দানিয়েল 12
12
শেজ্ সময়
1“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্। 2পিত্থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্জ্য ধোক্ক্যেন। 3যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্র আর জ্বোল্জোল্যে তারা ধোক্ক্যেন উমরত্যে জ্বোল্জোল্যে থেবাক্। 4মাত্তর্ তুই, দানিয়েল, শেজ্ সময় ন-এজানা সং এই আগাম্ কধার্ বোইবো নাঢিনে তা কধানি সীলমহ্র গুরি থঅ। সে সময় ভিদিরে ভালোক্কুনে যিদু-সিদু যেবাক্ আর জ্ঞান বাড়িবো।”
5সেক্কে মুই দানিয়েল রিনি চেইনে অন্য দ্বিজনরে মঅ মুজুঙোত্ থিয়্যেই থাগদে দেগিলুং। তারাত্তুন্ একজন গাঙ্ এপারত্ আর অন্যজন গাঙ্ উইপারত্ এলঅ। 6মসীনার কাবড়-উজ্যে যিবে গাঙ পানি উগুরে এলঅ তারে সেই দ্বিজন ভিদিরে একজনে কলঅ, “এই বেক্ আমক্ অবার বেপারানি শেজ্ অদে কয়দিন লাগিবো?”
7সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্পুনং অবঅ।”
8মুই শুনিলুং ঠিগ্ মাত্তর্ কিচ্চু ন-বুঝিলুং। সেনত্তে মুই পুযোর্ গুরিলুং, “ও মর্ প্রভু, ইয়েনি বেক্কানির্ শেজর্ ফল কি অবঅ?”
9জোবত্ তে কলঅ, দানিয়েল, তুই এ পৌইদ্যেনে আর চিদে ন-গুরিচ্, কিত্যে শেষ সময়ান ন-এযানা সং এই বেক্ কধানি নাঢিনে সীলমহ্র গুরি রাগা ওইয়্যে। 10ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্। 11যেদিন্যেত্তুন্ ধুরি অক্ত মজিম্ উৎসর্ব বন্ধ গুরি দিয়্যে অবঅ আর সর্বনাশা ঈচ্ গরেদে জিনিস থিদেবর্ গরা অবঅ সেদিন্যেত্তুন্ ধুরি এক আজার্ দিশঅ নব্বই দিন অবঅ। 12সেই মানুচ্চো বর্ পেইয়্যে যে বাজ্জ্যেই থায় আর এক আজার্ তিনশঅ পাত্রিশ দিনোর্ থুম্ সং থির্ থায়।
13“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্কালত্ তুই তঅ বক্শিজচান পেবাত্তে বাঁজি উদিবে।”
Currently Selected:
দানিয়েল 12: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
