Hebrews 9
9
CHAPTIR NINE.
The ordinances and offerans oʼ the Law war but the fore‐gaun shadow oʼ the better things comin.
1And eke the first covenant had its ordinances oʼ divine service, and a sanctuary oʼ this present warld.
2For a tabernacle was plenishʼt; the first, in whilk war baith the lamp‐stead and the table, and the settin‐forth oʼ the breid; whilk is caʼd the “Holie.”
3But, eftir the second veil, the tabernacle caʼd the “Holie oʼ Holies”:
4Haein a gowden censer, and the Ark oʼ the Covenant, owerlaid wiʼ gowd, in whilk was a gowden pat haudin the manna, and Aaronʼs wand that bloomed, and the tables oʼ the covenant;
5But ower aboon it the Cheru?-?bim oʼ glorie, ower‐shadin the Mercy‐seat; anent whilk things it isna necessar e‐noo to speak specially.
6Noo, when thir things war sae ordeened, intil the first tabernacle gaed aye continually the priests, makin the services:
7But intil the second the Heigh‐priest alane, ance ilka year; and no wantin blude, whilk he offers for his sel, and for the blinʼness oʼ the folk.
8The Holie Spirit sae makin it seen, that the gate to the Holiest hadna yet been made plain, whiles the first tabernacle was staunin.
9Whilk indeed was a likeness for the time noo come; conform to whilk was offerʼt baith gifts and offerans, that canna, as to the conscience, mak him perfete wha offers the service;
10Bein but eatin and drinkin, and a hantle oʼ purifications, appointit to a time oʼ mair licht.
11But whan Christ drew nar, a Heigh‐priest, oʼ comin gude things, throwe the better and mair perfete tabernacle, no made wiʼ hauns, that is, no oʼ this creation,
12Nor yet throwe blude oʼ goats and cauves, but throwe his ain blude he enterʼt in, ance for aʼ, to the Holie Place, haein won Eternal redemption!
13For gin the blude oʼ goats and bulls, and the assis oʼ a quey, strinklin the defilʼd, sanctifies to the pureness oʼ the flesh,
14Hoo muckle mair sal the blude oʼ Christ, wha, throwe the ever‐leevin Spirit offerʼt his sel, wantin blemish, until God, purify yere conscience frae deid warks, to the offerin up oʼ a divine service to the leevin God?
15And for sic a reason is he the Mediator oʼ a new covenant; to the end, that a death haein taen place, for the redeemin oʼ sins aneath the first covenant, thae that hae been invitit may receive the promise oʼ Eternal inheritance.
16For whaur a covenant is, it is necessar that a death soud come in, on his side wha covenants.
17For a covenant is made siccar, eftir a death: but it is oʼ nae effeck while the #9:17 “Covenanter” here, isna ane oʼ the pairties makin the covenant, but that whilk maks siccar the covenant — the sacrifeece offerʼt. The text is no vera clear: but “covenanter” is the word the Apostle uses.“covenanter” leeves.
18And sae, no eʼen the first covenant was consecrate wantin blude.
19For whan aʼ the commauns war spoken conform tae the Law, by Moses to the folk, takin the blude oʼ the cauves and the goats, wiʼ watir and scarlet ooʼ, and hyssop, he strinklʼt baith the buik and aʼ the folk;
20Sayin, “This is the blude oʼ the covenant whilk God sent in commaun to you!”
21Aye, and the tabernacle as weel, and aʼ the veschels oʼ the service, strinklʼt he in like mainner wiʼ the blude.
22And nar‐haun aʼ things are purifyʼt wiʼ blude; conform to the Law; and, wantin the blude‐sheddin, is nae remission.
23It was a necessity than, for the imitations oʼ things in heeven to be purifyʼt wiʼ sic; but the heevenlie things theirsels wiʼ better sacrifeeces than thir.
24For no intil Holies made‐wiʼ?-?hauns did Christ gang in — that war but figures oʼ the true Holies — but intil Heeven itsel, noo to come plainly afore the face oʼ God for us.
25Nor yet that aft‐times soud he be offerin his sel; like as the Heigh‐priest enters the Holie‐Place, year by year, wiʼ ithersʼ blude.
26Else had it been needfuʼ for him aften to suffer, frae the beginnin aʼ the warld. But noo, ance at the end oʼ the time has he been schawn, for the settin‐by oʼ sin, throwe his sacrifeece.
27And, inasmuckle as it is laid up for men ance to dee, and eftir this the Judgment,
28Sae Christ, haein ance for aʼ been offerʼt, and carryʼt the sin oʼ mony, sal appear a second time, apairt frae sin, to thae that fain wait for him, for their salvation.
Currently Selected:
Hebrews 9: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
