Yililu 7

Kuhosha kwaStefwanu muchota

1Kapristu muneni hakwila nindi, Yumiyi yalala, tahindi?

2Yena nindi, Enu anakwami, ninenu atata, tiyililenu. Nzambi #Mas 29:3; 1 Kor 2:8walubanji lwakulema wamwekeni kudi nkakulula yetu Abarahama, hadiŋiyi #Kutach 11:31; 15:7muMesopotamiya, wuchidi kanda ashakami muHarana.

3Hakumwila nindi,

# Kutach 12:1 Fumaku mwituŋa denu, nikudi antaŋa jeyi,

Winzi mwituŋa dinakakuleja.

4Hakufuma mwituŋa dawaKaladeya, hakushakama muHarana. Kwenoku, chafwiliyi tata yindi, Nzambi hakumufumishaku nakumuleta mwituŋa dinu dimwashakama lelu.

5Hamwinkeli mwoku wuswana, chalala hela hakudatila mwendu winduku. #Kutach 17:8; 48:4Wakanini kumwinka ituŋa dindi nawanyanindi amba kalondelamu, hachidiŋiyi kanda avwali mwana.

6Nzambi wahosheli mwakwila nindi, Anyaneyi akashakama #Kutach 15:13-14mwituŋa dawenyi. Nindi akayiheta muwuduŋu, nakuyikoŋa chatama nyaka nkulakaji jiwana (400).

7Nzambi nindi,

# Kwi 3:12 Owu munza wakayiheta nakawusompesha;

Nkumininaku amba kafumamu, amba kankalakela mwenamunu.

8Hakumwinka chitiyaŋenu #Kutach 17:10-14chakwalama. Abarahama wavweli #Kutach 21:2-4Isaka, hakumwalamisha ifuku damuchitanu nachisatu, Isaka wavweli #Kutach 25:26Yakoba, Yakoba wavweli #Kutach 29:31-35; 30:1-24; 35:16-18, 23-26ankakulula ikumi nayedi (12).

9Owu ankakulula amutiyilili Yosefu ichima, #Kutach 37:28; 45:4hiyakumulandisha kudi antu, amutweli muEjipitu. Ilaŋa #Kutach 39:2-3, 21Nzambi wadiŋi nindi,

10hakumupulwisha kumakabi indi ejima. Hemeniyi kumesu amwanta waEjipitu Fwaro, Nzambi hakumutiyisha Fwaro kuwaha nayena namaanindi; yena hakumubalumuna kwikala #Kutach 41:40-46; Mas 105:21nyuuli yaEjipitu, nimukwakuhemba itala dindi dejima.

11Henohu mumpata yaEjipitu yejima nimuKenani, himukuholoka #Kutach 41:54-55; 42:5nzala; hiyakumona yihuŋu yayeni; ankakulula jetu hiyamweni yakudyaku.

12 # Kutach 42:2 Yakoba, chanatiyiyi nawu kuEjipitu kudi tidiku, hakutemeshaku ankakulula jetu ipampa dakusambila.

13Chayiluwu kamuchiyedi Yosefu #Kutach 45:1-4hakudimwekesha kudi anakwindi; nimunza windi awiluka nikudi Fwaro.

14Yosefu hakutemesha nakutambika #Kutach 45:9-10tata yindi Yakoba, #Kutach 46:26-27niantaŋa jindi #Kwi 1:5; Kuhit 10:22ejima, antu makumi atanu nayedi natanu (75).

15Yakoba hakukunkumukila muEjipitu. #Kutach 49:33; Kwi 1:6Hakufwa niyena niankakulula jetu.

16Hiyakuyitwala kuShekemi nakuyikamika mwijamu #Kutach 23:16; 33:19; 50:13; Yosh 24:32dalandiliyi Abarahama nawuseya wasiliva kudi anyana kaHamori muShekemi.

17Chelili mwaka wamukaninuwu Abarahama kudi Nzambi hiwukuya nakushika, antu hiyakusweja #Kwi 1:7-8kuvula nankashi muEjipitu.

18MuEjipitu muswana nimwanta wacheŋi wabulili kwiluka Yosefu.

19Mwantowu hakukwatila munza wetu maana, #Kwi 1:9-11, 15-22hakukoŋa ankakulula jetu chatama, hiyakuyikanjikija kunata anyikeki jawu, kulonda abuli kuhanda.

20Wena mwakowu diwu #Kwi 2:2wavwalikiliyi Mosi, Nzambi hakumumona himwana walubanji; hiyakumulelela mwitala datata yindi tukweji tusatu.

21Chamushiluwu mukaloŋa, #Kwi 2:5-6, 10mwana kaFwaro wamumbanda hakumunona, hakumulela neyi mwanindi wakudivwela.

22Hiyakumutaŋisha Mosi mwaya maana amuEjipitu ejima; hakusweja ŋovu nikumazu indi nikunyidimu yindi.

23Chashikiliyi Mosi munyaka makumi awana (40), mumuchima windi himukwinza jakuya #Kwi 2:11-12nakuhempula anakwindi aIsarela.

24Chanamoniyi mwinawu wumu hiyakumukoŋa chatama, hakumwamwina, hakumutenda owu akabishiluwu, hakujaha owu kaEjipitu.

25Watoŋojokeli nindi anakwindi akwiluka chakuyamwinawu kudi Nzambi nachikasa chindi yena, ilaŋa wena kuchiluka nehi.

26Chikunachi, hakuyiwana adi #Kwi 2:13-14nakulwisha mulwawu, yena hakukeŋa kuyihumaŋesha cheŋi nindi, Enu akwetu, ivumu denu dimu, muloŋanyi mudi nakudikoŋela chatama chochichi?

27Owu wamukoŋeli mukwawu chatama hakumushinjika Mosi nindi,

Nakwilishi mulopu wetu ninsompeshi yetu hinyi?

28Keŋa wunjahi neyi chiwajaha ona kaEjipitu haloshi, tahindi?

29Mosi chanatiyiyi izu odu #Kwi 2:15, 22hakutemuka, hakushakama mwituŋa dakuMidiyani, hakuvwelaku anyana amayala ayedi.

30Chinamani nyaka makumi awana (40), #Kwi 3:1-10kaŋelu hakumwekana kudi yena muchinkalampata chakumpidi yaSinayi, mumuzuzu wakesi muchiputa.

31Mosi chanachimoniyi, hakuhayama; hakwinza nakuswila kwakwihi, nindi atali.

32Hikukutiyakana izu daMWANTA nindi,

# Kwi 3:6 Ami Yami Nzambi yawankakulula jeyi,

Nzambi yaAbarahama, niyaIsaka, niyaYakoba.

Mosi hakuzaala woma, nikutwesha kutalaku nehi.

33MWANTA hakumwila nindi,

Subulaku nkwabilu jidi kunyendu yeyi, muloŋa hiwunemani hiiseki dajila.

34Chalala namoni chadi nakukabishawu antu ami adi muEjipitu, natiyi chakwabawu; nasuluki dehi niyipulwishi. Dichi nakeŋi kukutemesha muEjipitu.

35Yowu Mosi alekeluwu nawu,

# v27 Nakwinki mudimu wakutuyuula hela kutusompesha hinyi?

diyi atemesheluwu kudi Nzambi ekali nyuuli ninkuuli, nachikasa chayenowu kaŋelu wamwekeni kudi yena muchiputa.

36Diyi muntu #Kwi 12:41; 33:1wayifumishili muEjipitu chanakoŋiyi yihayamisha nayinjikijilu, nimuEjipitu, #Kwi 14:21nimuKaluŋalwiji Kachinana, nimuchinkalampata, #Kuch 14:33; Mas 95:8-10nyaka makumi awana (40).

37Yeniwu diyi Mosi wayilili anyana kaIsarela nindi,

# Kuhit 18:15, 18 Nzambi wakayimwekeshela Kaprofwetu wahadi anakwenu neyi ami.

38Diyi wadiŋi muchipompelu chamuchinkalampata, hamu nanowu kaŋelu wahosheli nayena kumpidi yaSinayi, ninawankakulula jetu; diyi watambwili #Kuhit 32:47; Rom 3:2; Heb 4:12; 1 Pet 4:11mazu amomi atutaŋishi etu.

39Yowu alekeluwu ankakulula jetu nawu etu kumwovwahila kwonti kwetu; hiyakumushinjika nawu tufumi; nyichima yawu #Kuch 14:3-4hiyikufunta cheŋi kuEjipitu.

40Hiyakumwila Aroni nawu,

# Kwi 32:1, 4, 6, 23 Wutwilili anzambi kulonda atwaminini kutukuyetu;

Yeniwu Mosi, watufumishili mwituŋa daEjipitu,

Hituneluki kwanayiyuku.

41Wena mafuku owu hiyakwila mwana kaŋombi, hiyakuketwila yenowu nkishi chimuna, hiyakuzaŋalala nanyidimu #Chim 9:20yakumakasawu.

42Nzambi hakubalumuka, hakuyileka kwindi, nindi apeshaŋa yileŋaleŋa yamwiwulu; neyi chasonekeluwu mumukanda wawatuprofwetu nawu,

# Amosa 5:25-27 Enu akwamutaŋa waIsarela, yami komana mwaketwililaŋa yimuna,

Mwaletelelaŋa nyilambu nyaka makumi awana (40) muna muchinkalampata tahindi?

43Mwanyamwini tabanaka yaMoleki, nikukatumbwa kamukishi Refwana,

Diyi yuma mwalumbishili kulonda kudifukula kudi wena,

Ami nakayitwala kwakubadika Babiloni.

44Ankakulula jetu adiŋi naTabanaka yawunsahu omu muchinkalampata, #Kwi 25:8-9; 38:21yamukunjikiluwu Mosi kudi owu wahoshelaŋa nindi, hakumuleja nindi akatuŋi mwaya chifwikija chanamoniyi.

45Tabanaka yaleteluwu kudi ankakulula jetu nawa, #Yosh 3:14-17; 18:1heŋililuwu hamu naYoshuwa nakutambula ituŋa dawaJentili atemwiniyi Nzambi kúkuya ankakulula jetu, ndo-o nikumafuku aDavidi, ámwenuwu kuwaha kudi Nzambi.

46Yowu walombeli kumutuŋila Nzambi yaYakoba hakushakama.

47Ilaŋa #1 Anya 8:17-20Solomoni diyi wamutuŋilili itala.

48Hela chochu, Mukwakubadika hashakamaŋa mwakutuŋa namakasa awantuku;

49mwomwaneliyi kaprofwetu nindi,

# Isa 66:1-2 Iwulu hiitanda dami dawanta,

Iseki hiitanda dakunyendu yami.

MWANTA nindi, Indi itala mukuntuŋilami kulonda nimoni mwakunookela, dishika hadihi?

50Yuma yejimiyi hiyayituŋili kudami nachikasa chamuku?

51Enu #Kwi 32:9; 33:3, 5mwachinchika! Enu #Lev 26:41; Yer 9:26ayidima munyichima namatu! Yenu #Isa 63:10mwadikaŋaŋa naSpiritu Wajila mafuku ejima. Chelilaŋa ankakulula jenu, dichi chimwelaŋa ninenu.

52Kaprofwetu wumwodihi abulili kukabishawu kudi #2 Kush 36:15-16; Mat 23:31, 37ankakulula jenu? Ajahili wena ayilejelaŋahu dehi chakenzayi Mukwakuloŋa; yenowu, yenu mwabalumukili kwikala akwakumufukeja, niambanji akumujaha.

53Enu mwatambwili nshimbi yayileteleluwu kudi #Ŋal 3:19; Heb 2:2aŋelu, enu kuyihemba nehi.

Kujaha Stefwanu namalola

54Wena chanatiyuwu mazu owu, chiyifutwisha nikunyichima, hiyakumusumaŋena kumaji.

55Ilaŋa yena, #2:4wenzala dehi naSpiritu Wajila, hakutala mwiwulu swi-i, hakumona lubanji lwakulema kwaNzambi, niYesu nemani #Mak 16:19kuchikasa chaNzambi chachidiilu.

56Nindi, Talenu, namoni mumawulu #Mat 3:16-17; Yow 1:51munenzuluki, niMwana kaMuntu nemani kuchikasa chaNzambi chachidiilu.

57Ilaŋa wena hiyakubidika naŋovu, hiyakusha nyinu mumatu awu, hiyakumulotokela namuchima wawu wumu hohu.

58Amukokela nihanzi yaŋanda, amwasa nimalola. #6:13; Kuhit 17:6-7Ayinsahu hiyakutenteka mahinawu kunyendu yamukwenzi weyala, ijina dindi Sawulu.

59Hiyakumwasola Stefwanu malola, iku wudi nakutambika nindi, Mwanta Yesu, atambuli spiritu yami.

60Hakufukama, hakubidika chakola nindi, Eyi Mwanta #Mat 5:44; Luk 23:34ayanakeni muloŋiwu. Chanahoshiyi mwenimu akama nitulu. #22:20Sawulu wadiŋi nakwiteja chanamujahuwu.

Currently Selected:

Yililu 7: MWW04

Highlight

Copy

Compare