Popular Bible Verses from 2 Peter 2

Share

The Lord kens hoo to deliver sic as are godlie oot frae trials; and to keep tae the day oʼ Judgment to to be dealt wiʼ, sic as are ungodlie

Unco better for them no to hae kent the way oʼ richtousness ava, than, haein come to ken it, to turn awa frae the holie commaun gien to them! It has come aboot wiʼ them conform to the true sayin, “The dog turnin again to his ain spuein;” and, “A sow weshed, to wallowin iʼ the muck.”

They promisin freedom to them, they theirsels bein aʼ the time slaves oʼ corruption. (For, by whateʼer ane has been owercome, he has become a slave tillʼt.)

For gin aiblins eftir they had escapit the pollutions oʼ the warld, throwe a knowledge oʼ the Lord and Saviour Jesus Christ, they are again taiglʼt thar‐in — their last state is waur nor the first!

But thar war fause‐prophets amang the folk; as eʼen amang you wull thar be fause‐teachers: sic as wull hidlins bring in diabolical sects eʼen denying the Lord wha bocht them; bringin doon on theirsels sudden destruction.