Yililu 23

1Pawulu hakushinshika akwachota swi-i nindi, Enu anakwami, ami nendi kumesu aNzambi #24:16; 2 Kor 1:12; 2 Tim 1:3nachinleji chamuchima chachiwahi hohu, kushika nikwifuku dalelu.

2Kapristu muneni Ananiya hakuyila antu emeni kwadiŋiyi, nindi amweti kukanwa.

3Pawulu hakumwila nindi, Nzambi wakakweteyi, yeyi mbaŋu yakupembeja! Eyi wushakami nakunsompesha mwaya #Lev 19:15; Yow 7:51nshimbi, wuleji antu neyi mwetenu, chakumotoka nshimbi?

4Antu emenuku hiyakumwila nawu, Wutuki kapristu muneni wambala waNzambi?

5Pawulu nindi, Enu anakwetu, hinamwiluki nami diyi kapristu munenuku. Muloŋa anasoneki nawu,

# Kwi 22:28 Kutena nyuuli yawantu enu chatama, chinjila.

6Pawulu chanelukiyi nindi komana aneli awa #Mat 22:23aSadusi, awa #26:5; Fwi 3:6aFwarisewu, hakubidika mwenomu muchota nindi, Enu anakwetu, ami nikaFwarisewu, nimwana kawaFwarisewu! Nsaŋu yadi nakunsompeshelawu yoyakuchiŋeja kusaŋuka kwamba kasaŋuka afu.

7Chanahoshiyi chochochu, aFwarisewu nawaSadusi hiyakuvwakuka ntadi, nichota chambuka nihakachi.

8Muloŋa aSadusi elaŋa nawu hikwekala kusaŋukaku; nawu hikwekala hela kaŋelu, hela spirituku. Hakwinza aFwarisewu etiyaŋa mwejima.

9Henohu avwakuka niipumba fwi-i. Ansoneki jawaFwarisewu hiyakwimana, hiyakuzuwa nawu, Iwu muntu hitunamumoni nachuma chatamaku. Kwiji kaŋelu diyi nahoshi nayena, indi kwiji spiritu.

10Chihanamwekani ndombu yasweja, mukulumpi muneni wamashidika hakwakama nindi keŋa amusansoli Pawulu. Hakuleja mashidika nindi, Kunkumukenu mumwamuki naŋovu mukachi kawu, mumuleti mwitala denu.

11Wufuku walondeluku, Mwanta Yesu hakwimana kwadiŋi Pawulu, hakumwila nindi, Tiyaku kuwaha; muloŋa chiwunanshimuni wunsahu muYerusalema, dichi wamba kashimuna nikuRoma nawa.

Mpúŋa yakumujaha Pawulu

12Chikunachi, aYudeya hiyakudipompesha, hiyakusanyika naŋovu nawu, Etu kudya hela kunwa chiŋa tunajahi Pawulu.

13Wenawa ashakamini hampúŋoyu adiŋi abadika makumi awana (40).

14Hiyakuya kudi akulumpi jawatupristu nikudi akulumpi, hiyakuyila nawu, Tunasanyiki dehi kusanyika kwakudishiŋa netu, Etu kutompa kudya chiŋa tunasambili dehi kujaha Pawulu.

15Dichi dinu enu niakwachota, mumulejaŋa mukulumpi muneni wamashidika nenu akenzi naPawulu kudenu kumadiki; chidi neyi munakeŋi kwihula nsaŋu yindi chakashinshi. Etu twakela kanda tuhu aswili nikwakwihi, mwaka twamujaha dehi.

16Komana mwiha kaPawulu chanatiyiyi chakukeŋa kumubelaminawu, hakwiŋila mwitala damashidika nakumuleja Pawulu.

17Pawulu hakutambika mukulumpi wumu wamashidika nindi, Mutwali iwu mukwenzi kudi mukulumpi muneni wamashidika; wukweti kansaŋu kakukeŋa kumulejayi.

18Dichi hakumutwala nakumushikija kudi mukulumpi muneni wamashidika. Hakumwila nindi, Pawulu, muntu wamukaleya, nantambiki, naŋili nindi nikuleteli iwu mukwenzi, wukweti kansaŋu kakukeŋa kukulejayi.

19Mukulumpi muneni wamashidika hakumukwata kuchikasa, hakuya nindi hambadi. Hakumwihula kwakankawawu nindi, Wudi nansaŋwinyi yiwukukeŋa kunleja?

20Hakumuleja nindi, AYudeya anatiyaŋani kukulomba nawu wakakunkumuki naPawulu kuchota kumadiki, chidi neyi anakeŋi kwihula nsaŋu yindi chakashinshi.

21Hakwila eyi bayi wuyitejaku, muloŋa kunamubelamini dehi amayala akubadika makumi awana (40); anadishiŋi nawu, kudya hela kunwa chiŋa tunamujahi dehi. Chitudi nakuhosha ichi anabatami dehi, adi nakutalila chimukukeŋa kudikana nawu.

22Mukulumpi muneni wamashidika hakufuntisha yenowu mukwenzi, hakumwila nindi, Yaŋa kweyi; ichi chiwunanleji, bayi wulejamu muntu niwumuku.

Kumutwala Pawulu kuKesareya

23Hakutambika akulumpi ayedi amashidika nindi, Loŋeshenu mashidika nkulakaji jiyedi (200), niakwatuwalu makumi atanu nayedi (70), niakwamayoŋa nkulakaji jiyedi (200), akayi kuKesareya; akanyamuki mpinji yawufuku yamuchisatu (21:00 hrs).

24Nindi, Mukeŋa nianyama akwendela, mushuhu Pawulu, akamutwali chachiwahi kudi nyuuli Filiksi.

25Hakusoneka mukanda wakwila nindi,

26Ami Kaludusa Lisiya,

Nidi nakusoneka mukanda weyi eyi nyuuli Filiksi walema nankashi.

Tunayimushi mwani.

27Yeniwu iyala amukwatili kudi aYudeya, akeŋeli kumujaha; hinukuyikasumwisha namashidika, hinukumupulwisha, muloŋa natiya nawu hikaRoma.

28Chinakeŋeli kwiluka muloŋa wanamwinkuwu, hinukumukunkumwisha kuchota chawu.

29Kutiya komana anamwinki muloŋa wansaŋu janshimbi jawu, #25:25; 26:31; 28:18himuloŋa wakutela kufwa hela kumukasaku.

30Chananlejuwu nawu anamushakamini muntu iwu hampúŋa, hinukunyakala kumutemesha kudeyi, hinukuleja ánamuholokeli nami akenzi nakumuholokela kudeyi.

Shalenu chachiwahi.

31Dichi mashidika hiyakwila mwayilejeluwu, hiyakumutambula Pawulu nakumutwala kuAntipatira nawufuku.

32Chikunachi, hiyakumushiya nawakwatuwalu; wena hiyakufunta kwitala damashidika.

33Chanashikuwu kuKesareya, hiyakumwinka nyuuli mukanda, ashikija niPawulu kudi yena.

34Chanawutaŋiyi hakwihula nindi, Himuntu wakwiluŋanyi?

35Chanelukiyi nindi himuntu wakuSilisiya, hakwila nindi, Nakatiya nsaŋu yeyi chachiwahi chakenzawu anakuholokeli. Hakuleja mashidika nindi muhembenu mwitala daHerodi dawanta.

Currently Selected:

Yililu 23: MWW04

Highlight

Copy

Compare