Lv. 2
2
Mimvean ya Mefup
(Lv 6:7-11; 7:9-14; Nlb 15:4-10)
1Nge mveane môt éziñ ô ne jôme ya mefup, mveane te wo ye bo mbamba avut; a ye sôé mbon été yôp a meyemete m'élé ma nyume mvaé. 2A ye zuu avute te e be betuni, bone b'Aron; a ye jalé mbamba avut ate e wo wé été, mbon ô too nsôan été a meyemete m'élé ma nyume mvaé; *ntuni a ye di'i biôme bite bise ata'a metuna'a yôp, e too jame ya simesan. Ô ne mvean ya mefup wo di'ibane nduan, ô too mbamba menyum e be Nti. 3Jôm ja ye buk e mvean ôte ja ye bo asu Aron a bone bé; ngab ja dañ étyi e mimvean mia di'ibane nduan asu Nti nje le.
4Nge wo ve biôme ya mefub ñyaman e mbum été, wo yiane belan to'o mbamba avut to'o biwôlé bi ne te mvusan, mfu'an a mbon, nalé fe biwôlé bi n'ékekep bi too te mvusan ve mbon ô too été.
5Nge mveane wôé wo so mefup, ñyañane fulafan, mveane te wo ye bo mbamba avut, mfu'an a mbon, mvusu momo été, 6wo ye be'e wô bifuse bifus, a sôé mbon été: ô ne mveane ya mefup.
7Nge mveane ya mefube wôé ô ne ñyaman étañ étyé yôp, mveane te wo ye bo mbamba avut mfu'an a mbon.
8Wo ye zuu mveane ya mefub ôte ô ne mboon a biôm bite e be Nti, wo ye zu liti wô *ntuni a nye a ye bôé wô e fefel ata'a metuna'a. 9Ntuni a ye vaa ngab ja yiane veban é too jame ya simesan, a di'i je ata'a metuna'a yôp. Ô ne mveane ya mefub wo di'ibane nduan, ô too mbamba menyum e be Nti. 10Ngab ja ye li'i ja ye bo asu Aron a bone bé; é ne ngab ja dañ étyi e mimvean mia di'ibane nduan asu Nti.
11Teke mvean éziñ ya mefub wo ye bi mvusu, amu mia ye bo te di'i jôm éziñ é ne mvusan nge na é bili wôé e biôm bia di'ibane nduan asu Nti été. 12Jôm é bili mvusu nge wôé mi ne ve je Nti fo'o v'ane mveane ya bembômô; ve ja ye bo te veban ane mveane ya mefub ô ne mbamba menyum. 13Wo ye futi nku e mimvean mise ya mefup; wo ye bo te li'i mveane wôé ya mefub te nku ya élate Zambe wôé ajô te mimveane miôé mise mia yiane bi nku. #2:13 Elate nku: élate ya nnôm éto, jôm é se nguleya ndaman nge tyendé je. Nku ndeme ya na élate Zambe a nga bo a ayoñe dé ja ye tabe nnôm éto teke ndaman. 14Nge wo ve Nti *bembômô ya mefup, wo ye zuu bezôzô be fôn mbubane nduan, mfefé nlisi ntya'an ô too mveane ya *bembômô bôé ya mefup. 15Wo ye sôé mbon été yôp a meyemete m'élé ma nyume mvaé; ô ne mveane ya mefup. 16Ntuni a ye di'i ngabe ya mefes me ne ntya'an, nalé fe mbon a meyemete m'élé mese: ô ne mveane ya mefup wo di'ibane nduan asu Nti.
Currently Selected:
Lv. 2: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
