Hebrews 8
8
CHAPTIR AUCHT.
Christʼs priesthood heigher nor Aaronʼs; and the Gospel wider nar the auld covenant.
1But, as bringing to a point what we hae said: Siccan a Heigh‐Priest hae we as this, wha is set on the richt haunʼ oʼ the thron oʼ The Majestie iʼ the Heevens;
2Oʼ the Holie Place, and oʼ the true tabernacle, whilk the Lord pitched, and no a man.
3For ilka Heigh‐priest is ordeened for the offerin oʼ baith gifts and sacrifeeces; and it was necessar for this ane too, that he soud hae that whilk he micht offer.
4Gin than the Lord had been on yirth, he hadna been a priest ava; sinʼ thar are thae, offering the gifts conform to the “Law.”
5Wha eʼen, as a glint and shadow oʼ heevenlie things, are doin service; eʼen as Moses had word whan aboot to finish the tabernacle: “For tak tent,” says he, “that ye mak aʼ things conform to the paittern schawn to ye iʼ the mount.”
6But noo has he obteened a mair noble ministry, by as muckle as he is the Mediator oʼ a #8:6 The “heigher” covenant God was makin wiʼ them in Christ, was nae newer than the ane was whan he brocht them oot oʼ Egypt! And yet for that it was “new,” it “contradicts the auld,” quoʼ the Jews! And they wad hae nane oʼt!heigher covenant, whilk is established on heigher promises.
7For gin the first had been perfete, nae need wad thar hae been for a second.
8For as wytin them, he says, “Tak tent! the days come, says the Lord, that I wull mak wiʼ the hoose oʼ Israʼl and the hoose oʼ Judah a new covenant.
9No conform to the covenant I made wiʼ their forbears, iʼ the day I took them by the haun, to lead them oot oʼ the land oʼ Egypt; for it was that they bade‐na iʼ my covenant, and I disregairdit them, says the Lord.
10“But this is the covenant I wull covenant wiʼ Israʼlʼs hoose eftir thae days, says the Lord, I wull pit my laws iʼ their minds, and write them on their hearts; and I wull be to them for a God, and they sal be for me a folk.
11“And nae need, ilk ane to teach his marrow, or ilk ane his brither, sayin, ‘Ken ye the Lord!’ for aʼ they sal ken me, frae the smaʼest to the greatest oʼ them.
12“For I wull be mercifuʼ to their unrichtousness, and oʼ their sins will I be mindfuʼ nae mair!”
13By this word, “A new covenant,” he made the first ane “auld”: but what is made past use and auld, is passin awa.
Currently Selected:
Hebrews 8: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
