Mt 17
17
Yésus a veñesane nyôle jé
(Mk 9:2-9; Lk 9:28-36)
1E mvuse melu mesaman, Yésus a nga nyoñe Pierre, Yakob a Yôanes monyañe Yakob a kee be e nkôl ô ne ôyabe yôp be too ve be be. 2A nga veñesan ôsu viap a asu dé e nga faé ane jôp. Mengômesane mé ve zu bo éfumulu ane éfufup. 3Ateme na Môze a Elie be nga yené be be ba be Yésus be la'an. 4Pierre, ve nyoñe nkobô a jô Yésus na: A Nti! E ne mvaé na bi tabe va: nge wo kômbô, ma ye lôñe menda bindelé mebaé va, wo jia, Môze jia a Elie jia. 5A ngenan a kobô'ô nalé, ateme na *nkut wo ngemban ô nga buti be éjijine si, a *tyiñ é nga so *nkut été na: Nyôna a ne mone wom ma dañe nye'e me bili mevak a nye, vô'ôla'ane nye. 6Awô'ô beyé'é be nga wô'ô nalé, be nga ku mesu me butu si a dañe ko woñ. 7Nde Yésus a nga subu a nambe be a jô na: Kôla'ane si a te koone woñ. 8Eyoñe be nga bete mis, be nji fe yene môt, ve Yésus a too étam.
9Eyoñ be nga siliki nkô, Yésus a nga bendé be na be bo te kate môt jam ba te yen akekui éyoñe mona môt a wômôya miñwuan. 10Ane beyé'é bé be nga sili nye na: Amu jé *beyeme bekalate ba jô na Elie a yiane taté beta so' 11Nye be na: Elie a zu fo'o a a ye mane kôme mam mese. 12Ve mia ñhe ma kate na Elie a soya so, ve be nji kômbô yeme nye, be nga bo nye ane ba kômbô; nalé fe mona môt a yiane tôbane nju'u be be. 13Nde beyé'é be nga yeme na a nga kobô be ajô Yôanes Babtist.
Yésus a saé nkon ésesé
(Mk 9:14-29; Lk 9:37-43)
14Akui be kuiya vôme jama bôt a nga too nde môt éziñ a nga zu be nye a kute meboñe si ôsu vié 15a jô na: A Nti, koo monafame wom éngôngo, amu a kon ésesé a wô'ô fe mintaé abui, nalé a ne na biyoñ bi a ku e nduan a bivok a ku e mendim. 16Ma te liti nye beyé'é bôé, ve be nji kui na be saé nye. 17Yésus a nga yalan a jô na: A miaé bôt ô ne te mbunan a *abé, bia be mia bia ye tabe a kui éyoñ évé? Ma ye jibi mia a kui éyoñ évé? Za'ane ma nye vana. 18Ane Yésus a nga bamé wô a mbia *nsisim a nga kôlô be nye a mongô a nga bo *mvo'é awolo te ebien. 19Eyoñe be zuya nye bebé, nde beyé'é ba sili Yésus vôm étame na: Amu jé bi nga kate vaa wô' 20Yésus nye be na: Amu tyôtyoé mbunane jenan; ma jô mia bebela na: nge mi bili mbunan ve abime fes ôndôndôô, mia ye jô nkôle wuna na: Kôlô'ô va ô ke li, wô ve kôlô a teke jam mia ye kate bo.
Ba ye kuane mona môt
(Mk 9:30-32; Lk 9:43-45)
21-22Eyoñe te be bula'an e Galilé, Yésus a nga jô be na: Ba yiane ve mona môt e mo me bôt; 23a ba ye wôé nye, ve môse lale a ye wômô. Ajô te be nga dañe wô'ô ôlun.
Yésus ba Pierre ba ya'ane toya
24Eyoñe be keya kui Kapernawum, nde bôte ba *nyoñe toya be nga subu Pierre bebé a jô na: Ye masa wônan a nji ya'ane *toya ya *nda Zambe nga' 25Nye na: Yaa, a ya'an! Eyoñ a keya *nda, Yésus a zu tôbane nye a jô na: Wo yen aya a Simon? Bejô bôte ya *si nyô ba *nyoñe toya mevale meva e be beza? Ye e be bone bap, ye e be beyeñ' 26Pierre na: E be beyeñ; Yésus a nga jô nye na: Ke bone bap be ne ñhe fili te ya'ane nga' 27Ve asu ya bo te kolé be ôbak, kele kui e mañ, ô wua nnop a kos ja ye taté bili, nyoñe je ô kui je anyu, wo ye koone nsañ moné tañe betoya bebaé, nyoñe wô a ve be asu dam a asu dôé.
Currently Selected:
Mt 17: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.