2 Peter 2
2
CHAPTIR TWA.
The folk of Sodom and Gomorrah; and thae that follow their ways.
1But thar war fause‐prophets amang the folk; as eʼen amang you wull thar be fause‐teachers: sic as wull hidlins bring in diabolical sects eʼen denying the Lord wha bocht them; bringin doon on theirsels sudden destruction.
2And mony wull follow oot their wanton ways; throwe wham the way oʼ truth wull be miscaʼd;
3And in their menseless greed, wiʼ twafauld words, wull they mak trokin‐ware oʼ ye: whase condemnation oʼ auld days isna gane‐by, and their destruction sleeps‐na.
4For gin God didna spare Angels whan they sinned — castin them to hell — and deliverin them ower to dungeons oʼ gloom, keepit for judgment;
5And spared‐na the auld warld, letting lowse a flood on the ungodlie anes, but preserved Noah, a preacher oʼ richtousness, as the #2:5 No the auchth frae Adam, for he was the tenth; but the auchth oʼ thae that war saved by the ark.auchth person:
6And bringin the cities of Sodom and Gomorrah till assis, whammlʼt them ower in condemnation; settin them forth as a lesson to sic as soud eftir be ungodly.
7And richtous Lot, sair vexʼt wiʼ the wanton lives oʼ the wicked, he deliverʼt;
8For wiʼ seein and hearin, that richtous ane dwallin among them was distressin his richtous saul wiʼ their lawless deeds.
9The Lord kens hoo to deliver sic as are godlie oot frae trials; and to keep tae the day oʼ Judgment to to be dealt wiʼ, sic as are ungodlie;
10Mair in particular, thae gaun awa eftir the flesh, iʼ the ill‐desires oʼ uncleanness; despisin rule; darin; pamperers oʼ theirsels; authorities they fear‐na to miscaʼ;
11Whaur‐as Angels, heigher in pooer and micht, fesh‐na a railin accusation again #2:11 Again the anes that fell, nae doot; thoʼ some read “again theirsels.”them afore the Lord.
12But thir, as beass wantin reason, made to be taʼen and destroyed, miscaʼ things they kenna oʼ, iʼ their snarin sal theirsels be snared!
13Dreein wrang as the ootcome oʼ wrang‐doing; they that coont it a pleasur to riot iʼ the day‐time: blotches and blains; riotin in self?-?deceit as they feast wiʼ you.
14Eʼen takin‐up wi an adulteress, and that winna cease frae sin; wheedlin sauls that are waff; wiʼ a heart schuled by greed; bairns that are accurst;
15Gaun a‐gley frae the straught way, and are forewanderʼt; traikin eftir the gate oʼ Balaam son oʼ Bosor, wha socht the fees oʼ unrichtousness.
16But was repruvʼt for his ain wickedness; a dumb beasʼ wiʼ manʼs voice speakin, forbad the rage oʼ the prophet.
17Thir are waal‐ees wantin the watir; mists carryʼt wiʼ the wund; for wham the gloom oʼ mirkness is keepit for aye.
18For, speakin unco swalled‐up words oʼ vanity, they wheedle wiʼ fleshly desires, wiʼ wanton ways, thae that war escapin frae them that leeve in error;
19They promisin freedom to them, they theirsels bein aʼ the time slaves oʼ corruption. (For, by whateʼer ane has been owercome, he has become a slave tillʼt.)
20For gin aiblins eftir they had escapit the pollutions oʼ the warld, throwe a knowledge oʼ the Lord and Saviour Jesus Christ, they are again taiglʼt thar‐in — their last state is waur nor the first!
21Unco better for them no to hae kent the way oʼ richtousness ava, than, haein come to ken it, to turn awa frae the holie commaun gien to them!
22It has come aboot wiʼ them conform to the true sayin, “The dog turnin again to his ain spuein;” and, “A sow weshed, to wallowin iʼ the muck.”
Currently Selected:
2 Peter 2: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
