যিশাইয় 27
27
ইস্রায়েলর উদ্ধোর্ পানা
1সেদিন্যে লগেপ্রভু তার দর্গরেপারা, দাঙর্ আর খেমতাবলা তলোয়ার্লোই সেই বেঙা-কঙা গুরি ধেই যেইয়্যে সাপ্পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।
2সেদিন্যে এ গান্নো গাহ্ অবঅ:
“তুমি গান গঅ সেই আংগুর খেত পৌইদ্যেনে
যিয়েনত্তুন্ রস পাহ্ যায়।
3মুই লগেপ্রভু সিয়েনর্ দেগাশুনো গরং;
মুই নিত্য সিয়েনত্ পানি দুয়োং।
যেনে কনজনে সিয়েনত্ খেতি গুরি ন-পারন্
সেনত্তে দিনে-রেদে মুই সিয়েনত্ চুগি দুয়োং।
4তা উগুরে মর্ রাগ নেই।
আহ্, কাদা ঝুব্পুনে আর কাদা ঝারানিয়ে যেন মঅ বিরুদ্ধে থিয়েইয়্যে!
সালে মুই তারারে টেঙোই উরিম্
আর সিয়েনি বেক্কানি পুড়ি ফেলেই দিম্।
5সিগুনে বরং আশ্রয়ত্তে মইদু এজোদোক্;
মঅ লগে শান্তির্ কধা কোদোক্।
অয়, তারা মঅ লগে শান্তির্ কধা কোদোক্।
6এজেত্তে দিনুনোত্ যাকোবে শিঙোর্ বোজেব,
ইস্রায়েলে বোল্ ধোরেইনে ফুল ফুদেব
আর গুলো গুলিলোই পুরো সংসারান্ ভোরেই দিবো।”
7ইস্রায়েলর্ আঘাত গুরিয়্যেগুনোরে যেধোক্ক্যেন্ গুরি লগেপ্রভু আঘাত গোজ্যে সেধোক্ক্যেন্ গুরি তে ইস্রায়েলরে আঘাত ন-গরে; যিগুনে তারে মারে ফেল্যন্ তারা ধোক্ক্যেন্ গুরি তে তারে মারে ন-ফেলায়। 8তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে। 9ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্বাট্টি-পুজো ন-থেবঅ। 10দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্গুরি থেবাক্; তারা গাজর্ বেক পাদানি হেই ফেলেবাক্। 11সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।
12ও ইস্রায়েলীয়গুন্, সেদিন্যে বেঈ যেইয়্যে ইউফ্রেটিসত্তুন্ মিসরর্ শুগুনো গাঙান সং শোজ্য মারেদে ধোক্ক্যেন্ গুরি লগেপ্রভু তমারে মাড়িবো, আর এক এক গুরিনে তমারে এগত্তর্ গুরিবো। 13সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।
Currently Selected:
যিশাইয় 27: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
