পরমগীত 7
7
1ও রাজার্ ঝিবো, জদা ভিদিরে তর্ দ্বিয়েন্ টেঙ্
চাদে কেজান্ দোল্!
তর্ দ্বিবে উলুহুল চেঙারাগান্ মানেগ ধোক্ক্যেন্,
সিগুন যেন কাবিল্ কালিগরর্ আঢ কাম্।
2তঅ নেইবো রিনি চাদে গুল্ পিলে ধোক্ক্যেন্
যিবে ভিদিরে মিজেয়্যে আংগুর-রসর্ অভাব ন-অয়।
তঅ পেট্তো চাদে উড়ি যেইয়্যে গম কুড়ো ধোক্ক্যেন্
যিয়েনর চেরোকিত্তে লিলি ফুল্লোই ঘিজ্যে।
3তর্ বুগ্ দ্বিবে যেন উরিঙোর্ দ্বিবে ছঅ,
চুন্নু উরিঙোর্ জামা ছঅ ধোক্ক্যেন্।
4এদো দাদর্ অজল্ চুগিদার-ঘর ধোক্ক্যেন্ তঅ গত্তনাবো,
তর্ চোগ্ দ্বিবে বৎ-রব্বীমর গেদো ইদু
হিষ্বোনর্ পুয়োরুনো ধোক্ক্যেন্।
তঅ নাগ্কো যেন দামেস্ক ইন্দি মু
লেবাননর্ অজল্ চুগিদার-ঘর।
5তঅ কিয়্যেগান্ উগুরে তঅ মাঢাবো কর্মিল মুড়োবো ধোক্ক্যেন্;
জোক্জোক্যে নরম কাবড় ধোক্ক্যেন্ তঅ চুলান্;
সেই চুল যুদোবোলোই রাজা বন্দী ওই আঘে।
6ও মর্ পরাণি, মরে হুজি গুরিয়্যেবো,
তুই কি দোল্, কি অমকদ দোল্!
7তঅ কিয়্যে গঠনান্ খাজোর্ গাজ ধোক্ক্যেন্,
আর বুগ্ দ্বিবে যেন আংগুরর্ দ্বিবে থুপ্।
8মুই কলুং, “মুই খাজোর্ গাজত্ উদিম্,
মুই সে ফলুন্ ধুরিম্।”
তর্ বুগ্ দ্বিবে ওক্ আংগুরর্ থুপ্,
তঅ নিজেযর্ বাজ্ছান ওক্ আপেল ধোক্ক্যেন্,
9আর তঅ মুয়োন্ ওক্ বেগত্তুন্ গম্ আংগুর-রস।
পরাণির্ কধা:
সেই আংগুর-রস্চান সোজাগুরি মঅ পরাণ্যের্ গত্তনাবোত্ লামি যোক্,
যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি
আংগুর-রস সহজে যায়।
10মুই মর্ পরাণ্যের্,
তা কামনা-বাসনাগান্ মত্তেই।
11মর্ পরাণ্যে, আঢিচ্, আমি মাঢত্ যেই,
মেহেদী ঝুবো ভিদিরে যেইনে রেত্তো কাদেই।
12আঢিচ্, আমি বেন্যেমাদান্ আংগুর ক্ষেদত্ যেই,
চেই, আংগুর লুদিত্ বোল্ পোজ্যন্ নাহি,
সিয়েনত্ ফুল ধোজ্যন্ নাহি
আর ডালোম ফুল ফুত্যন্ নাহি;
মুই সিদু তরে মর্ কোচ্পানাগান্ দান গুরিম্।
13দূদাফলুনে তা তুম্বাজ্ছান ছিদি দেদন্;
তাজা আর পাগানা নানান্ বাবোত্যে গম্ গম্ ফল
আমা দোরান কায়-কুরে আগন্।
মর্ পরাণ্যে, মুই তত্তেই ইয়েনি রাগেয়োং।
Currently Selected:
পরমগীত 7: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
