Popular Bible Verses from রোমীয় 12

Share

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

একজন আরেক জনরে ভেইয়ো ধোক্ক্যেন্ গভীন্ গুরিনে কোচ্‌পেয়ো। নিজোত্তুন্ অন্যরে বেচ্‌ গুরি সর্মান গরঅ।

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

তমা ইন্দিত্তুন্ যিদ্দুর্ পারঅ বেক্‌ মানুচ্চুনো সমারে সুগে-শান্দিয়্যে বজত্তি গরঅ।

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

ভান্ন্যেয়র্ বদলে কাররে ভান্ন্যেই ন-গোজ্জ্য। বেক্‌ মানুচ্চুনোর চোগোত্ যিয়েন্ গম্ সে পৌইদ্যেনে মনযোগ্ দুয়ো।

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

পবিত্র বোইবোর্ কধা মজিম বরং “তঅ শত্রুবোর্ যুনি পেট্ পুরে তারে হেবাত্তে দে; যুনি তার্ পানি তিরেচ্‌ পায় তারে পানি দে। এবাবোত্যে গুরিলে তুই তা মাধাত্ জ্বোল্‌‌জোল্যা আঙারা থুবেই থবে।”

যিগুনে তমারে অত্যেচার্ গরন্ তারার্ অমংগল ন-চেইয়ো বরং মংগল চেইয়ো। যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

আমা পত্তিজন কিয়্যের্ ভালোক্কানি ভাগ্ আঘে, মাত্তর্ বেক্ ভাগ্‌‌কানি একই কাম্ ন-গরে; ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে।