যিহিষ্কেল 2
2
যিহিষ্কেলরে ডাগা অলঅ
1তে মরে কলঅ, “ও মান্জ্য পুয়োবো, তুই টেঙোই ভর্ দিইনে থিয়্যে; মুই তঅ লগে কধা কোম্।”
2তে যেক্কে কধা কর্ সেক্কে গোজেনর আত্মাগান মঅ ভিদিরে এইনে মরে টেঙত্ ভর্ দিইনে থিয়্যেল আর মুই শুনিলুং তে মঅ লগে কধা কর্।
3তে কলঅ, “ও মান্জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্। 4যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে। 5তারা সে কধানি নয়ো শুনি পারন্, কিত্যে তারা উল্লোমী জাদ; তো তারা হবর্ পেবাক্ যে, এক্কো ভাববাদী তারা ভিদিরে আঘে। 6মাত্তর্ ও মান্জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্। 7তারা উল্লোমী বিলিনে মঅ কধা নয়ো শুনি পারন্, মাত্তর্ তারা শুনোদোক্ বা ন-শুনোদোক্ তুই তারা ইধু মঅ কধানি কবে। 8ও মান্জ্যর পুয়োবো, মুই তরে যিয়েনি কং সিয়েনি শুন্। সে উল্লোমী জাদ্তো ধোক্ক্যেন্ তুই উল্লোমী ন-ওচ্। তুই আঃ গর্, মুই তরে যিয়েনি দুয়োঙর্ সিয়েনি হা।”
9সেক্কে মুই রিনি চেইনে দেগিলুং মঅ ইন্দি এক্কান আঢ্ বাবেইয়্যে আঘে। সিয়েনত্ আগেদে এক্কো গুজেই থোইয়্যে বোই। 10মঅ মুজুঙোত্ তে সিবে খুলিনে ধুরিলো। সিবের্ দ্বিকিত্তেদি লেগা রোইয়্যেদে আবিলেচ্, চিৎপুরোনা আর দুঘো কধানি।
Currently Selected:
যিহিষ্কেল 2: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
