রোমীয় 12
12
গোজেনত্তে জিংকানি কাদানা
1সালে ভেইলগ্, গোজেনর্ এ বেক্ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা। 2ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্চান জানি পারঅ। গোজেনর্ আওজ্চান গম্, পুরোপুরি ঠিগ্ আর সেক্কে গোজেনে হুজি অয়।
3মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্। 4আমা পত্তিজন কিয়্যের্ ভালোক্কানি ভাগ্ আঘে, মাত্তর্ বেক্ ভাগ্কানি একই কাম্ ন-গরে; 5ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে। 6গোজেনর্ দোয়্যে মজিম্ আমি যুদো যুদো দান পেইয়্যেই। সেই দানান্ যুনি ভাববাদী ইজেবে গোজেনর্ কধা কবার্ খেমতা অয় সালে বিশ্বেজ্ অনুসারে তে গোজেনর্ কধা হোক্। 7যুনি সিয়েন সেবা গুরিবার্ খেমতা অয় সালে তে সেবা গোরোক্। যে শিক্ষ্যে দিবার্ খেমতা পেইয়্যে তে শিক্ষ্যে দোক্; 8যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।
খ্রীষ্টরে বিশ্বেজর্ জিংকানি
9কোচ্পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ। 10একজন আরেক জনরে ভেইয়ো ধোক্ক্যেন্ গভীন্ গুরিনে কোচ্পেয়ো। নিজোত্তুন্ অন্যরে বেচ্ গুরি সর্মান গরঅ। 11গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ। 12তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ। 13গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।
14যিগুনে তমারে অত্যেচার্ গরন্ তারার্ অমংগল ন-চেইয়ো বরং মংগল চেইয়ো। 15যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ। 16তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্জ্যর্ ভাব্ ন-দেগেইনে বরং যিগুনে দাঙর্ মানুচ্ নয় তারা সমারে মিজেয়ো। নিজোরে জ্ঞানী মনে ন-গোজ্য।
17ভান্ন্যেয়র্ বদলে কাররে ভান্ন্যেই ন-গোজ্জ্য। বেক্ মানুচ্চুনোর চোগোত্ যিয়েন্ গম্ সে পৌইদ্যেনে মনযোগ্ দুয়ো। 18তমা ইন্দিত্তুন্ যিদ্দুর্ পারঅ বেক্ মানুচ্চুনো সমারে সুগে-শান্দিয়্যে বজত্তি গরঅ। 19কোচ্পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” 20পবিত্র বোইবোর্ কধা মজিম বরং “তঅ শত্রুবোর্ যুনি পেট্ পুরে তারে হেবাত্তে দে; যুনি তার্ পানি তিরেচ্ পায় তারে পানি দে। এবাবোত্যে গুরিলে তুই তা মাধাত্ জ্বোল্জোল্যা আঙারা থুবেই থবে।” 21ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।
Currently Selected:
রোমীয় 12: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
