लूका किताबौ परिचय
किताबौ परिचय
लूका उसा जाट्च काट जना डाक्टर लेया (कलस्सी ४:१४) र लूका उसा जाट्च डाक्टर मट्टै मालेम होसे पक्का जाट्न इतिहास वार्छ इतिहासकार र लेया। लूकै रीक्च एेतिहासिक किताबकुङ वैज्ञानिक अनुसन्धान लकीङ प्रमाणित छान्नने। लूका लाहा ग्रीक छान्चबाटै सेछ समाचार यहूदी जातिकोलाक मात्र मालेम संसारुङ पट्ट न जातिकै र वार्खी ह्योक्ख्यो डेम रीका। होचे येशूओ बारेयाङ घटडीस्च घटनाको सेटाक्कीयो लागि थियोफिलस डेच भर्मीकी इसे सेछ समाचारौ किताब याम्हकाच हो। इसे सेछ समाचारै येशू कुटजाट्न प्रकट छाना? येशू इस्राएलीकुङ मीघ्याङ र इसे संसाराङ राहार होसकुङ असल जीवनै, होसकुङ मृत्युये र मृत्यु लकीङ फेरि जीवाचबाटै लाहा परमेश्वरौ मीजा र मुक्ति याछ “ख्रीष्ट” हो डेम पट्ट न भर्मीकोलाक चीन्डीयाका। (लूका १:३१-३३, ४:१८-२१, २४:२५-२७,४४,४७) सेछ समाचार ही हो डेनाङ येशूमीटाक विश्वास जाट्चकै लाहा लहो पापौ क्षमा डीन्ल्हे र सीरखीङ स्वर्गवाङ परमेश्वरखाटा सधैँ छान्की डीन्ख्यो डेयार होसको बलिदानौ रुपाङ सीया (लूका २२:१९-२०, २४:४४-४७)। इसे येशूओ बारेयाङ रीक्च सेछ समाचार काट जना भर्मीये कल्पना जाटार रीक्च होइन, इसे च काट सत्य र एेतिहासिक कुरा हो।
लूकै इसे सेछ समाचारौ किताब कुसे सालाङ रीका डेयार निश्चित थाहा माले, तर पनि बाइबलौ वास्टै विद्वानकै लूकौ सेछ समाचार इ.स. ५९-६३ याङ रीक्च डेम विचार जाट्ले। अरुये होसे डेनाङ १० लकीङ २० वर्ष न्हुङ्लाक रीक्च डेयार विचार जाट्ले।
इसे सेछ समाचार मट्टै होइन प्रेरित डेच किताब र लूकै होशियारखाटा मीङारै मार्जा-मार्जा घटडीस्च सत्य घटनाकुङ कथाको रीक्ङने (प्रेरित १:१)।
टुन्छ विषय-सूची
परिचय १:१-४
बप्तिस्मा याछ यूहन्ना र येशूओ जन्म र जजुङ अवस्था१:५–२:५२
बप्तिस्मा याछ यूहन्नौ सेवा र काम३:१-२०
येशूओ बप्तिस्मा र परीक्षा३:२१–४:१३
गालीलाङ येशूओ सेवा र काम४:१४–९:५०
गालील लकीङ यरूशलेमसम्म९:५१–१९:२७
यरूशलेमाङ अन्तिम हप्ता१९:२८–२३:५६
येशू सीच लकीङ जीवार स्वर्गाङ नुङ्च२४:१-५३
Currently Selected:
लूका किताबौ परिचय: EMGP
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.