হোশেয় আজল্ কধাগান
আজল্ কধাগান
হোশেয় নাঙে বোইবোর্ আগাম্ কধাগানি ভিদিরে এক্কো হিত্যে আঘে, আর সেই হিত্যেবো ভিদিরে আগাম্ কধাগান কুয়ো ওইয়্যে। চিগোন্ গুরি হিত্যেবো অলঅ, গোমর নাঙে এক্কো মিলেরে হোশেয় লোইয়্যে আর গোমর পেদত্ তিন্নো ঝি-পুয়োর্ জর্ম ওইয়্যে (যিষ্রিয়েল, লো-রুহামা, লো-অম্মি)। গোমরে অবিশ্বেজি ওইয়্যে মাত্তর্ হোশেয় ভারী কোচ্পানালোই তারে তোগেইনে চাগরানি আর অসর্মানর অবস্থাত্তুন্ তারে কিনি লোইনে ফিরেই আনিলো। ফগদাং গরানা কধাত্তুন্ এ হিত্যেবোর্ মাধ্যমে আরঅ গমেডালে দেগা ওইয়্যেদে, ভান্ন্যেই পধেদি যেইয়্য ইস্রায়েল জাদ উগুরে গোজেনর আমক্ অবার্ দোয়্যে আর ন-বোদোল্যে কোচ্পানা আঘে। লিগিয়্যে-ভাববাদীগুনো ভিদিরে হোশেয় এলদে এক্কোগুরি ভাববাদী যিবে উত্তরেদি রেজ্য ভিদিরে বজত্তি গোজ্যে আর ফগদাং গোজ্যে। এ বোইবোত্ ইস্রায়েলর উত্তরেদি রেজ্যগানরে ইফ্রয়িম কুয়ো ওইয়্যে, কিত্যে উত্তরেদি গুট্টিগুনো ভিদিরে ইফ্রয়িমে বেগত্তুন্ খেমতাবলা এলঅ; ইবেরে যাকোবঅ কুয়ো ওইয়্যে, কিয়া যাকোবে এলদে ইস্রায়েল জাদর্ পূরোণি মানুচ্; ইয়েনিবাদেয়ো শমরিয়াও কুয়ো ওইয়্যে, কিয়া শমরিয়া অলদে উত্তর রেজ্যর্ রাজধানী শঅর্। হোশেয়র সময়োত্ ইস্রায়েলীয়গুনে গোজেন উগুরে অবিশ্বেজি ওইয়োন, তারা মূত্তি পূজো গুরিদাক্ আর গম্ খাচ্চ্যত্ নেইয়্যে ওই যেইয়োন। ইয়েনত্তে গোজেনে তারারে যেদক্কানি সাজা দিয়্যে সিয়েনি অলঅ, ভালোক্ বজর্ ধুরিনে তারার কনঅ রাজা ন-থেবঅ, তারা কনঅ উৎসর্ব গুরি ন-পারিবাক্, এমন্ কি, তারার্ কনঅ মূত্তিয়ো ন-থেবঅ। এজঅ তারা সেই অবস্থাত্ আঘন্। মাত্তর্ আগামিদি তারা যেক্কে ভুল্ বুঝিনে গোজেন ইধু ফিরি এবাক্, সেক্কে তে তারা উগুরে দোয়্যে গুরিবো।
মূলুক্ মূলুক্ কধানি:
(ক) হোশেয়র ঝি-পুয়োগুনো নাঙানির্ মাধ্যমে ইস্রায়েলরে বাদ দেনাগান ফগদাং গরানা (১ লামার ১-৯ পদ)
(খ) ইস্রায়েলর সাজা আর নূয়োগুরি থিদেবর্ গুরিবার এগেম্ (১ লামার্ ১০ পদত্তুন্ ধুরি ২ লামার্ ২৩ পদ সং)
(গ) হোশেয় মোক্কো উদ্ধোর্ অলঅ ইস্রায়েলর ফিরি এজানার ফোটু (৩ লামা)
(ঘ) গোজেন মানুচ্চুনো বিরুদ্ধে গোজেনর্ আবিত্তি (৪-১০ লামা)
(ঙ) গোজেনর রাগর্ মাধ্যমেয়ো তার দোয়্যে (১১-১৩ লামা)
(চ) পাপত্তুন্ ফিরিনে গোজেনর বর্ পেবাত্তে ইস্রায়েলীয়গুনোর আওজর্ কোজোলী গরানা (১৪ লামা)
Currently Selected:
হোশেয় আজল্ কধাগান: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society