Hebrews 12
12
CHAPTIR TWALʼ.
Haud ye on by faith! A graun Assembly weʼre comin till!
1Sae, seein we hae aʼ aboot us sic an unco clud oʼ witnesses — drappin ilka taiglement, and the dawtit sin that eithlie rinks us roond, lat us rin, perseverin, iʼ the race set afore us;
2Lookin‐awa till oor Leader?-?Prince and Perfeter, Jesus; wha for the joy held afore him, #12:2 Nae doot the Lord aften looks back wiʼ joy, on the cross he bure: and we wha hae crosses (licht and smaʼ whan evenʼd wiʼ his) maun “lichtlie the shame” oʼ them, and the skaith oʼ them.tholed the cross, and lichtlied the shame; and on Godʼs richt haun has taen his seat.
3For, think ye oʼ him, wha has tholed sic gainsayin oʼ sinners again himsel, least ye be forfouchten, and yere sauls be faint.
4Ye hae‐na yet resistit tae blude, battlin again sin!
5And ye hae clean forgotten the avisement that speaks till ye as to bairns: “My son, lichtlie‐ye‐na the chastenin oʼ the Lord, naither faint ye when ye are repruvʼd oʼ him;
6“For the Lord chastens the ane he loʼes, and lays stripes on ilka son he welcomes hame.”
7For the experience‐sake, thole ye; for God deals wiʼ you as wiʼ sons; for wha is a son, and no exerceesʼd oʼ his faither?
8But gin ye are ootside oʼ aʼ exerceese, oʼ whilk aʼ hae their portion, than are ye bastards and no “sons.”
9And mair: faithers oʼ oor flesh had we to exerceese us, and we gied them reverence; sal‐we‐na muckle raither submit oorsels to the Faither oʼ oor spirits, and leeve?
10They, certainlie, for a wheen days, exerceesʼd us, conform tae what seemed to them gude; but he conform tae what is best, that we micht partak oʼ his holiness.
11Yet nae exerceesin, for the time present, seems a blytheness, but a sorrow; natheless, eftirhaun, to thae wha hae been thar‐by exerceesʼd, it gies peacefuʼ frutes oʼ richtousness.
12Sae, “The feckless hauns and palsied knees rax oot;
13“And mak straucht fit‐roads for yere feet”; that what is gleyʼd be‐na thrawn‐oot, but be raither made hale.
14Follow peace wiʼ aʼ: and holiness; wantin whilk nae man sal see the Lord.
15Takin tent gif thar be ony man faʼin ahint frae the tender‐love oʼ God, “least ony rute oʼ bitterness springin up” be makin bitterness, and sae mony corruptit:
16Ony lecherer; or ony ungodly ane as Esau, wha for the sake oʼ ae meal oʼ meat, gied up his “first‐born” richt.
17For ye ken that, eʼen aftir that was dune, he fain wad hae the blessin, but was rejeckit; for he faund nae turnin again, thoʼ he socht it wiʼ unco tears.
18For ye hae‐na come to the lowin and devoorin fire, to mirk, and gloom, and tempest.
19And a peal oʼ a bugle‐horn, and a sound oʼ spoken words; frae whilk thae wha heard pled no‐tae?-?hear‐them ony mair;
20For they couldna thole what was bein laid doon, “And, gin a beasʼ may touch the mountain, it maun be staned!”
21And sae awesome was that whilk was seen, that Moses said, “I am unco fleyʼd; and trimle!”
22But ye are come nar till Zionʼs mountain, and tae the Citie oʼ the Leevin God, a Heevenlie Jerusalem; and till hosts oʼ rejoicin Angels;
23And to God the Judge oʼ aʼ; and to the spirits oʼ richtous anes made perfete;
24And till a Mediator oʼ a new Covenant, Jesus; and to the strinklin oʼ blude, sair‐pleadin mair than Abel!
25Tak ye tent that ye rejeck‐na him that speaks! for gin they escapʼt?-?na wha rejeckit him wha on yirth was warnin them, hoo muckle less sal we escape, gin we turn oorsels awa frae him wha warns us frae Heeven!
26Whase voice did shake the yirth; but noo has he said, “Yet ance mair I wull shake, no the yirth alane, but heeven as weel!”
27And this: “ance mair” points to the takin awa oʼ thae things that can be shucken, as oʼ things that hae been formed; that thae may remain that canna be shucken.
28And sae, seein we are to hae a kingdom that canna be shucken, lat us hae lovin‐favor, that we may render service weel‐pleasin until God, wiʼ reverence and godly fear.
29For oor God is a devoorin fire.
Currently Selected:
Hebrews 12: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
