লেবীয় 12
12
পূয়ো-ছা জোর্মেবার্ পরেদি শুদ্ধো-সাংগ অবার্ সুদোম
1সে পরেদি লগেপ্রভু মোশিরে কলঅ, 2তুই ইস্রায়েলীয়গুনোরে কঅ, যুনি কনঅ মিলে পিদিলী অন্ আর তার পূঅ অন্ ছালে তে তার্ মাসিগোর্ সময়ো ধোক্ক্যেন ফিবলা অবঅ। তার্ এই ফিবলাগান্ সাত দিন সং চুলিবো। 3আস্টো দিনোত্ পূঅবোর্ চুনুগুলো মাদাগান্ কাবিদে পুরিবো। 4পরেদি সেই মিলেবোত্তুন্ তার লো-পড়ানাত্তুন্ শুদ্ধো-সাংগ অবাত্তে তেত্রিশ দিন সং বাজ্জেই থাহ্ পুরিবো। তার্ শুদ্ধো-সাংগ অবার্ আগর এই দিনুন্ কাদেই ন-যানা সং তে কনঅ পবিত্র জিনিস ধুরি ন-পারিবো অথবা পবিত্র তাম্বুল-ঘরর্ চাগালাত্ যেই ন-পারিবো। 5মাত্তর্ যুনি তার্ ঝি অয় ছালে তার্ মাসিগোর্ সময় মজিম্ তে ফিবলা অবঅ, মাত্তর্ তার্ এ ফিবলা অবস্থাগান দ্বিসাপ্তাহ্ থেবঅ। সে পরেদি তাত্তুন্ তার্ লো-পড়ানাত্তুন্ শুদ্ধো-সাংগ অবাত্তে ছয়ছোট্টি দিন বাজ্জেই থাহ্ পুরিবো।
6পূঅ বা ঝি জোর্মেবার্ পরেদি তার্ শুদ্ধো-সাংগ অবার্ আগর্ দিনুন্ কাদেই যানার্ পরেদি তাত্তুন্ মিলন-তাম্বুলো মুজুঙোত্ ধর্মগুরুগুনো ইদু পুজ্যে-উৎসর্বত্তে এক বোজোজ্যে এক্কো ভেড়া ছঅ আর পাপ-উৎসর্বত্তে এক্কো কোদোর্ বা এক্কো কঅ নেযা পুরিবো। 7ধর্মগুরুবো সিগুন লগেপ্রভু মুজুঙোত্ উৎসর্ব গুরিনে সিবের্ ফিবলাগান্ ঢাগিবো, আর পরেদি তে তার্ লো-পড়ানার্ ফিবলা অবস্থাত্তুন্ শুদ্ধো-সাংগ অবঅ। ঝি-পূঅ জোর্মেবার্ পরেদি মিলেমানুচ্চুনোত্তে ইয়েন্ অলঅ সুদোম। 8উৎসর্বত্তে যুনি তে ভেড়া ছঅ আনি ন-পারে ছালে তাত্তুন্ দ্বিবে কঅ ন-অলে দ্বিবে কোদোর্ আনা পুরিবো। সিগুনো ভিদিরে এক্কো অবঅ পুজ্যে-উৎসর্বত্তে আর এক্কো অবঅ পাপ-উৎসর্বত্তে। এবাবোত্যেগুরি ধর্মগুরুবো তার্ ফিবলাগান্ ঢাগি দিবো আর তে শুদ্ধো-সাংগ অবঅ।
Currently Selected:
লেবীয় 12: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
