili kumu naneyi, muloŋa wunatoŋojoki neyi wutambuli namali chamukunkulu chaNzambi.
21Hiwukweti mwakutukwashila hela #Neh 2:20mudimu kunsaŋu iyuku; muloŋa muchima weyi hiwaloŋa kumesu aNzambuku.
22Dichi balumukaku mumuchima wuleki ichi chuma chatama, wumulombi Mwanta, wamba kela muwunatoŋojoki mumuchima weyi akakwanakeni.
23Muloŋa nakumoni wumuntu wunaluli dehi nandulu mumuchima, anakukasi dehi nakuluwa kweyi.
24Shimona hakwakula nindi, #Kwi 8:8Nlombelelenuku kudi Mwanta, kulonda yumoyu yimunateni yibuli kunwana.
25Dichi wena, chanashimunuwu wunsahu wawu nakuhosha izu daMwanta, hiyakufunta kuYerusalema nakushimuna nsaŋu yayiwahi munyikala yawaSamariya yayivulu.
Fwilipu nakaEtiyopiya
26Ilaŋa kaŋelu kaMWANTA hakumwila Fwilipu nindi, Nyamukaku, wuyi kukabeta kakuchidiilu, kunjila yafuma kuYerusalema yakunkumukila kuGaza muchinkalampata.
27Hakunyamuka, hakuya. Kutala iyala wakuEtiyopiya, nhembi yamwanta wamumbanda wawaEtiyopiya Kandesi, walema nankashi, diyi wahembelaŋa yuma yaKandesi yalema yejima. Yenowu wenza dehi kuYerusalema kulonda #1 Anya 8:41-43; Yow 12:20kudifukula kudi Nzambi;
28wadiŋi munjila yakufunta, washakama mwikálu dindi nakutaŋa mukanda wakaprofwetu Isaya.
29 #
10:19; 11:12; 13:2; 16:6-7; 20:23; 21:11 Spiritu hakumwila Fwilipu nindi, Yaku kwakwihi, wukundami kwikálu dina.
30Fwilipu hakuyaku lufuchi, hakumutiya wudi nakutaŋa mukanda wakaprofwetu Isaya. Nindi, Chiwudi nakutaŋa chinakulumbulukili, tahindi?
31Kuchinka yena nhembi nindi, Chikunlumbulukila ŋahi chakadi muntu kunleja? Hakumwila Fwilipu nindi akandami ashakami hamu.
32Komana wadiŋi nakutaŋa mwasonekawu nawu,
#
Isa 53:7-8
Neyi mwana kamukoku akutwalawu nakujaha,
Neyi chamwenaŋayi mukoku hadi akwakumutewula nzo-o,
Dichi niyena haasamini mukanwa kinduku.
33Chadizozeliyi, hiyakumutambula wuhaku wakeŋeli kumonayi.
Ikiŋu dindi akadishimuna kudinyi?
Muloŋa wumi windi anawufumishi hanu hamaseki.
34Owu nhembi hakumwihula Fwilipu nindi, Kaprofwetu nateninyi, mwani? Naditeni yomweni, tahindi nateni muntu wacheŋi?
35Fwilipu hakuhosha mazu #Luk 24:27akutachikila #17:2; 18:28; 28:23kumukandiwu, hakumushimwina nsaŋu yaYesu.
36Chayilaŋawu munjila hiyakushika kumenji. Owu nhembi nindi, Tala menji awa; chumanyi chikunlekesha kunjimika?
37Fwilipu hakwakula nindi, neyi wunakuhweleli namuchima weyi wejima wukutwesha. Yena hakwakula nindi, Nakuhweleli nami Yesu Kristu diyi Mwana kaNzambi.
38Hakuleja antu kwimika ikálu. Hiyakukunkumukila mumenji mwayedi wawu, niFwilipu ninhembi; hakumujimika.
39Chanakandukuwu mumenji, Spiritu waMWANTA #1 Anya 18:12; 2 Anya 2:16; Ezek 3:12, 14hakumuhukula Fwilipu; owu nhembi hamumweni nawa cheŋuku, hakuyaŋa kwindi munjila yindi nakuzaŋalala.
40Hakwinza Fwilipu hiyakumuwana kuAzotu; chahitiliyi, hakushimuna nsaŋu yayiwahi munyikala yeneni yejima, nichashikiliyi kuKesareya.
Currently Selected:
Yililu 8: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
