Revelation 8
8
CHAPTIR AUCHT.
The seeventh seal lowsed. Four buglehorns soond: and the skaith that follows.
1And whaneʼer he openʼt the seeventh seal, a quateness fell in Heeven as it was for half‐an-ʼoor.
2And I saw the seeven Angels wha staun iʼ the presence oʼ God; and thar war giean to them seeven buglehorns.
3And anither Angel cam and stude at the altar, wiʼ a gowden censer; and thar was giean to him muckle incense, that he micht pit it wiʼ the prayers oʼ the saunts, pittin them on the gowden altar that is fornent the Thron.
4And the reek oʼ the incense gaed up, wiʼ the prayers oʼ the saunts, oot oʼ the Angelʼs hauns, afore God.
5And the Angel took the censer, and fillʼt it wiʼ the lowin coals oʼ the altar, and cuist it on the yirth; and thar cam thunners, and voices, and lichtnins, and a yirdin.
6And the seeven Angels, thae haein the seeven buglehorns, made theirsels ready that they soud soond.
7And the #8:7 Thir fowr trumpets aiblins refer to the invasion oʼ the Roman Empire, and the terror and skaith frae the hordes oʼ barbarians, under Alaric, Geneseric, Attila and Odoacer.first ane soondit: and hail and lowe, mixʼt in blude, war cuisten on the yirth; and the third‐pairt oʼ the yirth was burnt‐up, and the third‐pairt oʼ the trees was burnt up, and aʼ green foggage was burnt up.
8And the second Angel soondit; and as it war a great mountain, lowin wiʼ fire, was cuisten into the sea; and the third‐pairt oʼ the sea becam blude.
9And the third‐pairt oʼ the beass that war iʼ the sea, that had life, deeʼt; and the third‐pairt oʼ the ships war destroyʼt.
10And the third Angel soondit; and frae heeven fell a great starn, lowin like a lamp; and it fell on a third‐pairt oʼ the rivers, and on the heid‐springs oʼ the watirs;
11And the name oʼ the starn is caʼd “Worm‐wud”; and the third‐pairt oʼ the watirs becam wormwud, and mony deeʼt oʼ the watirs, for they war made bitter.
12And the fowrth Augel soondit; and the third‐pairt oʼ the sun was smitten, and the third‐pairt oʼ the mune, and the third‐pairt oʼ the starns; and the third‐pairt oʼ them soud be made mirk, and the day soudna glint for a third‐pairt oʼt, nor yet the nicht.
13And I saw, and I hearkenʼt to an eagle flyin throwe the mids oʼ the lift, cryin wiʼ a soondin voice, “Wae, wae, wae! for thae that dwall on the yirth, by reason oʼ the lave oʼ the voices oʼ the buglehorns oʼ the thrie Angels that hae yet to soond!”
Currently Selected:
Revelation 8: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
