Exodus Botolo
Botolo
Josephakʼ gujukʼ tayom Israelkoakʼ Itihãs do Exodus puthire ol akana. Ar Mose do mitʼṭen maraṅ babańcaoicʼ ar ạn-ạri emokʼicʼ lekateye udukʼ ocoakana. Pharao raj Probhu Isor upạrteye teṅgoyen khạtirte Mose do Misor disạm khon Israelkoe oḍok ạguketʼkoa. Ar Probhu Isor do Misor disạm cetanre gel goṭecʼ duke koleda. Israel hoponko Misor disạmre pon sae bochor hạbicʼ golamko khaṭaoen tayom onḍe khonko ruạṛokʼre oneko benaoletʼ porob reakʼ rehetʼ do Jihudi dhorom pạtiạu reakʼ asolakʼ tahẽkana (12 hạṭiń). Israelkoakʼ arakʼ jalapuri paromokʼ reaṅ ghoṭnako, aema lekanakʼ hahaṛa kạmiko, Sinại burure Isor emakʼ ạn-ạriko ar bondobos tạmbu benaokʼ reakʼ kathako joto do Exodus puthire purạte ol akana. Exodus puthi reakʼ asol bisoe do hoyokʼ kana Israelkoakʼ Misor disạm khon chaḍaokʼ ar Isorakʼ bises ạidạri lekate eṭakʼ jạtrenko khon begar tahen. Moseye olakatʼ mõṛẽ goṭecʼ puthiko modre Exodus puthi do dosarakʼ puthi kana. Ar ona mõṛẽ goṭecʼ puthi do ạn-ạri reakʼ puthi hõko metakʼ kana.
Khaṭoge guṭtetʼ:
(1) Misor disạmre Israelkoakʼ golam khaṭaokʼ (1 hạṭiń)
(2) Moseakʼ jion reakʼ etohopʼ (2 hạṭiń)
(3) Moseye hoho ocokʼkan (3 ar 4 hạṭiń)
(4) Pharao samaṅre Mose (5.1—17.13 kạli)
(5) Gel goṭecʼ duk (7.14—12.30 kạli)
(6) Misor disạm khon oḍok hijukʼ (12.31—15.21 kạli)
(7) Sinại buru secʼ calakʼ (15.22—18.27 kạli)
(8) Ạn-ạriko ńametʼkan (19-24 hạṭiń)
(9) Ḍera tạmbu ar naeke hudạ (25-40 hạtiń)
Currently Selected:
Exodus Botolo: SBT
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.