যিশাইয় 26
26
নাঙ্ গিনেদে-গান
1সেদিন্যে যিহূদা দেজত্ এ গান্নো গাহ্ অবঅ:
আমার্ এক্কান দরমর শঅর্ আঘে;
গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।
2তুমি গেট্তুন খুলি দুয়ো
যেনে গম্ আর বিশ্বেজি সে জাদ্তো সোমেই পারে।
3যিবের্ মনান্ তঅ উগুরে থির্ আঘে
তারে তুই পুরো সুগে-শান্দিয়্যে রাগেবে,
কিত্তে তে তঅ উগুরে বিশ্বেজ্ গরে।
4তুমি উমরত্তে লগেপ্রভু উগুরে বিশ্বেজ্ গরঅ,
কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।
5যিগুনে অজলত্ বজত্তি গরন্ তারারে তে তলে লামায়;
সে অজল্ শঅরানরে তে ভস্ত গুরিনে তলে গরে।
তে সিয়েন মাদিত্, এমন্ কি, ধূল্যেত্ মিজেই দে।
6অত্যেচার্ ওইয়্যে আর নাঢা মানুচ্চুনে সিয়েনি টেঙোই মাড়ন্।
7গোজেনভক্ত মানুচ্চুনোর পথ্তান্ সং থায়;
ও ন্যায়বলা, তুই গোজেন ভক্তগুনোর্ পথ্তানি সং গুরি থাচ্।
8অয়, লগেপ্রভু, আমি তর্ ন্যায় পধেদি আঢিনে
তত্তে বাজ্জেই আগিই;
আমি চেই যেন তুই তঅ কামর্ মাধ্যমে ফগদং অ।
9রেদোত্ মঅ পরাণানে তত্তেই কানের্;
মঅ আত্মাগানে তত্তেই ওলোমোত্য অয়।
পিত্থিমীত তর্ ন্যায়বিচেরান্ এলে পরেদি
সংসার মানুচ্চুনে গম্ শিক্ষ্যে পেবাক্।
10পাজিগুনোরে দোয়্যে দেগা অলেয়ো
তারা গম্ শিক্ষ্যে ন-গরন্;
এমন্ কি, ন্যায়র্ দেজত্অ তারা অন্যেয় গুরি থান্
আর লগেপ্রভুরে বাঈনী গরানাগান্ স্বিগের্ ন-গরন্।
11ও লগেপ্রভু, তঅ আঢ্তান তুই অজলত্ তুল্যচ্,
মাত্তর্ তারা সিয়েন ন-দেগন্।
তঅ মানুচ্চুনোত্তে তঅ আওজ্চান্
তারা দেগোদোক্ আর লাজাদোক্;
আগুনানে তঅ শত্রুগুনোরে পুড়ি ফেলোক্।
12ও লগেপ্রভু, আমাত্তে তুই সুগ্-শান্দি থিদেবর্ গুরিবে;
কিত্তে আমি যিয়েনি গুরি পাজ্যেই
সিয়েনি বেক্কানি তুই আমাত্তে গোজ্যস্।
13ও লগেপ্রভু, আমা গোজেন্,
তুই বাদে অন্য প্রভুগুনেয়ো আমা উগুরে সদ্দার্ ওইয়োন্,
মাত্তর্ বানা তরে আমি স্বিগের্ গুরিই।
14তারা ইক্কিনে মুরি যেইয়োন্, আর জেদা নেই;
তারার্ আত্মাগানি আর জেদা ওই ন-উদিবো।
তুই তারারে সাজা দিইনে ভস্ত গুরি দুয়োচ্;
তারার্ বেপারান্ তুই এক্কুবারে পুজি ফেল্যচ্।
15ও লগেপ্রভু, তুই এ জাদ্তোরে দাঙর্ গোজ্যস্;
এ জাদ্তোরে দাঙর্ গুরিনে তুই বাঈনী পেইয়োচ্;
তুই দেজর্ বেক দুযিগান্ বাবেই দুয়োচ্।
16ও লগেপ্রভু, দুঘো সময় তারা তরে দেখ্যন্;
তত্তুন্ সাজা পেবার সময়োত্
তারা ওলোমোত্য ওইনে ফিস্ ফিস্ গুরি তবনা জানেয়োন্।
17পিদিলী মিলে পুয়ো পুদেবার্ অক্তত্
যেধোক্ক্যেন্ পিড়েই কিয়্যে মজরন্ আর রঅ ছাড়ন্,
ও লগেপ্রভু, আমিয়ো তঅ মুজুঙোত্ সেধোক্ক্যেন্ ওইয়্যেই।
18আমি পিদিলী ওইয়্যেই, পিড়েই কিয়্যে মোযোজ্জ্যেই,
মাত্তর্ আমি বোইয়্যেরানরে জর্ম দিয়্যেই।
আমাল্লোই দেজ্চান রোক্ক্যে ন-পায়,
জগদ মানুচ্চুনেয়ো আমাল্লোই জিংকানি ন-পান্।
19মাত্তর্ তঅ মরা মানুচ্চুনে বাঁজিবাক্;
তারার্ কিয়্যেনি জেদা অবঅ।
তুমি যিগুনে ধূল্যেত্ বজত্তি গরর্,
তুমি জাগি উদো আর হুজিয়ে রঅ ছাড়।
বেন্যে শিরো পানিয়ে যেধোক্ক্যেন্ পিত্থিমীগানরে পোত্পোত্যে গরে
সেধোক্ক্যেন্ গুরি তুই মরাগুনোরে জিংকানি দিবে।
20ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্কান থামেব। 21চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।
Currently Selected:
যিশাইয় 26: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
