Lv. 3
3
Etyi'a ya nlatane ngbwa
(Lv 9:18-21; 7:11-36; 1 Ko 10:16-18)
1Nge mveane môt éziñ ô ne étyi'a ya nlatane ngbwa, nge a ve nyak é too nnôm nge ngal, a ye ve je asu Nti é too *mvo'é ne selem. 2A ye beté wo wé e nlô y'étyi'a jé, éyoñe te a tyi'i je *tyiñ anyiine *nda éndelé bendôba'an, a betuni, bone b'Aron, ba ye miame metyi mbôma'an a ata'a metuna'a.
3Etyi'a ya nlatane ngbwa te, a ye nyoñ avoñ e yale *miñya a avoñ ese e ne abum été, a ve de metuna'a ma di'ibane nduan asu Nti; 4mimbañe mi ôtam mibaé a avoñ da bômane mie, nalé fe avoñ e yale mevel a ndalebôbô é yale ések, nje a ye vaa bebé a mimbañe mi ôtam. 5Bone b'Aron ba ye di'i biôme bite ata'a metuna'a yôp, bia lat a étyi'a ja di'ibane ngumba ja ye bebe e nja'a é ne mfutane di yôp. Etyi'a ja di'ibane nduan le a mbamba menyum e be Nti.
6Nge mveane wé ô ne ntômba, ékela, nnôm nge ngal, ô too étyi'a ya nlatane ngbwa asu Nti, a ye ve wô ô too *mvo'é ne selem. 7Nge a ve étoñe ntômba, a ye zuu je asu Nti. 8A ye beté wo wé e nlô étyi'a te, a tyi'i je *tyiñ ôsu ya *nda éndelé bendôba'ane, a bone b'Aron ba ye miame metyi mé mbôma'an a ata'a metuna'a. 9A ye nyoñ avoñ y'été, a tyi'i fe njem bebé nkoñ a nyoñe fe avoñ ese e yale *miñya a avoñ ese e ne abum été a ve bie ane metuna'a ma di'ibane nduan asu Nti, 10wôna mimbañ mi ôtam mibaé a avoñ da bômane mie, di é yale mevel a ndalebôbô é yale ések nje a ye kandé. 11Ntuni a ye di'i biôm bite ata'a metuna'a yôp: bi ne bidi bia di'ibane nduan asu Nti.
12Nge mveane wé ô n'ékela, a ye zuu wô asu Nti. 13A ye beté wo wé e nlô étyi'a jé, a tyi'i je *tyiñ ôsu ya *nda éndelé bendôba'ane; bone b'Aron ba ye miame metyi y'été mbôma'an a ata'a metuna'a. 14A ye nyoñ avoñ e yale *miñya a avoñ ese e ne abum été, a ve bie ane metuna'a ma di'ibane nduan asu Nti, 15mimbañe mi ôtam mibaé a avoñ e yale mie yôp, a di e yale mevel, nalé fe ndalebôbô é yale ések nje a ye kandé bebé a mimbañ mi ôtam. 16Ntuni a ye di'i biôme bite ata'a metuna'a yôp. Bi ne bidi bia di'ibane nduan, bi too mbamba menyum. Avoñ ese e ne jôme Nti.
17Jame di da ye bo mvinda ya melu mese e miaé mi bôte mienan na: E vôm ase mia ye tabe mia ye bo te di avoñ nge metyi.
Currently Selected:
Lv. 3: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
