Popular Bible Verses from Hebrews 12

Share

Sae, seein we hae aʼ aboot us sic an unco clud oʼ witnesses — drappin ilka taiglement, and the dawtit sin that eithlie rinks us roond, lat us rin, perseverin, iʼ the race set afore us; Lookin‐awa till oor Leader?-?Prince and Perfeter, Jesus; wha for the joy held afore him, tholed the cross, and lichtlied the shame; and on Godʼs richt haun has taen his seat.

Yet nae exerceesin, for the time present, seems a blytheness, but a sorrow; natheless, eftirhaun, to thae wha hae been thar‐by exerceesʼd, it gies peacefuʼ frutes oʼ richtousness.

Follow peace wiʼ aʼ: and holiness; wantin whilk nae man sal see the Lord.

For, think ye oʼ him, wha has tholed sic gainsayin oʼ sinners again himsel, least ye be forfouchten, and yere sauls be faint.

And sae, seein we are to hae a kingdom that canna be shucken, lat us hae lovin‐favor, that we may render service weel‐pleasin until God, wiʼ reverence and godly fear.

For the experience‐sake, thole ye; for God deals wiʼ you as wiʼ sons; for wha is a son, and no exerceesʼd oʼ his faither?

For oor God is a devoorin fire.

They, certainlie, for a wheen days, exerceesʼd us, conform tae what seemed to them gude; but he conform tae what is best, that we micht partak oʼ his holiness.

Ye hae‐na yet resistit tae blude, battlin again sin!