Yililu 17
17
KuTesalonika
1Chanapandakanuwu muAmfwipoli nimuApoloniya, ashika #Fwi 4:16nikuTesalonika kwadiŋi shikola yawaYudeya.
2Pawulu hakwiŋilamu neyi chelilaŋayi dikalu, hakudihujola nawu mwomwaya nyikanda yajila, Sabata jisatu.
3Hakuyilumbulwila nakukolesha chikupu nindi, Chalala chateleleli Kristu kukaba nakusaŋuka mudi afu; nindi, Iwu Yesu inidi nakuyishimwina, diyi Kristu.
4Amakwawu hiyakwiteja, hiyakudibomba nawaPawulu naSilasi, niaGriki akwakuhameka Nzambi izaza dadeni, niambanda alema amavulu.
5Ilaŋa aYudeya, anatiyi dehi ichima, hiyakufumba amayala atama ayiluwaŋimbi, hiyakupompesha izaza dawantu, avwakula niipumba mwahita ŋanda yejima. Hiyakulotokela kwitala daYasoni, hiyakukeŋa nawu ayiidishi kudi antu.
6Chanakaŋanyuwu kuyiwana, hiyakukokela Yasoni nianakwetu amakwawu kumesu awanyuuli jaŋanda, nakubideka naŋovu nawu, Wenawa hiyatuvuba anavunduli mpata yamunu mwishina yejima, anenzi nikunu nawa;
7anayitambuli kudi Yasoni. Wejima wawu hiyovwahilaŋa nshimbi jaKesaruku, elaŋa nawu kudi mwanta wankanu wacheŋi, yowu Yesu.
8Izaza dawantu nianyuuli jaŋanda, chanatiyuwu yumiyi, kutiyakana niipumba dandombu.
9Chanatambuluwu kapopu kudi Yasoni nawakwawu, hiyakuyumbaku nawu ayi.
KuBereya
10Hohenohu anakwetu hiyakutemesha aPawulu naSilasi kuBereya nawufuku. Chanashikuwu, hiyakwiŋila mushikola yawaYudeya.
11AYudeya akwenoku hiyakubadika amuTesalonika kalemesha, muloŋa wena anyakeli kutambula izu daNzambi; hiyakutalatala munyikanda yajila hefuku hefuku, amoni neyi yumiyi dimu yaya.
12Dichi amavulu hiyakukuhwelela; niambanda aGriki alumbwa amavulu, niamayala amavulu nawa.
13Ilaŋa aYudeya akuTesalonika, chanelukuwu nawu Pawulu nashimuni dehi izu daNzambi muBereya nawa, hiyakuya kwenoku nakuyibobwesha, kulonda afutwishi nyichima yezaza dawantu.
14Anakwetu atemesha niPawulu hohenohu, ayi akashikaŋahu dehi kukaluŋalwiji; aSilasi naTimotewu hiyakushala kwenoku.
15Antu amutweleluku Pawulu hiyakumushikija kuAtenisi. Chanayilejiyi nindi aSilasi naTimotewu akanyakali kwinza, hiyakufunta.
KuAtenisi
16Pawulu chadiŋi nakuyichiŋililayi kuAtenisi, spiritu yindi hiyikutiya chikela, chanamoniyi ŋanda yejima yinenzali ankishi to-o.
17Dichi hakudihujola nikutadikaŋa mushikola nawaYudeya nawakwakudifukula kudi Nzambi; nikuwulandilwilu nawantu akudimonayi nawu, hefuku hefuku.
18AEpikureya nawaSitoki amakwawu adiŋi akwakukeŋakeŋa kwiluka #1 Kor 1:20-21; 4:10maana, hiyakumubulakana. Amakwawu hiyakwila nawu, Iwu Sakubobola keŋa ahoshi nindidi? Amakwawu nawu, Kwiji hakushimuna akishi akwituŋa dacheŋi; nanochu chadiŋi nakushimunayi Yesu, nikusaŋuka mudi afu.
19Hiyakumukwata kuchikasa, hiyakuya nindi hampidi yaMarasa; hiyakumwila nawu, Iyi nsaŋu yayiha yiwudi nakushimuna, etu nawa tukutwesha kuyiluka, tahindi?
20Wunaleti nsaŋu yacheŋi kumatu etu; dichi tunakeŋi twiluki nsaŋu iyi.
21AkwaAtenisi ejima, hela enyi, hiyelili chuma chacheŋuku, akuminini dakushimuna hela kutiya chuma chachiha hohu.
22Dichi Pawulu hakwimana hakachi kawu hampidi yaMarasa, hakwila nindi, Enu akwetu amayala akwaAtenisi, namoni mwasweja kukeŋa kupeshapesha.
23Muloŋa chinadiŋi nakuhitahita hinukumona yuma yimwapeshaŋa; hinukuwana nawa kameŋa kakusoneka nawu,
KAMEŊA KANZAMBI WAKADI KWILUKEWA.
Dichi yeniwu mwapeshaŋa chakuyamba, diyi nukuyishimwina.
24Yowu Nzambi #Isa 42:5waleŋeli mpata yamunu mwishina niyuma yejima yidumu, diyi #Kuhit 10:14; Mat 11:25Mwanta wamwiwulu niweseki. Hashakamaŋa kwindi mumatembeli akutuŋa namakasa awantuku;
25hela #Mas 50:10-12kumukalakela hiyamukalakelaŋa namakasa awantu, mwaka eli nindi nakeŋi chumaku. Muloŋa yena diyi wenkaŋa antu wumi nimuuya niyuma yejima.
26Wafumishili kudi #Mal 2:10muntu wumu nyunza yawantu ejima, kulonda ashakami heseki dejima. Hakuyitoŋwela yilaaka yawu, #Kuhit 32:8niŋinza jawu mwakushakaminawu.
27Nindi akakeŋakeŋi Nzambi, hamwaha akamupapata, akamuwana; kutoŋa yena hekala kwakulehi nanetu ejimaku.
28Muloŋa mudi yena dimu #Yoba 12:10; Dan 5:23mutwahandilaŋa, dimu mutwendelaŋa, dimu mutwekalilaŋa. Mwomwaneluwu akwakusoneka enwenu aweni amakwawu nawu, Twafuma kudi yena.
29Ichi dinu chituneli twafuma kudi Nzambi, #Isa 40:18-26wuNzambi hitwadi kuwutoŋojoka netu wudi neyi wuru indi kwiji siliva, indi kwiji ilola dabazaŋawu nawukalawenu wamaana amuntuku.
30Nzambi #14:16wadiwili oyu nyaka yakuyamba; hakwinza katataka naleji antu ejima kwejima kwejima, nindi abalumuki munyichima.
31Muloŋa nashumu dehi ifuku damba #Mas 96:13; 98:9; Yow 5:22, 27kasompeshayi matuŋa mwaloŋa, neyala anafuukuliyi dehi. Mwenomu nakoleshumu dehi kudi antu ejima, nanochu chanamusaŋuliyi mudi afu.
32Dichi wena chanatiyuwu nsaŋu yakusaŋuka mukufwa, amakwawu hiyakuseha; hakwila amakwawu nawu, Tunakeŋi kutiya cheŋi nsaŋu iyi.
33Dichi Pawulu hakufuma mukachi kawu.
34Amayala amakwawu hiyakumukakela, hiyakukuhwelela; adiŋi iwu Diyonisi mukwampidi yaMarasa, nimumbanda wumu ijina dindi Damarisi, hamu nawamakwawu nawa.
Currently Selected:
Yililu 17: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
