Dosar Biboron 33
33
Mose do Israelkoe bhorakokan
1Isorren hoṛ Mose do acʼakʼ gujukʼ lahare Israelko noa menkateye bhoratʼkoa,
2“Probhu Isor do Sinại khone hecʼena,
Ar Seyir khon abo cetanre
marsale emena;
uniyakʼ marsal do Paran buru khon jhakjhakaoena.
Uni do lakh lakh sonot serma goḍetko
tala khone hecʼena;
ar uniyakʼ jojomsa reakʼ tire do
durdurạukʼkan seṅgel tahẽkana.
3“Sạrige uni do acʼren
hoṛkoe dulạṛetʼkoa.
Sonot goḍetko do acʼakʼ tire menakʼkoa,
sanamkoge uniyakʼ umulreko taṛameda;
ar uniyakʼ hukumko senakʼkana.
4Abo ṭhen Mose okako
ạn-ạrikoe emakan,
ona do Jakob bõsrenkoakʼ dhon kana.
5Tinre Israelren mukhiyạko,
ar onko sãote Israel khũṭren
sanamkoko jarwayena.
unre Jisurun raj do Probhu Isorgeye tahẽkana.”
Gelbar khũṭrenko lạgitʼ asirbad
6Ruben reaṅ Mose doe menkeda,
“Ruben do jiwetʼ baṛeye tahenma,
uniyakʼ gujukʼ do sạṅgińkakʼme;
uniren hoṛkoakʼ lekha alo baṛe komaokʼma.”
7Jihudạ reaṅ uni doe menkeda,
“E Probhu Isor, Jihudạwakʼ katha baṛe luturakʼme;
ar acʼren hoṛko talare ruạṛ ạguiyeme.
Uni do acʼakʼ banar titeye lạṛhại kana;
bạiriko upạrte uni sãore baṛe tahenme.”
8 #
Exo 28.30;
Exo 17.7;
Exo 17.7; Num 20.13 Liwi reaṅ uni doe menkeda,
“Amakʼ Thumim do Lewi emaeme,
ar amakʼ Urim do amren dhoromicʼ,
one uni Masa ṭhenem bulạulede,
one uni tulucʼ Meriba dakʼ ṭhenem reṭepeṭelen.
9One uni acʼ eṅgat apat reakʼe menketʼ,
bạń bạsutạkin kana,
Ar acʼren boehako bae puchạuletʼko,
ar acʼren hoponko bae baḍaeletʼko,
uni do amakʼ kathakoe dohoyeda
ar amakʼ bondoboskoe manaoeda.
10Onko do Jakob amakʼ bicạrko cetʼaea,
ar Israel do amakʼ ạnge,
onko do am samaṅre dhupko dohoya.
Ar amakʼ pinḍre goṭa jeretʼ cabakʼ samaṅokʼakʼkoge.
11E Probhu Isor, am do uniyakʼ sompotti
baṛe bhorakʼtaeme,
ar uniyakʼ sanamakʼ kạmire kusikʼme.
Uniren bạirikoakʼ ḍanḍa baṛe rạpudtakome,
ar okoe uniko hirkhạwae
onkoakʼ ḍanḍa hõ rạpudtakome,
jemon aloko teṅgo ruạṛ daṛeakʼ.”
12Benjạmin reaṅ uni doe menkeda,
“E Probhu Isor okoeyem dulạṛedekan
uni do khạtirjoma unireye tahena;
ar jao ghuṛi uni doe aḍ dohokaea;
uniyakʼ tarenregeye tahena.”
13Joseph reaṅ uni doe menkeda,
“Probhu Isor do jemon
uniyakʼ disạme bhorakʼtae
coṭ serma reakʼ sorosakʼ dante
ar latarre jarwa akan athantar dakʼte,
14siń cando reakʼ soros soros dante
ar cando cando upcạukʼ reakʼ phosolte,
15mare buruko reakʼ boge utạrakʼte,
jaejug reakʼ ḍuṅgriko reakʼ dhonte,
16prithimi reakʼ bhage bhage jiniskote,
ar jolokʼkan jhạuạre okoeye tahẽkan
uniyakʼ dayate.
Josephakʼ bohokʼre noako ạsirbad
baṛe pheḍ hijukʼma;
boehako modre okoeye mukhiyạkan
uniyakʼ bohokʼre noako bhor baṛe paṛaokʼma.
17Uniren pạhil janam adar doe ṭhonokana,
uniyakʼ bohokʼre kạpil gại reakʼ dereńge menakʼa.
Onate uni do prithimiren sanam jạtrenkoe hoṭakʼ pạsirkoa,
ar ses simạnare menakʼko jạtrenko hõ.
Ephrayimren do lakh lakh
ar Manaseren do hajar hajar hoṛko hoyokʼa.”
18Sebulon reaṅ uni doe menkeda,
“Sebulon do bahre kạmire kusi akane tahenma,
ar Isakar do oṛakʼ bhitri reakʼ kạmikorege.
19Unkin do jạt jạtrenko burutekin rakapʼkoa;
ar onḍe do lekren dãṛẽkin samaṅkoa.
Unkin do jalapuri reakʼ sareṛokʼakʼ kin cepeja,
ar gitilre do danaṅakʼ acelkoge.”
20Gad reaṅ uni doe menkeda,
“Bhạgangea uni do, okoe do
Gad rajosṭi reakʼ simạnae baṛhaoetʼ.
Uni do dhạcri kul lekae tahena
ar bạirikoakʼ ti ar coṭ bohokʼ hạbicʼe cirạitakoa.
21Uni do acʼ lạgitʼ bhage jumiye
bachaojoṅa;
mukhiyạwakʼ kuṛại do
uni lạgitʼge dohoakana.
Lạṛhạire jarwa akan sordarko talare
unige Probhu Isorakʼ hukume
manao akatʼtaea,
uni do Probhu Isorakʼ niạme dohoakada
oka do Israel hoponko em ocoakan.”
22Dan reaṅ uni doe menkeda,
“Dan doe dhạcri kul hopon kana
okoe do Bason khone don hijukʼkan.”
23Napthali reaṅ uni doe menkeda,
“Napthali do Probhu Isorakʼ mãyãteye perecʼgea;
uniyakʼ bhorte uni doe perecʼakana.
Gạlil doreão ar ona reakʼ dạkhin disạm
am do ạidạri joṅme.”
24Aser reaṅ uni doe menkeda,
“Aser do eṭakʼko khon ḍher
ạsirbade ńama;
ar acʼren boehako ṭhen bạsutạnicʼe hoyokʼma,
uni do acʼakʼ jaṅgakin
sunumreye caḍoetaema.
25Mẽṛhẽtʼ ar pitạl reakʼ hurkạṛte
uniyakʼ duạr do tol tahentaea.
Ar tinạkʼ din jiwetʼe tahen
unạkʼ din hoṛmore daṛe tahentaea.”
Israel cetanre ạsirbad
26Uni doe menkeda, “E Jisurun
Isor leka do celege bạnukʼkoa.
Amren gokʼṛoyicʼ hoyokʼ lạgitʼ
uni do rimil reakʼ gạḍite,
acʼakʼ mạhimawante
rimilteye decʼ hijukʼkana.
27Okoe doe jug hilokʼren Isorkan
unige amren asarae do;
acʼakʼ jaejug reakʼ tite
uni do ame sapʼ dohokama.
Am samaṅren sanam bạiriko
uni doe laga ńirkoa;
are mena, ‘noko mohor meṭaokom.’
28Onate Israel do khạtirjomae tahena.
Jakob reakʼ jharna do
eskarge tahena;
onḍe do ḍher phosol
ar nãwã darkha rasa hoyokʼa,
ar onare do serma reakʼ
sisir dakʼe jorowakʼa.
29E Israel, bhạgangeam am do!
Am do Probhu Isorren bańcao akan jạtren kanam,
am leka do ar cele jạtrenkoge bạnukʼkoa.
Unige amren gokʼṛoyicʼ ḍhal do,
ar unige amakʼ gorbokʼ reakʼ tarwaṛe.
Bạiriko do am samaṅre
botorteko thar tharaokʼa,
ar onkoakʼ usul jaega dom
lebetʼ gańjaotakoa.”
Currently Selected:
Dosar Biboron 33: SBT
Highlight
Share
Compare
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
