2 Peter 1
1
CHAPTIR ANE.
The graun array oʼ Christian virtues; led by Faith, and linked by Love.
1Simon Peter, a servitor and Apostle oʼ Jesus Christ, to thae wha obteened the same faith wiʼ us, throwe the richtousness oʼ oor God and oor Saviour Jesus Christ.
2Lovin‐favor to ye, and peace, be made great, iʼ the fuʼ knowledge oʼ God, and Jesus oor Lord;
3As aʼ things for life and godliness his godly pooer has gien to us, throwe the fuʼ knowledge oʼ him wha has caʼd us to glorie and weel‐doin.
4Whaur‐by he has gien to us unco promises — and precious — that throwe sic ye soud be brocht to hae fellowship wiʼ the Divine natur, and flee the warldʼs corruption in ill‐desires.
5Aye, and for this vera thing, bringin forrit aʼ diligence, add to yere faith courage, and to yere courage knowledge,
6And to knowledge the airtin oʼ yersel, and to the airtin oʼ yersel endurance, and to endurance holiness,
7And to holiness britherly‐kindness, and to yere britherly‐kindness love.
8Thir things belangin tʼye, and aboundin, they sal make ye to be naither idle nor unfrutefuʼ iʼ the fuʼ knowledge oʼ oor Lord Jesus Christ.
9For he wha is wantin iʼ thir things is #1:9 No clean blinʼ; but wantin in clear sicht. Eng.: “purblind.”blearʼt seein‐na far‐awa, haein forgotten the purifyin oʼ his auld sins.
10Whaur‐for the raither, brethren, gie gude tent to mak siccar yere callin and walin‐oot; for doin thir things ye sal in naegate at ony time stoiter.
11For sae sal unco richly be supplyʼt tʼye a graun enterin‐in to the evir‐bidin kingdom oʼ oor Lord and Saviour Jesus Christ.
12And sae Iʼse be aye ready to pit ye in mind oʼ thae things; thoʼ ye ken them, and hae been made siccar iʼ the truth present wiʼ ye.
13Nane‐the‐less, I tak it to be richt, as lang as I am iʼ this sheelin, to steer ye up, by remindin ye;
14Kennin that sune comes the pittin‐aff oʼ my sheelin, conform to what the Lord Jesus Christ made clear to me.
15Yet I will gie gude tent, on ilka occasion, that ye may hae means, eftir my depairtin, to keep in mind aʼ thae things.
16For it wasna as followin eftir pawkilie‐wrocht‐oot tales, that we made kent to ye the pooer and #1:16 On the mount, to whilk Peter specially refers (thoʼ it is the same word he elsewhaur uses for “comin”), it was raither a glorifyʼt presence, than strictly a “comin.”presence oʼ oor Lord Jesus Christ; but as ee‐witnesses oʼ his gloriousness.
17For whan he was gien frae God the Faither honor and glorie, and a voice cam to him frae that glorious splendor, “This is my Son, the Beloved Ane, in wham I delicht!”
18Eʼen this voice we heard, whan it cam frae heeven; we bein wiʼ him iʼ the holie mount.
19And we hae the word oʼ prophecie, made maist siccar, to whilk ye do weel gin ye tak gude tent, as to a licht glintin in a mirk place, to what time the dawin come, and the mornin‐starn rise iʼ yere hearts.
20Kennin this first, that nae prophecie oʼ Scriptur is oʼ allenar and private #1:20 No to be taʼen as a private rule for me, and no at the same time for my brither. It is for the Kirk, and for the warld!meaninʼ.
21For nevir cam ony prophecie by the wull oʼ man; but as by Holie Spirit movʼd, sae speak holie men oʼ God.
Currently Selected:
2 Peter 1: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
