Mt 18
18
Za a dañ beta môt éjôé ya yôp'
(Mk 9:33-37; Lk 9:46-48)
1Eyoñe be nga subu Yésus bebé a sili nye na: Za a dañe beta môt éjôé ya yôp' 2Yésus ve loon ôyôme mongô, a telé wô ézezañe jap, 3nye be na: Ma jô mia bebela na: Nge mi nji tyendé a bo ane ayôme bongô, mia ye bo te nyiin éjôé ya yôp. 4Nyô a ye ñhe suu émiene si ane ôyôme mongô, nye a dañe beta môt éjôé ya yôp. 5A nyô a nyoñe ôyôme mongô wua avale te a jôé dam, mamiene le a nyoñ. 6Ve nyô a kolé wua ya ayôme bone di da buni ma ôbak, da dañe nye mvaé na be tiñeti nye beta akok e *tyiñ a wua nye e mendim me mañ.
E mam me ne wo mvaé
(Mk 9:42-43; Lk 17:1-2)
7Bidim a émo ji amu mam ma kolé bôt abak. Mam ma kolé bôt abak me ne ane mam ma yiane fo'o kui; ve bidim a môt jam da kolé ôbak da so be nye. 8Nge akule wo dôé nge akule abo dôé da kolé wo ôbak, tyi'i de a wua de ôyap; amu e ne wo mvaé na ô nyiin ényiñ étune wo étun abo, nge na ô too éyem, a lôte na ô bili mekule me mo mebo nge mekule mebo mebaé ve ô viane wuaban e nduane ya nnôm éto. 9A nge dise dôé da bo wo na ô ku *mbek, va'a de a wua de ôyap; e ne wo mvaé na ô nyiin ényiñ ya melu mese dise da a lôte na ô ke ébé nduan a mise môé mebaé.
Ntômba ô nga jañ
(Lk 15:1-7)
10Taba'ane ntyele ya biasé wua ya ayôme bôte di. Amu ma kate mia na beéngele bap ya yôp, éyoñ ése, ba fombô asu Esaa wom a ne yôp. 11-12Mia yen aya? Nge môt a bili mintômba ntet, wua ya été ve jañ, ye a ye bo te li'i mi mewôm ébul a ébul mi e minkô a ke jeñe wu ô ne njañan' 13Nge a yene wô, ma jô mia bebela na a ye vak a wô a dañe mi mewôm ébul a ébul mi nga bo te jañ. 14Avale te nde nkômban ésoo wônan a ne yôp ô né na wua ya ayôme bôte di ô bo te jañ.
Nkobane mejô e zañe bebuni
15Nge monyoñ a bo wo *abé, kele liti nye nkobane wé mia nye bebaé. Nge a wô'ô wo, ô dutuya monyoñ a bo éñwôé. 16Nge a bo te wô'ô wo, nyoñe môte wua mfe nge bebaé éyoñe te ajô da ye kômban anyu bengaa bebaé nge belaa. 17Nge a bene wô'ô be, kate de keké; nge a bene fe wô'ô keké, a ntoo ve nyoñe nye ane mone bikuu nge *nyoñe toya. 18Ma jô mia bebela na: Mam mese mia ye tiñeti e *si nyô, ma ye bo ntiñetane yôp, a ma mia ye kuli *si nyô, ma ye bo nkulan e yôp. 19Ma beta jô mia nyaa njôane na: Nge bebaé ya be mia ba kui *tyiñ e *si nyô aval ajô ese, jam ba ye sili da ye kui be be e so'o be Esaa wom a ne e yôp. 20Yaa! Vôme bôte bebaé nge belaa ba sulan a jôé dam, me ne ézezañe jap.
Ma ye jamé biyoñ tañ aya'
(Lk 17:4)
21Eyoñe te Pierre a nga zu nye bebé a sili nye na: Mojañ a ye bo ma *abé biyoñe tañ aya me jamé'é nye? Ye biyoñe zamgbwa' 22Yésus a nga yalane nye na: Me nji jô wo na a kui biyoñe zamgbwa, ve na zangwale biyoñ mewôme zamgbwa. 23Ajô te éjôé ya yôp ja funane njô bôt éziñ nye a nga kômbô bo sito'o a bebo bisaé bé. 24Be nga taté zuu nye môt a nga bili nye mvôla betalañ toyini awôm. 25Amu a nji bi jôme ya bulane mvôla, nde masa a bendé na be kuan émien a ngal a bone bé a biôme bise a nga bili, asu ya ya'ane mvôla a nga bili. 26Ane mbo ésaé a nga ku mebo mé si, a kute meboñ a jô nye na: Tame jibi ma, a ma ye bulane wo mvôla ése 27amu mboone wu ô nga bi nye a kui biôme ya abum été, nde masa mbo ésaé nyô a tii nye ngata'a *a jamé nye mvôla jé. 28Eyoñe mbo ésaé nyô a kuiya atan, a nga tôban ébe mbo ésaé wé, nyô a nga bili nye bedenié ntet, nde a bi nye a miate nye *tyiñ a jô'ô na: Bula'an jôm ô bili ma. 29Eyoñ a kuya si, ébe mbo ésaé wé ate a nga ye'elane nye a jô'ô na: Jibi'i ma, ma ye ya'ane wo. 30Ve nye a nji kômbô, nde a nga futi nye *nda mimbôk akekui a maneya ya'ane nye mvôla jé. 31Eyoñe beébe bebo bisaé be yeneya jam é nga boban, be nga wô'ô ôlun abui a ke kañete masa wop ane mam me nga lôt. 32Nde masa wé a loone nye a jô nye na: A wo mbia mbo ésaé, me nga jamé wo mvôla jôé ése amu ô nga ye'elane ma; 33ngaa wo fe ô nga yiane ko ébe mbo ésaé wôé éngôngo ane ma fe me nga ko wo éngôngo' 34Masa wé ve zu wô'ô ôlun a kee nye e be minjenjet mi bôt akekui a mane ya'ane tañ ése a bili. 35Avale te fe Esaa wom a ne yôp a ye bo mia nge mi nji jamé môt ase monyañe wé, *njaman wo so nye *nlem.
Currently Selected:
Mt 18: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.