পরমগীত 3
3
1রেদোত্ মঅ বিচ্ছোনানত্
মর্ পরাণর্ কোচ্পানাগানরে মুই তোগেয়োং;
মুই তারে তোগেয়োং, মাত্তর্ ন-পেলুং।
2মুই ভাবিলুং, মুই ইক্কিনে উদিনে শঅর ভিদিরে ঘুরি বেড়েম্,
ঘুরি বেড়েম্ পধে পধে, চক্করে চক্করে;
সিদু মুই মর্ পরাণর্ কোচ্পানাগানরে তোগেম্;
মুই তারে তোগেয়োং মাত্তর্ তারে ন-পেলুং।
3চুগিদারুনে শঅরত্ ঘুরি ঘুরি চুগি দিবার্ সময়োত্
মরে দেগিলাক্।
মুই তারারে পুযোর্ গুরিলুং,
“তুমি কি মঅ পরাণর্ কোচ্পানাগানরে দেখ্য?”
4তারারে ফেলেইনে উজেই যাদে
মুই মর্ পরাণর্ কোচ্পানাগানরে দেগিলুং।
তারে ধুরিনে মর্ মাবো ঘরত্ ন-আনানা সং
মুই তারে ন-ছাড়িলুং;
যিবে মরে পেদত্ রাগেয়্যে
মুই তা ঘরত্ তারে আনিলুং।
5ও যিরূশালেমর্ মিলেগুন্,
মুই চুন্নু উরিং আর মাঢ পাড়ি উরিঙুনোর্ নাঙে কোজোলী গুরিনে কঙর্,
তুমি কোচ্পানাগানরে ন-জাগেয়ো বা উচ্চোমি তুলি ন-দুয়ো
যেদক্কন্ সং তার্ যগাজ্যে সময় ন-অয়।
যিরূশালেম মানুচ্চুনোর্ কধা:
6ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না?
সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা,
তুম্বাজ রস্ আর তুম্বাজ আগর্বাট্টির্ বাজ্।
7চাহ্, উবোন্ শলোমনর্ পালকী!
ষায়েটজন বীর যোদ্ধা আগন্ সে পালকীনর্ চেরোকিত্তেদি;
তারা ইস্রায়েলর বেগত্তুন্ খেমতাবলা বীর।
8তারার্ বেক্কুনো সমারে তলোয়ার্ আঘে,
যুদ্ধোত্ তারা বেক্কুনে কাবিল্;
তলোয়ারান্ কমরত্ বানি নেযেইনে
তারা বেক্কুনে যুক্কোল্ আগন্ রেদোর্ দযাগানত্তে।
9রাজা শলোমনে এ পাল্কীগান বানেয়্যেদে নিজোত্তে,
বানেয়্যেদে লেবাননর্ তক্তালোই।
10সে পালকীগানর্ খুদোগুন্ রূবোলোই বানেয়্যে,
তলাগান্ সনালোই বানেয়্যে,
আসনান তার্ বিগুনো রঙর্;
যিরূশালেমর্ মিলেগুনে কোচ্পেইনে
সিয়েন ভিদিরে কট্টাগান নক্সা গুরি দুয়োন্।
11ও সিয়োনর্ মিলেগুন্, তুমি নিগিলি এজঅ,
চঅ, রাজা শলোমনে মুকুট্ পিনি আঘে;
তার্ মেলা-মেইট্বান দিনোত্, তা মনর্ হুজি দিনোত্,
তার্ মাবো তারে মুকুট্ পিনেই দিয়্যে।
পরাণ্যের্ ক্ধা:
Currently Selected:
পরমগীত 3: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
