Exodus 1
1
Israelko cetanre santao
1-2 #
Gen 46.8-27
Israelren, metakʼme Jakob sãote uniren hoponko okoe do apan ạpin gharońj salakʼ Misor disạmteko senlen onkoakʼ ńutum do hoyokʼkana Ruben, Simeon, Lewi, Jihudạ, 3-5Isakar, Sebulon, Benjamin, Dan, Napthali, Gad ar Aser. Ona chaḍa Joseph do laharege Misorteye calao akan tahẽkana. Jakobakʼ bõsren noko do lekhare jotote eae gel#1.3-5: Mitʼṭen mare torjomare do eae gel mõṛẽ (Aposre ńelme 7.14). hoṛko tahẽkana. 6Tayomte Joseph, ar ren boehako ar onko okteren sanamkogeko gocʼena. 7#Apos 7.17 Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.
8 #
Apos 7.18
Tayomte Misor disạm reakʼ sanam ektiạri do nonkan mitʼṭen nãwã rajakʼ tire paṛaoena okoe do Joseph reaṅ cetʼge bae baḍaekan tahẽkana. 9Uni do acʼren porjakoe metatʼkoa, “Ńelpe, Israelko do lekhate ar daṛete abo khonko ḍher idikʼkana. 10#Apos 7.19Onate lekhare jemon ar aloko ḍher idikʼ onate dela, onko sãote bud salakʼ bon calakʼma; ar baṅ khan lạṛhạire onko do aboren bạiriko sãoteko midokʼte abo upạrteko lạṛhạiya ar tayomte noa disạm bạgikateko oḍok calakʼa.”
11Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda. 12Menkhan Misorrenko do Israelko tinạkʼko santaoketʼko unạkʼge onko do lekhareko ḍher idiyena ar beṛhaeteko pasnao idiyena. Onate Misriko do Israelko iạte monre botor rakapʼatʼkoa. 13Onko do arhõ jorjulum salakʼ golamko khaṭaoketʼkoa. 14Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.
15Ona chaḍa Misorren raj do Sipra ar Poa ńutuman barea Ibri, metakʼme Israelkoren dhạ̃i buḍhikine metatʼkinạ, 16“Gidrạ janamko oktere Ibri maejiuko goṛowako jokhecʼ ben ńelkoa onko do koṛa hopon se kuṛi hoponko janametʼkoa; ar koṛa hoponko hoylen khan onko doben gocʼkoa ar kuṛi hopon do jiwetʼ ben dohokoa.” 17Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa. 18Unre raj do unkin dhạ̃i buḍhi hoho ạgu ocoketʼkinteye metatʼkinạ, “Cedakʼ nonka do ben kạmikana? Koṛa hopon do cedakʼ jiwetʼ ben dohoyetʼkoa?”
19Unkin do Pharaokin roṛ ruạṛadea, “Ibri maejiu do Misorren maejiu leka doko baṅkana. Onkoakʼ daṛe do nunạkʼge ḍhera je, dhạ̃i buḍhi onko ṭhen ạuri seṭerokʼrege onko do gidrạko janametʼkoa.”
20Isor do unkin dhạ̃i buḍhikine bhạlạiyketʼkinạ. Ar Israelkoakʼ lekha do ḍher idikʼtege tahẽyena ar onko doko daṛe idiyena.” 21Unkin dhạ̃i buḍhi do Isor kin botoraekan tahẽkante uni do onkoren hoponko hotete bõskoe saṅgeketʼkoa. 22#Apos 7.19Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”
Currently Selected:
Exodus 1: SBT
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
