Yililu 24

Filiksi hakusompa muloŋa waPawulu

1Chimunahiti mafuku atanu, kapristu muneni Ananiya hakushika nawakulumpi amu, niihaku dawu ijina dindi Teritulu. Hiyakumuleja nyuuli muloŋa waPawulu.

2Chanamutambikuwu Teritulu, yena hakutachika kushimuna muloŋa waPawulu. Nindi, Chiwunatushakamishi chachiwahi chamwena, niyuma yatama yayivulu yamwenaŋa munza wetu wunayololi dehi namaaneyi,

3twachitambulaŋa mafuku ejima mwejima, eyi Filiksi wasweja kulema nankashi, twasakililaŋa nankoshi jajivulu.

4Ilaŋa hinakeŋi mwani kukulabishaku, nakenda kakuzeyesha. Nikumini dakukulembelela wututiyi tumazu twanti naluwi lwambala wekala nalu.

5Iyaliwu tunamumoni hikavuba, wasaŋumunaŋa majita mwahita aYudeya mumpata yamunu mwishina yejima. Himukulumpi wawakwachaaku chawaNazareta.

6Yeniwu wadiŋi nakweseka nindi ajiloli Tembeli; tumukwata nikumukwata netu tumusompeshi mwaya nshimbi yetu.

7Ilaŋa mukulumpi muneni wamashidika Lisiya hakwinza nandombu yayeni, hakutwamukayi.

8Hakuleja etu tunamuholokeli, nindi twinzi kudeyi. Mwihuli tuhu eyi aweni, wiluki chachiwahi mwejima mutunamwinkeli nyiloŋa.

9AYudeya niwena hiyakukoleshamu nawu chalala kwaamu.

10Nyuuli chanamulejiyi nachikasa nindi ahoshi, Pawulu hakwakula nindi, Chineluki nami eyi wunasompeshi dehi munza wetu nyaka yayivulu, dichi natiyi kuwaha kudihakwila.

11Eyi aweni wukushinshika tuhu chinayili kuYerusalema nakudifukula kudi Nzambi, kanda muhiti nimafuku ikumi nayedi (12).

12Hiyanweni muTembeli nakutadika namuntu niwumuku; hela kuvulumuna ipumba mumashikola aweni, hela tuhu muŋanda nehi.

13Hiyakutwesha kunhisha nayuma yananholokeluwuku.

14Hela chochu, nukwiteja tuhu kudeyi nami nakalakelaŋa Nzambi yawankakulula jetu mwaya chaaku chatenaŋawu nawu #9:2Njila; netiyaŋa yuma yejima mwaya nshimbi, niyanasonekuwu atuprofwetu.

15Namukuhwelelaŋa Nzambi mwomwakuhwelelaŋawu niwena nawa, nami kwamba kekala #Dan 12:2; Yow 11:24-25kusaŋuka kwawaloŋa nikwawabula kuloŋa.

16Chinachiŋejaŋa mwenimu nadikwatishaŋa nankashi, kulonda nidimoni nawa, nami kudi Nzambi nikudi antu nabuli muloŋa mafuku ejima.

17Dichi dinu chiyahitili nyaka yayivulu, chinadiŋi nakuletela akwetu akwamunza wami #Rom 15:25-28; 1 Kor 16:1-4yamukunkulu, nikulambula Nzambi,

18aYudeya akuAsiya hiyakunwana nadijilika dehi muTembeli, chakadi izaza hela tuhu ipumba.

19Wenowu diwu ateji kwinza kunu nakunholokela kudeyi, neyi akweti nsaŋu nanami.

20Hela wenowu ashimuni tuhu chuma chatama chamwenuwu chinemani muchota;

21kwiji dodizu dinemeni nakubidika naŋovu mukachi kawu nami, Mudi nakunsompesha lelu nsaŋu yakusaŋuka kwawafu.

22Filiksi, nanochu chelukayi dehi nsaŋu yaNjila chakashinshi, hakuhachika nsaŋu nindi, Chakenzayi mukulumpi muneni wamashidika Lisiya, nakasompa nsaŋu yenu.

23Hakumuleja mukulumpi wamashidika kumuhemba chachiwahi mukaleya chakadi kumukabisha; nindi bayi alekesha amabwambu jindi kwinza nakumukalakelaku.

24Chimunahiti mafuku amakwawu, Filiksi hakwinza naŋodindi Drusila, yena nawa hikaYudeya, hakutambika Pawulu, hakumutiya chakushimunayi nsaŋu yindi yakukuhwelela Kristu Yesu.

25 # Yow 16:8-11; Tit 2:12 Chashimwiniyi jakuloŋa, #Ŋal 5:23; 2 Pet 1:6nijakudihemba, nijakusompa kwamba kenza, Filiksi hakuzaala woma; hakwakula nindi, Lelu yaŋa kweyi; neyi namoni hahawahi nakakutambika.

26Hakukuhwelela nindi akumwinka mali kudi Pawulu; dihu hafuminaŋa kumutambika nakuhanjika nindi hanti nahanti.

27Chimunahiti nyaka yiyedi, Filiksi hiyakumuswana kudi Porokiwu Festusi. Chakeŋeliyi Filiksi kutiyisha aYudeya kuwaha, hakumulekela Pawulu mukaleya.

Currently Selected:

Yililu 24: MWW04

Highlight

Copy

Compare