Yililu 16
16
Timotewu hakudibomba naPawulu niSilasi
1Hakushika kuDeribi nikuListira. Kutala kudi kambanji wumu kwenoku, ijina dindi #17:14-15; Fwi 2:19-20; Heb 13:23Timotewu, #2 Tim 1:5; 3:15mwana kamumbanda wakaYudeya mukwakukuhwelela; hakwila tata yindi wadiŋi kaGriki.
2Himuntu ahamekawu kudi anakwindi adiŋi kuListira nakuIkoniyumu.
3Hiyakumukeŋa kudi Pawulu nindi ayaŋa nindi. Chanamutambuliyi #Ŋal 2:3hakumwalamisha, muloŋa waakamini aYudeya adiŋi munyikala yakwenoku, muloŋa antu ejima eluka dehi nawu tata yindi kaGriki.
4Chayilaŋawu nakuhitahita munyikala, hiyakuyilejaleja yijila yayilejeluwu kudi apostolu nawakulumpi kuYerusalema, nawu ayovwahili.
5Yipompelu hiyikudikolesha muchikuhwelelu, akwakukuhwelela hiyakuya nakuvula hefuku hefuku.
Kutambika Pawulu kuMasidoniya
6Hiyakupandakana kuFwirijiya nakuŊalija, muloŋa Spiritu Wajila wayilekesha dehi kushimuna izu daNzambi muAsiya.
7Chanashikuwu kuŋinza yaMisiya, nawu eseki kuya kuBitiniya, #Rom 8:9; Ŋal 4:6; Fwi 1:19; 1 Pet 1:11Spiritu waYesu kuyiteja nehi.
8Hiyakupandakana Misiya, akunkumukila nikuTirowasi.
9Pawulu hakumona chimwenu nawufuku; hakumona iyala wakuMasidoniya, nemani nakumulembelela nindi, Zambukilaku kunu kuMasidoniya, wutukwashuku.
10Chanamoniyi chimwenu ochu, hohenohu tukeŋa nikuya kuMasidoniya, tuneluki dehi netu Nzambi natutambiki, kulonda twakashimuni nsaŋu yayiwahi kudi antu akwenoku.
Kukuhwelela kwaLidiya
11Dichi hitukufuma kuTirowasi muwatu, twimakana nzwa-a nikuSamotirasi; chikunachi tushika nikuNeyapoli.
12Tufuma nikwenoku tuya #20:6; Fwi 1:1; 1 Tes 2:2nikuFwilipi, yoyiŋanda yamuMasidoniya yalema, mwatuŋishawu dehi aRoma mashidikawu. Hitukulabila muŋandoyu mafuku amakwawu.
13Hitukwidika kuchisu chamuŋanda haSabata, hitukuya kuchikumu chakaloŋa, kutwatoŋojokeli netu kwiji diku kwapompelaŋawu nakulombela. Hitukushakama nakuhoshahosha nawambanda apompeli kwenoku.
14Mumbanda wumu, ijina dindi Lidiya, wakumukala waTiyatira, mukwakulandisha mahina awusombu, mukwakuhameka Nzambi, hakututiya. Mwanta hakwenzulula mumuchima windi, kulonda atambuli nsaŋu yakuhoshayi Pawulu.
15Chanamujimikuwu niyena niakwetala dindi, hakutulembelela nindi, Neyi munanmoni nenu namukuhweleli Mwanta, iŋilenu mwitala dami tushakami nenu. Hakutushinjila chakutushinjila.
Pawulu niSilasi mukaleya
16Chelili hitukuya kwalombelelaŋawu, hiyakutubulakana kudi chaŋadima chamumbanda, wadiŋi #Lev 19:31; 20:6, 27; 1 Kush 10:13-14naspiritu yakuhoŋa, ŋombu yindi diyi yaheteshaŋayi nachu anyanta jindi.
17Yenowu hakulondaŋa Pawulu nanetu nakubidika nindi, Awa amayala hiyaŋamba jaNzambi Mukwakubadika, hiyakuyishimwina njila yakuhandila.
18Hakwilaŋa mwenimu mwahita mafuku amavulu. Ilaŋa Pawulu hakutiya kumuchima bwi-i; hakushetumuka nakumwila owu spiritu nindi, Nakuleji mwijina daYesu Kristu, nami mufumi. Amufuma nihohenohu.
19Anyanta jindi, chanamonuwu mwakuhwelelaŋawu kuheta munakumi dehi, hiyakukwata aPawulu naSilasi, hiyakuyikokela kuwulandilu, kumesu awanyuuli.
20Chanayitwaluwu kudi ansompeshi, hiyakwila nawu, AYudeya awa hiyatuvuba adi nakukabisha nankashi ŋanda yetu.
21Hiyakututaŋisha yaaku, kuyitambula hela kuyovwahila kudetu aRoma chinjila.
22Izaza hidikuyilundumukila nandombu, ansompeshi hiyakuyitabwila mahinawu, hiyakuleja mashidika nawu yetenu #2 Kor 11:25natubama.
23Chanayetuwu tubama twatuvulu hiyakuyinatila mukaleya; hiyakuleja mukwakuhemba kaleya, nawu ayihembi chachiwahi.
24Yena chanamulejuwu ochu, hakuyishinjikila mukatala kamukachi kakaleya, hakupata nyendu yawu mumpompa.
25Ilaŋa mukachi kawufuku, aPawulu naSilasi adiŋi nakulombela nakwimbila Nzambi tumina, iku antu amukaleya enda ayitiya.
26Kukasumuka himutentanshi waweni; chikuku chetala dakaleya hichikutenta nte-nte, yenzelu yejima yenzuluka nihohenohu, maleŋi awantu ejima amukaleya asubuka nikusubuka.
27Mukwakuhemba kaleya hakubazumuka mutulu, hakumona kuyenzelu yakaleya kwachashi; hakuhola mpoku yindi yakabali, nindi adijahi, muloŋa natoŋojoki nindi antu amukaleya anatemuki dehi.
28Ilaŋa Pawulu hakubidika nezu daŋovu nindi, Bayi wudikatishaku, yetu awa wejima wetu.
29Mukwakuhemba kaleya hakutambika antu aleti yimunyi, hakukilukilamu, iku wudi nakuzaala woma, hakudinata heseki kunyendu yaPawulu naSilasi.
30Hakuyiidishamu nindi, Enu anyanta, #2:37nukwila ŋahi namwinewi?
31Wena nawu, Mukuhweleli Mwanta Yesu, wamwinewi, nineyi niakwetala deyi.
32Hiyakushimwina yena, niantu ejima amwitala dindi, izu daMwanta.
33Yena hakuyitwala yoyena mpinji yawufuku oyu, hakukosakosa nyinkakambu yawu; amujimika niyena niayindi ejima hohenohu.
34Hakuyiŋija mwitala dindi, hakuyitentekela yakudya. Hakuzaŋalala nankashi chanakuhweleliyi Nzambi niayindi ejima.
35Chelili kunachi dehi, ansompeshi hiyakutemesha anhembi, nawu, Yilekenu amayala ayi tuhu.
36Mukwakuhemba kaleya hakulejamu Pawulu, nindi, Ansompeshi anatemeshi izu dakwila nawu, Yenu. Dichi dinu fumenumu muyi chachiwahi.
37Ilaŋa Pawulu hakuyila nindi, Kutweta anatweteli hatooka chakadi kutuhisha, kutoŋa etu tuyaRoma; hiyakutunatila mukaleya, atufumishumu kumbadi? #22:25-29Chinjila! Enzaŋa kwawu awenawu atufumishumu.
38Anhembi hiyakuleja ansompeshi mazu awa. Chanatiyuwu nawu hiyaRoma, atiya niwoma.
39Hiyakwinza nakuyilembelela. Chanayifumishuwu hiyakulomba nawu, #Mat 8:34Fumenu mwani kuŋanda yetu.
40Hiyakufuma mukaleya hiyakuya kwaLidiya. Chanamonuwu anakwetu nakuyikundeja, hiyakufuma kwenoku.
Currently Selected:
Yililu 16: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
