পরমগীত 6
6
1ও বেগত্তুন্ দোল্বি, তঅ পরাণ্যে কুদু যেইয়্যে?
তে কন্ কিত্তেদি পথ্তান্ ধোজ্যে?
কঅ, যেনে আমি তঅ সমারে তারে তোগেই পারি।
পরাণির্ কধা:
2মর্ পরাণ্যে তা বাগানত্ যেইয়্যে
তুম্বাজ্ মজলার্ বিজিতলাত্;
হেই হেই বেড়েবাত্তে যেইয়্যে
আর লিলি ফুল তুলিবাত্তে।
3মুই মর্ পরাণ্যের্ আর তে মত্তে,
তে লিলি ফুলো ঝারত্ চরে।
পরাণ্যের্ কধা:
4মর্ পরাণি, তুই তির্সা শঅর ধোক্ক্যেন্ দোল্,
যিরূশালেম ধোক্ক্যেন্ অমকদ দোল্;
বাবতা উড়েয়্যে সৈন্যদল ধোক্ক্যেন্ তর্ সয়সাগজ্যে।
5মত্তুন্ তঅ চোগ্কুন ফিরেই নেযা;
সে দ্বিবে চোগে মরে বেগোচ্চ্যে গরে।
তঅ চুলান্ যেন গিলিয়দ মুড়োবোত্তুন্
লামি এচ্চ্যে ছাগল পাল্।
6তঅ দাদ্তুন্ যেন গাদি-গাদাই এচ্চ্যে পাদি ভেড়া পাল্;
তারার্ বেক্কুনোর্ জড়া আঘে,
কনবো আজি ন-যায়।
7ঘঙদা ভিদিরে তঅ কবালানর্ দ্বি কিত্তেদি
যেন অদ্দেক্ কাবা ডালোম।
8ষায়েটজন রাণী, আশিজন লাঙনি
আর ভালোক্কুন্ গাবুজ্যে মিলে থেই পারন্,
9মাত্তর্ মঅ কবো, মর্ খাটি মান্জ্য ধোক্ক্যেন্ আর কনজন নেই।
তে তার্ মাবোর্ বানা এক্কো ঝি,
তে তারে পেদত্ ধোজ্যে তা কোচ্পানার্ ঝি।
মিলেগুনে তারে দেগিনে বর্ পেইয়্যে কলাক্
আর রাণীগুনে আহ্ লাঙোনিগুনে তারে বাঈনী গুরিলাক্।
10তারা কলাক্, “কন্না সিবে, যে বেন্যেমাদান ধোক্ক্যেন্ দেগা দে,
চানান ধোক্ক্যেন্ দোল্,
বেলান ধোক্ক্যেন্ জোল্জোল্যে,
আর বাবতা উড়েয়্যে সৈন্যগুনো ধোক্ক্যেন্ যিবের সয়সাগোজ্যে?”
পরাণির্ কধা:
11লাঙেলর্ নূয়ো চারাগুন্ চেবাত্তে,
আংগুর লুদিত্ বোল্ ধোজ্যে নাহি চেবাত্তে,
আর ডালোম গাজত্ ফুল ফুত্যে নাহি চেবাত্তে
মুই লামিনে বাদাম গাজ ঝারত্ গেলুং।
12মুই কিজু বুঝিবার্ আগেদি মর্ বাসনাগান্
মরে মঅ জাদর্ রাজাবো রথ্তানির এক্কান ভিদিরে বোজেই দিলো।
সমাজ্যেগুনোর্ কধা:
13ও শূলম্মীয়া, ফিরি আয়, ফিরি আয়;
আমি যেন তরে দেগিই
সেনত্তে ফিরি আয়, ফিরি আয়।
পরাণির্ কধা:
তুমি মহনয়িমর নাচ্ছান চাইদ্যে ধোক্ক্যেন্ গুরি
কিত্তে শূলম্মীয়ারে দেগিবাত্তে চর্?
পরাণ্যের্ কধা:
Currently Selected:
পরমগীত 6: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
