হোশেয় 11
11
ইস্রায়েল উগুরে গোজেনর কোচ্পানা
1লগেপ্রভু কত্তে, ইস্রায়েল চিগোন অক্তত্ মুই তারে কোচ্পেদুং আর মিসরত্তুন্ মর্ পুয়োবোরে ডাগি আন্যং। 2মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্বাট্টি জ্বালা ধুরিলাক্। 3মুয়ই ইফ্রয়িমরে আঢিবাত্তে শিগেয়োং, মুয়ই তারে করত্ নিদুং; মাত্তর্ তা মানুচ্চুনে ন-বুঝিলাক্ যে, মুয়ই তারারে গম্ গোরেয়োং। 4মুই কির্ব্যে গরানা আর কোচ্পানালোই তারারে চালেইদুং; তারা গত্তনা উগুরেত্তুন্ জুঙোলান্ তুলি নেযেদুং আর নিযো ওইনে তারারে হাবেদুং।
5ইস্রায়েলীয়গুন মন ফিরেদে রাজী ন-অন্ বিলি তারা মিসরত্ ফিরি ন-যেবাক্, বরং আসিরিয়া তারা উগুরে রাজাগিরি গুরিবো। 6তারার্ শঅরত্ অমকদ যুদ্ধো অবঅ; সেক্কে তারার্ গেইট্টুনোর্ হুগ্কুন ভাঙি যেবাক্ আর তারার্ পরিকল্পনার কারনে তারা শেজ্ ওই যেবাক্। 7মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।
8“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে। 9মর্ দর্গরেপারা রাগ্কান মুই ফগদাং ন-গুরিম, ইফ্রয়িমরে আর ভস্ত ন-গুরিম, কিত্যে মুই গোজেন, মানুচ্ নয়; মুই তঅ ভিদিরে থেইয়্যে সেই পবিত্র মানুচ্চো। মুই রাগ্ ন-আনিম। 10তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্গিরাদে গির্গিরাদে এবাক্। 11মিসরত্তুন্ পেগো ধোক্ক্যেন, আসিরিয়াত্তুন্ কঅ ধোক্ক্যেন তারা গির্গিরাদে গির্গিরাদে এবাক্। মুই তারার্ ঘরত্ তারারে বোজেই দিম। মুই লগেপ্রভু এ কধাগান কঙর্।”
ইস্রায়েল আর যিহূদার পাপ
12লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।
Currently Selected:
হোশেয় 11: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
