হোশেয় 12
12
1ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”
2যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো। 3পেদট্ থাগদে যাকোবে তার্ ভেইয়োর্ টেঙ পাদাগান ধোজ্যে; বয়সকালত্ তে গোজেন লগে যুদ্ধো গোজ্যে। 4তে স্বর্গদূত্তুনো লগে যুদ্ধো গুরিনে জিত্যে; তে দোয়্যে পেবাত্তে কানি কানি কোজোলি গোজ্যে। তে বৈতেলত্ লগেপ্রভুরে পেইয়্যে আর সিয়েনত্ লগেপ্রভু আমা কধা কোইয়্যে। 5তেয়ই বেগত্তুন্ খেমতাবলা গোজেন লগেপ্রভু; লগেপ্রভু নাঙে মান্জ্যে তারে ইদোত্ তুলোন্। 6ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।
7লগেপ্রভু কত্তে, “ব্যবসায়ী ইফ্রয়িমে ঠগাইদ্যে পাল্লা বেবহার গরে; তে জোরজুলুম গত্তে গম্পায়। 8তে কয়, ‘মুই অমকদ তাগোয়্যে ওইয়োং, ভালোক্কানি ধন-সোম্বোত্তি থুবেয়োং। মর্ বেক কামানি ভিদিরে মান্জ্যে মর্ কনঅ দুষ বা পাপ তোগেইনে ন-পেবাক্।’ 9মাত্তর্ ও ইফ্রয়িম, মুয়ই তর্ গোজেন লগেপ্রভু; মুই মিসর দেজত্তুন্ তরে নিগিলেই আন্যং। তর্ ঠিগ্ গোজ্যে পরব সময়ো ধোক্ক্যেন গুরি মুই আরঅ তরে তাম্বুলোত্ বজত্তি গোরেম। 10মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”
11গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্। 12যাকোবে অরাম দেজত্ ধেই যেইয়্যে; মোক্ পেবাত্তে ইস্রায়েলে গাবুরো কাম্ আর ভেড়া চোড়েবার কাম গোজ্যে। 13মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে। 14মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।
Currently Selected:
হোশেয় 12: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
